ಜಾರ್ಜಿಯಾದಲ್ಲಿ ಪತಿಯ ಗುಂಡೇಟಿಗೆ ಭಾರತೀಯ ಮೂಲದ ಟೆಕ್ಕಿ ಬಲಿ
ವಾಷಿಂಗ್ಟನ್: ಕೌಟುಂಬಿಕ ಕಲಹಕ್ಕೆ ಭಾರತೀಯ ಮೂಲದ ಟೆಕ್ಕಿ ಮಹಿಳೆಯೊಬ್ಬರು ಪತಿಯ ಗುಂಡೇಟಿಗೆ ಬಲಿಯಾಗಿರುವ ಘಟನೆ ಜಾರ್ಜಿಯಾದಲ್ಲಿ ನಡೆದಿದೆ. ಶೀತಲ್ ವ್ರ್ಜೆಸಿಯನ್ ಹತ್ಯೆಯಾದ ಟೆಕ್ಕಿ. ಪತ್ನಿ ಕೊಂದ ಪತಿ, 23 ವರ್ಷದ ಪುತ್ರನಿಗೂ ಗುಂಡು ಹಾರಿಸಿದ್ದ. ಗಾಯಗೊಂಡಿದ್ದ ಯುವಕ ಜಾರ್ಜಿಯಾದ ಲಾರೆಲ್ ಕ್ರೀಕ್ ಟ್ರಯಲ್ ನೆರೆಹೊರೆಯಲ್ಲಿ ಜನರಿಂದ ಸಹಾಯಕ್ಕಾಗಿ ಅಂಗಲಾಚಿದ್ದ. ಕ
ವಾಷಿಂಗ್ಟನ್: ಕೌಟುಂಬಿಕ ಕಲಹಕ್ಕೆ ಭಾರತೀಯ ಮೂಲದ ಟೆಕ್ಕಿ ಮಹಿಳೆಯೊಬ್ಬರು ಪತಿಯ ಗುಂಡೇಟಿಗೆ ಬಲಿಯಾಗಿರುವ ಘಟನೆ ಜಾರ್ಜಿಯಾದಲ್ಲಿ ನಡೆದಿದೆ. ಶೀತಲ್ ವ್ರ್ಜೆಸಿಯನ್ ಹತ್ಯೆಯಾದ ಟೆಕ್ಕಿ. ಪತ್ನಿ ಕೊಂದ ಪತಿ, 23 ವರ್ಷದ ಪುತ್ರನಿಗೂ ಗುಂಡು ಹಾರಿಸಿದ್ದ. ಗಾಯಗೊಂಡಿದ್ದ ಯುವಕ ಜಾರ್ಜಿಯಾದ ಲಾರೆಲ್ ಕ್ರೀಕ್ ಟ್ರಯಲ್ ನೆರೆಹೊರೆಯಲ್ಲಿ ಜನರಿಂದ ಸಹಾಯಕ್ಕಾಗಿ ಅಂಗಲಾಚಿದ್ದ. ಕೊಲೆ ಆರೋಪಿ 56 ವರ್ಷದ ಕಿರ್ಕ್ ಬಿ ವ್ರ್ಜೆಸಿಯನ್ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಕಿರ್ಕ್ ವಿರುದ್ಧ ಕೊಲೆ, ಎರಡು ತೀವ್ರತರವಾದ ಹಲ್ಲೆ ಆರೋಪಗಳನ್ನು ಹೊರಿಸಲಾಗಿದೆ. ಆರೋಪಿಯನ್ನು ಕಾಬ್ ಕೌಂಟಿ ವಯಸ್ಕರ ಬಂಧನ ಕೇಂದ್ರದಲ್ಲಿ ಇರಿಸಲಾಗಿದೆ. ಜಾರ್ಜಿಯಾ ಟೆಕ್ನ ಹಳೆಯ ವಿದ್ಯಾರ್ಥಿನಿ ಶೀತಲ್ ವ್ರ್ಜೆಸಿಯನ್, ಗೂಗಲ್ನಲ್ಲಿ ಎಂಜಿನಿಯರಿಂಗ್ ನಾಯಕಿಯಾಗಿದ್ದರು. ದೊಡ್ಡ ಮತ್ತು ಸಣ್ಣ ಸಂಸ್ಥೆಗಳಲ್ಲಿ ವಿವಿಧ ತಂತ್ರಜ್ಞಾನ ಪಾತ್ರಗಳಲ್ಲಿ 20 ವರ್ಷಗಳಿಗೂ ಹೆಚ್ಚು ಅನುಭವ ಹೊಂದಿದ್ದರು. ಶೀತಲ್ ಇಂಗ್ಲೆಂಡ್, ಭಾರತ ಮತ್ತು ಘಾನಾ (ಪಶ್ಚಿಮ ಆಫ್ರಿಕಾ) ದಲ್ಲಿ ಬೆಳೆದರು. ಜಾರ್ಜಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಕಂಪ್ಯೂಟರ್ ಸೈನ್ಸ್ನಲ್ಲಿ ಪದವಿ ಪಡೆಯಲು ಅವರು ಯುನೈಟೆಡ್ ಸ್ಟೇಟ್ಸ್ಗೆ ತೆರಳಿದರು. ಶೀತಲ್ ಎರಡು ಸಾಫ್ಟ್ವೇರ್ ಪೇಟೆಂಟ್ಗಳಲ್ಲಿ ಹೆಸರಿಸಲಾದ ಸಂಶೋಧಕಿಯಾಗಿದ್ದರು. ಜಾರ್ಜಿಯಾ ಟೆಕ್ ಕಾಲೇಜ್ ಆಫ್ ಕಂಪ್ಯೂಟಿಂಗ್ನ ಸಲಹಾ ಮಂಡಳಿಯಲ್ಲಿ ಸೇವೆ ಸಲ್ಲಿಸಿದ್ದರು. ಜಾರ್ಜಿಯಾ ಟೆಕ್ ಹಳೆಯ ವಿದ್ಯಾರ್ಥಿಗಳ ಸಂಘದ ಟ್ರಸ್ಟಿಗಳ ಮಂಡಳಿಯ ಸದಸ್ಯರಾಗಿದ್ದರು.