BC Reservations: స్థానిక పోరులో బీసీ రిజర్వేషన్లు ఖరారు.. ఏపీ కేబినెట్ చారిత్రాత్మక నిర్ణయం.. కేటగిరీల వారీగా రిజర్వేషన్ల వివరాలు ఇవే!

BC Reservations: ఆంధ్రప్రదేశ్‌లో త్వరలో జరగబోయే స్థానిక సంస్థల ఎన్నికలకు సంబంధించి రాష్ట్ర ప్రభుత్వం అత్యంత కీలకమైన అడుగు వేసింది. వెనుకబడిన తరగతుల (BC Reservations) హక్కుల పరిరక్షణ, స్థానిక పాలనలో వారికి తగిన ప్రాతినిధ్యం కల్పించడమే ధ్యేయంగా ప్రభుత్వం బీసీ రిజర్వేషన్ల శాతాలను అధికారికంగా ఖరారు చేసింది. రిటైర్డ్ ఐఏఎస్ అధికారి రాజేష్ రంజన్ నేతృత్వంలోని ప్రత్యేక కమిషన్ సమర్పించిన సమగ్ర నివేదిక, సిఫార్సుల ఆధారంగానే రాష్ట్ర కేబినెట్ ఈ సంచలన నిర్ణయాన్ని తీసుకుంది. Abhijeet Dipke: అరెస్టుకు ముందే అభిజీత్ దిప్కే వీడియో.. ఉద్యమానికి కొత్త నాయకుడి ప్రకటన.. వీడియోలో సంచలన కామెంట్స్ మొత్తం 8 విభాగాల్లో రిజర్వేషన్ల ఖరారు.. వివరాలు ఇవే: రాజేష్ రంజన్ కమిషన్ నివేదిక ప్రకారం స్థానిక సంస్థల్లోని మొత్తం 8 విభిన్న కేటగిరీలలో జనాభా ప్రాతిపదికన రిజర్వేషన్ల శాతాలను ప్రభుత్వం కేటాయించింది. మేయర్ పదవులకు అత్యధికంగా 35.29%, మున్సిపల్ చైర్మన్ పదవులకు 33.02%, అర్బన్ వార్డులకు 32.78% రిజర్వేషన్లు దక్కాయి. అదేవిధంగా గ్రామీణ ప్రాంతాల్లో సర్పంచ్ స్థానాలకు 27.95%, పంచాయతీ వార్డులకు 26.73%, ఎంపీటీసీ స్థానాలకు 25.55%, ఎంపీపీ స్థానాలకు 24.60%, జడ్పీటీసీ స్థానాలకు 24.60%, జడ్పీ చైర్మన్ పదవులకు 23.08% రిజర్వేషన్లు ఖరారయ్యాయి. సమకాలీన డేటాతో న్యాయమైన ప్రాతినిధ్యం.. వేగవంతం కానున్న ఎన్నికలు: చట్టపరమైన నిబంధనలు, శాస్త్రీయ డేటా ఆధారంగా ప్రతీ బీసీ వర్గానికి న్యాయమైన రాజకీయ అవకాశాలు కల్పించడమే ఈ నిర్ణయం ప్రధాన ఉద్దేశమని ప్రభుత్వం వెల్లడించింది. బీసీలకు సముచిత స్థానం కల్పిస్తూ కేబినెట్ ఆమోదం తెలపడంతో, పారదర్శకమైన రీతిలో ఎన్నికల నిర్వహణకు మార్గం సుగమమైంది. బీసీ రిజర్వేషన్ల ప్రక్రియ పూర్తవ్వడంతో త్వరలోనే ఏపీలో స్థానిక సమరానికి సంబంధించిన ఎన్నికల నోటిఫికేషన్లు వెలువడి, స్థానిక పోరు ప్రక్రియ వేగవంతం కానుంది.