Dhamaka Sequel : రవితేజ ‘ధమాకా’ సీక్వెల్ పై క్లారిటీ ఇచ్చిన డైరెక్టర్.. అలా అయితేనే చేస్తాను..

Dhamaka Sequel : రవితేజ కెరీర్ లో మొదటి వంద కోట్ల సినిమాగా ధమాకా నిలిచింది. రవితేజ, శ్రీలీల జంటగా పీపుల్స్ మీడియా ఫ్యాక్టరీ నిర్మాణంలో త్రినాథరావు నక్కిన దర్శకత్వంలో తెరకెక్కిన ధమాకా సినిమా 2022 లో రిలీజయి పెద్ద హిట్ గా నిలిచింది. ఈ సినిమా సాంగ్స్, సినిమాలోని పలు సీన్స్ హిలేరియస్ గా పేలాయి. రవితేజ, శ్రీలీల మాస్ పర్ఫార్మెన్స్ లు ఈ సినిమాకు బాగా కలిసొచ్చాయి. అయితే ధమాకా సినిమాకు సీక్వెల్ ఉంటుందని గతంలో డైరెక్టర్, రవితేజ, రైటర్ ప్రసన్న చెప్పారు. కానీ ఇప్పటివరకు దాని గురించి ఎలాంటి అప్డేట్ లేదు. డైరెక్టర్ త్రినాథరావు నక్కిన నిర్మాతగా మారి అనకాపల్లి అనే సినిమాతో ప్రేక్షకుల ముందుకు వస్తున్నాడు. ఈ సినిమా ప్రమోషన్స్ లో భాగంగా మీడియాతో మాట్లాడగా ధమాకా సీక్వెల్ పై క్లారిటీ ఇచ్చాడు. Also See : Kevvu Kartheek : జబర్దస్త్ కెవ్వు కార్తీక్ భార్య బర్త్ డే సెలబ్రేషన్స్.. ఫొటోలు.. త్రినాథరావు నక్కిన మాట్లాడుతూ.. ధమాకా ఒక గొప్ప సినిమా. ధమాకా సీక్వెల్ చేయాలని మేము అనుకున్నాము. కానీ ధమాకాకు మించిన కథ, స్క్రిప్ట్ కుదిరితేనే ధమాకా 2 గురించి ఆలోచిస్తాను. లేకపోతే చెయ్యను. అలాంటి సినిమాని సీక్వెల్ అని ఈజీగా ముట్టుకోకూడదు. చెయ్యడానికి నేను, రవితేజ గారు రెడీనే. కానీ దానికి మించి ఎంటర్టైన్మెంట్ ఇవ్వగలిగితేనే సీక్వెల్ చేయాలి. ఎంటర్టైన్మెంట్ సినిమాలు చేయడం చాలా కష్టం. అవి రాయాలంటే ఇంకా కష్టం. అందుకే ధమాకాను మించిన ఎంటర్టైన్మెంట్ రాస్తే అప్పుడు మాత్రమే ధమాకా 2 తీస్తాను లేకపోతే తీయను అని తెలిపారు.