ಶಿರಾ ನಗರಸಭೆ ಅವಿಶ್ವಾಸ ನಿರ್ಣಯ ಸಭೆಯಲ್ಲಿ ಹೈಡ್ರಾಮಾ; ಮಾಜಿ ಅಧ್ಯಕ್ಷೆ & ಸದಸ್ಯನ ನಡುವೆ ಮಾತಿನ ಚಕಮಕಿ

* 1 ಮತದ ಅಂತರದಲ್ಲಿ ಅಧ್ಯಕ್ಷ ಸ್ಥಾನ ಉಳಿಸಿಕೊಂಡ ಜೀಷಾನ್ ತುಮಕೂರು: ಜಿಲ್ಲೆಯ ಶಿರಾ ನಗರಸಭೆ (Sira Municipal Council) ಅಧ್ಯಕ್ಷರ ವಿರುದ್ಧ ಅವಿಶ್ವಾಸ ನಿರ್ಣಯ ವೇಳೆ ಹೈಡ್ರಾಮಾ ನಡೆದಿದೆ. ಮಾಜಿ ಅಧ್ಯಕ್ಷೆ ಪೂಜಾ ಹಾಗೂ ಸ್ವತಂತ್ರ ಸದಸ್ಯ ಅಜಯ್ ನಡುವೆ ಮಾತಿನ ಚಕಮಕಿ ನಡೆದು ಬಿಗುವಿನ ವಾತಾವರಣ ಏರ್ಪಟ್ಟಿತು. ಅಧ್ಯಕ್ಷ ಜೀಷಾನ್ ಮಹಮ್ಮದ್ ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡಿಸಲು ಸಭೆ ಸೇರಲಾಗಿತ್ತು. ಈ ಅವಿಶ್ವಾಸ ನಿರ್ಣಯದಲ್ಲಿ ಅಧ್ಯಕ್ಷ ಜೀಷಾನ್ ಮತ್ತೆ ಗೆದ್ದು ಅಧ್ಯಕ್ಷರಾಗಿ ಮುಂದುವರೆದರು. ಆದರೆ ಕಾಂಗ್ರೆಸ್ ಸದಸ್ಯೆ ಆಗಿರುವ ಪೂಜಾ ಜೆಡಿಎಸ್-ಬಿಜೆಪಿ ಅವರ ಜೊತೆ ಸೇರಿ ತಮ್ಮದೇ ಪಕ್ಷದ ಅಧ್ಯಕ್ಷರನ್ನು ಕೆಳಗಿಳಿಸಲು ಹೊರಟಿದ್ದಾರೆ ಎಂಬ ಆರೋಪ ಇತ್ತು. ಹಾಗಾಗಿ, ಅಧ್ಯಕ್ಷ ಜೀಷಾನ್ ಅವರ ಬೆಂಬಲಿಗ ಸದಸ್ಯ ಅಜಯ್ ಅವರು ಪೂಜಾರ ಮುಂದೆ ಬಂದು ಹೇಗೆ ನಮ್ಮ ತಾಕತ್ತು ತೋರಿಸಿದ್ದೀವಿ ಎಂದು ಕಿಚಾಯಿಸುತ್ತಾರೆ. ಈ ವೇಳೆ ಪೂಜಾ ಹಾಗೂ ಅಜಯ್ ನಡುವೆ ಮಾತಿನ ಚಕಮಕಿ ನಡೆದಿದೆ. ಇದನ್ನೂ ಓದಿ: ಹಿಂದುಳಿದ ಸಮುದಾಯದ ಮೋದಿ ಪ್ರಧಾನಿ ಆಗಿರೋದು ಕಾಂಗ್ರೆ‌ಸ್‌ಗೆ ಸಹಿಸೋಕೆ ಆಗುತ್ತಿಲ್ಲ: ವಿಜಯೇಂದ್ರ ಪರಸ್ಪರ ಕೈ ಕೈ ಮಿಲಾಯಿಸುವ ಹಂತಕ್ಕೂ ತಲುಪಿತು. ಪೊಲೀಸರ ಮಧ್ಯಪ್ರವೇಶದಿಂದ ವಾತಾವರಣ ತಿಳಿಗೊಂಡಿತ್ತು. ಇನ್ನೊಂದೆಡೆ ಸಭೆಯಲ್ಲಿ ಹಾಜರಿದ್ದ 27 ಜನ ಸದಸ್ಯರ ಪೈಕಿ ಮೂರನೇ ಒಂದು ಭಾಗದಷ್ಟು ಅಂದರೆ 9 ಮತ ಪಡೆದರೆ ಅಧ್ಯಕ್ಷರಿಗೆ ಗೆಲುವಾಗುತ್ತದೆ. ಹಾಗಾಗಿ, ಅಧ್ಯಕ್ಷರು 13 ಮತ ಪಡೆದು ಅವಿಶ್ವಾಸದ ವಿರುದ್ಧ ಗೆದ್ದು ಮತ್ತೆ ಅಧ್ಯಕ್ಷರಾಗಿ ಮುಂದುವರಿದರು.