Airtel Postpaid Plan : ఎయిర్‌టెల్ యూజర్లకు భారీ షాక్.. రూ.549 ప్లాన్‌ ఇక లేదు.. కొత్త రీచార్జ్ ఎంతంటే?

రూ.549 రీచార్జ్ ఇక కుదరదు.. ఎయిర్‌టెల్ కొత్త ప్లాన్‌ ధర ఇదే ఎయిర్‌టెల్ పోస్టుపెయిడ్ కస్టమర్లకు బిగ్ షాకింగ్ న్యూస్ నెలకు రూ. 449 ప్లస్ జీఎస్టీ ధరతో వ్యక్తిగత ప్లాన్ Airtel Postpaid Plan : ఎయిర్‌టెల్ పోస్టుపెయిడ్ కస్టమర్లకు షాకింగ్ న్యూస్.. టెలికాం కంపెనీ ఎయిర్‌టెల్ పోస్ట్‌పెయిడ్ పోర్ట్‌ఫోలియోలో రూ. 549 వ్యక్తిగత పోస్ట్‌పెయిడ్ ప్లాన్‌ ఎత్తేసింది. దాంతో ఇప్పుడు రూ. 449 ప్లాన్ మాత్రమే ఎంట్రీ-లెవల్ ఆప్షన్ ఉంది. రూ. 449 ప్లాన్ తర్వాత మరో రూ. 699 ప్లాన్ అందుబాటులో ఉంది. ఇంతకుముందు రూ. 549 ప్లాన్ కొనుగోలు చేసి రూ. 449 ప్లాన్ వర్క్ చేయకుంటే ఇప్పుడు తప్పనిసరిగా రూ. 699 ప్లాన్‌ ఎంచుకోవాల్సిందే.. రూ. 549 ప్లాన్ తొలగించిందా? లేదా అనేది కంపెనీ నుంచి ఎలాంటి అధికారిక ప్రకటన లేదు. రూ. 549 పోస్ట్‌పెయిడ్ ప్లాన్ కంపెనీ (Airtel Postpaid Plan) వెబ్‌సైట్‌లో కనిపించడం లేదు. టెలికాం టాక్ ప్రకారం.. ఈ ప్లాన్‌ను కంపెనీ ఎయిర్‌టెల్ థ్యాంక్స్ యాప్ నుంచి కూడా తొలగించారు. వ్యక్తిగత ప్లాన్ పరంగా ఎయిర్‌టెల్ పోస్ట్‌పెయిడ్ కనెక్షన్‌కు అప్‌గ్రేడ్ అయ్యే కస్టమర్లు ఇప్పుడు ఎంట్రీ-లెవల్ ఆప్షన్‌గా నెలకు రూ. 449 ప్లస్ జీఎస్టీ ధరతో వ్యక్తిగత ప్లాన్ అందుబాటులో ఉంది. ఫ్యామిలీ ప్లాన్ విషయానికి వస్తే.. నెలకు రూ. 699 ప్లస్ జీఎస్టీ, ఫ్యామిలీ ప్లాన్‌లో ప్రైమరీ, యాడ్-ఆన్ సిమ్ కనెక్షన్ ఉంటాయి. Read Also : Motorola Edge 50 Ultra 5G : కొంటే ఇలాంటి ఫోన్ కొనాలి.. ఈ మోటోరోలా అల్ట్రా 5జీ ఫోన్ చాలా చీప్ గురూ.. అమెజాన్‌లో జస్ట్ ఎంతంటే? ఎయిర్‌టెల్ 449 ప్లాన్ బెనిఫిట్స్ : రూ. 449 ప్లాన్‌లో అన్‌లిమిటెడ్ 4జీ, 5జీ డేటాతో పాటు అన్‌లిమిటెడ్ లోకల్, ఎస్టీడీ రోమింగ్ కాల్స్ లభిస్తాయి. అదనంగా, మీకు రోజుకు 100 ఎస్ఎంఎస్, 5జీ స్లైసింగ్‌తో ఫాస్ట్‌లేన్ టెక్నాలజీకి యాక్సెస్ లభిస్తుంది. ఈ ప్లాన్‌లో 6 నెలల పాటు గూగుల్ వన్ (100GB క్లౌడ్ స్టోరేజ్), 3 నెలల పాటు ఎయిర్‌టెల్ ఎక్స్‌స్ట్రీమ్ ప్లే ప్రీమియం, 12 నెలల పాటు అడోబ్ ఎక్స్‌ప్రెస్ ప్రీమియం, ఫ్రీ హలో ట్యూన్స్, బ్లూ రిబ్బన్ బ్యాగ్ ట్రాకింగ్ సర్వీస్ వంటి లైఫ్‌స్టైల్, డిజిటల్ సెక్యూరిటీ బెనిఫిట్స్ కూడా ఉన్నాయి. సెక్యూరిటీ ఫీచర్లలో ఫ్రాడ్ లింక్ బ్లాకింగ్, స్పామ్ ప్రొటెక్షన్ ఓటీపీ అలర్ట్‌లు ఉన్నాయి. రూ. 699 ప్లాన్ బెనిఫిట్స్ : ఈ ఫ్యామిలీ ప్లాన్ ధర నెలకు రూ. 699, అదనంగా జీఎస్టీ ఉంటుంది. సుమారుగా ఒక్కో సభ్యునికి రూ. 350 అవుతుంది. ఈ ప్లాన్‌లో 2 సిమ్‌లు (ఒకటి ప్రధానమైనది + ఒకటి యాడ్-ఆన్) ఉంటాయి. సభ్యులందరికీ అన్‌లిమిటెడ్ 4జీ, 5జీ డేటాతో పాటు అన్‌లిమిటెడ్ లోకల్, ఎస్టీడీ రోమింగ్ కాల్స్‌ అందిస్తుంది. రోజుకు 100 ఎస్ఎంఎస్, 5జీతో ఫాస్ట్ లేన్ టెక్నాలజీ, 6 నెలల పాటు అమెజాన్ ప్రైమ్ మొబైల్ సబ్‌స్క్రిప్షన్, 6 నెలల పాటు గూగుల్ వన్ (100GB క్లౌడ్ స్టోరేజ్), ఒక ఏడాది పాటు జియోహాట్‌స్టార్ మొబైల్ సబ్‌స్క్రిప్షన్, 3 నెలల పాటు ఎయిర్‌టెల్ ఎక్స్‌స్ట్రీమ్ ప్లే ప్రీమియం, 12 నెలల పాటు అడోబ్ ఎక్స్‌ప్రెస్ ప్రీమియం ఉన్నాయి. సేఫ్టీ ఫీచర్లలో ఫ్రాడ్ లింక్ బ్లాకింగ్, స్పామ్ ప్రొటెక్షన్, ఓటీపీ అలర్ట్‌లు, ఫ్రీ హలో ట్యూన్స్, బ్లూ రిబ్బన్ బ్యాగ్ ట్రాకింగ్ సర్వీస్ ఉన్నాయి.