Financial Rules August 1 : ఆగస్టు 1 నుంచి రాబోయే కీలక మార్పులివే.. LPG గ్యాస్ ధరల నుంచి బ్యాంకు ఛార్జీల వరకు.. సామాన్యుల జేబుకు చిల్లే..!

ఆగస్టు 1 నుంచి ఎల్‌పీజీ, ATF కొత్త ధరలు అమల్లోకి రైల్వే తత్కాల్ బుకింగ్ విధానంలో కీలక మార్పులు CKYC 2.0 అమలుతో KYC ప్రాసెస్ మరింత ఈజీ జులై 31 తర్వాత ITR దాఖలు చేస్తే పెనాల్టీలు తప్పవు బ్యాంకులు సేవా ఛార్జీలు, SMS ఫీజుల సవరణ FMCG, ఎలక్ట్రానిక్స్, ఆటోమొబైల్ ప్రొడక్టుల ధరలు పెంపు Financial Rules August 1 : సామాన్యులకు, టాక్స్ పేయర్లకు బిగ్ అలర్ట్.. జూలై నెల ముగిసి ఆగస్టు నెల ప్రారంభం కాబోతుంది. దేశవ్యాప్తంగా ఒకటో తేదీ నుంచి పలు ఆర్థికపరమైన మార్పులు రాబోతున్నాయి. ఈ మార్పులు వంటగది దగ్గర నుంచి మొదలై నిత్యవసర వస్తువుల కొనుగోలు, అమ్మకాల వరకు ప్రతిదానిపై భారీగా ప్రభావం చూపున్నాయి. ఎల్‌పీజీ సిలిండర్ ధరల నుంచి బ్యాంకింగ్ సేవలు, రైల్వే తత్కాల్ టికెట్ బుకింగ్, ఆదాయపు పన్ను రిటర్నులు (ITR) వరకు అనేక అంశాలు ప్రభావితం కానున్నాయి. కొత్త నెల ప్రారంభంతో ఈ మార్పులు సామాన్య ప్రజల రోజువారీ ఖర్చులపై నేరుగా ప్రభావం చూపనున్నాయి. పూర్తి వివరాలపై ఓసారి లుక్కేయండి. ఎల్పీజీ సిలిండర్ ధరల్లో మార్పు : ప్రతి నెల ఫస్ట్ తారీఖున ప్రభుత్వ ఆయిల్ మార్కెటింగ్ కంపెనీలు డొమెస్టిక్, కమర్షియల్ ఎల్‌పీజీ సిలిండర్ల (Financial Rules August 1 ) ధరలను సమీక్షించి కొత్త ధరలను ప్రకటిస్తాయి. అంతర్జాతీయంగా ముడి చమురు ధరల్లో కొనసాగుతున్న హెచ్చుతగ్గులు, భౌగోళిక-రాజకీయ పరిస్థితుల ప్రభావంతో ఈసారి కూడా గ్యాస్ ధరల్లో భారీగా మార్పు ఉండొచ్చని మార్కెట్ వర్గాలు అంచనా వేస్తున్నాయి. ధరలు పెరుగుతాయా లేదా తగ్గుతాయా అనేది ఆగస్టు 1న క్లారిటీ రానుంది. ATF ధరలు.. విమాన చార్జీలపై ఎఫెక్ట్ : ఎల్‌పీజీతో పాటు ఆయిల్ మార్కెటింగ్ కంపెనీలు ప్రతి నెల మొదటి తేదీన ఏవియేషన్ టర్బైన్ ఫ్యూయల్ (ATF) ధరలను కూడా సవరిస్తాయి. ఏటీఎఫ్ ధరల్లో పెరుగుదల లేదా తగ్గుదల నేరుగా విమాన టికెట్ ధరలపై ప్రభావం చూపుతుంది. తద్వారా ఆగస్టు 1 నుంచి విమాన ప్రయాణ ఖర్చుల్లో భారీగా మార్పు ఉండొచ్చు. రైల్వే తత్కాల్ టికెట్ బుకింగ్‌లో కొత్త రూల్ : రైళ్లలో తరచూ ప్రయాణించే ప్రయాణికులకు బిగ్ అలర్ట్.. ఆగస్టు 1 నుంచి తత్కాల్ టికెట్ బుకింగ్ ప్రాసెస్ మరింత ఈజీ కానుంది. భారతీయ రైల్వే కొత్త విధానాన్ని అమల్లోకి తీసుకువస్తోంది. రిజర్వేషన్ కౌంటర్ల వద్ద టోకెన్ల పంపిణీ సమయాన్ని తత్కాల్ బుకింగ్ ప్రారంభ సమయానికి లింక్ చేయనుంది. దీంతో ప్రయాణికులు వేర్వేరు క్యూల్లో నిలబడాల్సిన అవసరం తగ్గనుంది. బుకింగ్ ప్రాసెస్ కూడా చాలా ఫాస్ట్ అయ్యే అవకాశం ఉంది. క్రెడిట్ కార్డు ఛార్జీలు, బ్యాంకు సేవల్లో మార్పులు : ఆగస్టు 1 నుంచి కొన్ని బ్యాంకులు సర్వీసు ఛార్జీలు, క్రెడిట్ కార్డ్ రివార్డ్స్, SMS అలర్ట్ ఫీజులు, ఇతర సర్వీస్ చార్జీలలో మార్పులు చేయనున్నాయి. తద్వారా కొందరు కస్టమర్లపై అదనపు భారం పడే అవకాశం ఉంది. ఖాతాదారులు తమ బ్యాంకు నుంచి వచ్చే లేటెస్ట్ నోటిఫికేషన్లను చెక్ చేసుకోవడం బెటర్. సీకైవైసీ 2.0 అమలు : ఆగస్టు 1 నుంచి సెంట్రల్ కేవైసీ (CKYC 2.0) సిస్టమ్ అమల్లోకి రానుంది. తద్వారా బ్యాంకులు, బీమా సంస్థలు, మ్యూచువల్ ఫండ్ కంపెనీల్లో కొత్త అకౌంట్లు తెరిచే సమయంలో లేదా కొత్త పెట్టుబడులు పెట్టేటప్పుడు పదేపదే కేవైసీ డాక్యుమెంట్లు సబ్మిట్ చేయాల్సి పని ఉండదు. ఒకసారి రిజిస్టర్ అయిన వివరాలను ఇతర అవసరాలకు ఈజీగా వినియోగించుకోవచ్చు. ఐటీఆర్ ఫైలింగ్ ఆలస్యమైతే పెనాల్టీ : ఆడిట్ అవసరం లేని వ్యక్తిగత పన్ను చెల్లింపుదారులకు ఆదాయపు పన్ను రిటర్నులు (ITR) దాఖలుకు జులై 31 వరకు గడువు ఉంది. ఆ తర్వాత, అంటే ఆగస్టు 1 నుంచి ఐటీఆర్ దాఖలు చేసే వారు ఆదాయపు పన్ను చట్టం ప్రకారం వర్తించే జరిమానా, వడ్డీ లేదా ఇతర పెనాల్టీలను చెల్లించాల్సి రావచ్చు. ఎఫ్ఎంసీజీ, ఎలక్ట్రానిక్ వస్తువుల ధరలు పెరగొచ్చు : త్వరలో పండుగల సీజన్ ప్రారంభం కానుంది. ఈ నేపథ్యంలో పలు వినియోగ వస్తువుల ధరలు కూడా భారీగా పెరిగే అవకాశముందని మార్కెట్ నిపుణులు చెబుతున్నారు. టీ, సబ్బులు, హెయిర్ ఆయిల్ వంటి FMCG ప్రొడక్టుల ధరలు 6 శాతం నుంచి 8 శాతం వరకు పెరిగే ఛాన్స్ ఉంది. అలాగే, టీవీలు, రిఫ్రిజిరేటర్లు, వాషింగ్ మెషీన్లు వంటి ఎలక్ట్రానిక్ వస్తువుల ధరలు 4 శాతం నుంచి 6 శాతం వరకు పెరగవచ్చని అంచనా. మెమరీ చిప్‌ల ధరల ప్రభావంతో స్మార్ట్‌ఫోన్లు సైతం అత్యంత ఖరీదైనవిగా అవుతాయని మార్కెట్ వర్గాలు అంటున్నారు. కొన్ని ఆటోమొబైల్ కంపెనీలు కూడా ఇన్‌పుట్ ఖర్చులు పెరగడంతో కార్ల ధరలను సవరించే ఛాన్స్ ఉంది. బ్యాంకు ఛార్జీల్లో మార్పులివే : 2026 ఆగస్టు 1 నుంచి కొన్ని బ్యాంకులు తమ సేవా రుసుములను సవరించనున్నాయి. ఇందులో ఉజ్జీవన్ స్మాల్ ఫైనాన్స్ బ్యాంక్ ఎస్ఎంఎస్ అలర్ట్ ఛార్జీలను సవరించనుంది. కొత్త రూల్ ప్రకారం.. ప్రతి SMSకు 30 పైసలు వసూలు చేయనుంది. అలాగే, డెబిట్ కార్డ్ మెయింట్ నెన్స్ రుసుములు, ఇతర సేవా ఛార్జీల్లో కూడా మార్పులు ఉండనున్నాయి. పూర్తి వివరాల కోసం ఖాతాదారులు తమ బ్యాంకును సంప్రదించి తెలుసుకోవడం బెటర్.