ತರಗತಿಯಲ್ಲಿ ಶಿಕ್ಷಕಿ ಇಲ್ಲದಾಗ ವಿದ್ಯಾರ್ಥಿ ಮೇಲೆ ಕ್ಲಾಸ್‌ ಲೀಡರ್‌ ಹಲ್ಲೆ – ಸಿಸಿಟಿವಿಯಲ್ಲಿ ಕ್ರೂರ ದೃಶ್ಯ ಸೆರೆ

ಲಕ್ನೋ: ತರಗತಿಯಲ್ಲಿ ಶಿಕ್ಷಕಿ ಇಲ್ಲದಾಗ ನರ್ಸರಿ ವಿದ್ಯಾರ್ಥಿ ಮೇಲೆ ಅದೇ ಕ್ಲಾಸ್‌ನ ಮಾನಿಟರ್ ಕ್ರೂರವಾಗಿ ಹಲ್ಲೆ ನಡೆಸಿರುವ ಘಟನೆ ಉತ್ತರ ಪ್ರದೇಶದ (Uttara Pradesh) ಲಕ್ನೋದಲ್ಲಿ (Lucknow) ಬೆಳಕಿಗೆ ಬಂದಿದೆ. ಲಕ್ನೋದ ಸ್ಕೂಲ್‌ವೊಂದರಲ್ಲಿ ಬುಧವಾರ (ಜು.15) ಈ ಘಟನೆ ನಡೆದಿದ್ದು, ತರಗತಿಯಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಮಾನಿಟರ್ ಇನ್ನೊಂದು ವಿದ್ಯಾರ್ಥಿಗೆ ಹೊಡೆದಿರುವ ಸಂಪೂರ್ಣ ದೃಶ್ಯಾವಳಿಗಳು ಸೆರೆಯಾಗಿವೆ. ಹಲ್ಲೆಯ ತೀವ್ರತೆಗೆ ಮಗುವಿನ ಮುಖದ ಗುರುತು ಮೂಡಿ ಕೆಂಪಗಾಗಿದೆ. ಜೊತೆಗೆ ಮುಖವೆಲ್ಲ ಊದಿಕೊಂಡಿದೆ. ಇದನ್ನೂ ಓದಿ: ಜೈಶ್ ಸಂಘಟನೆಯೊಂದಿಗೆ ನಂಟು – ಗುಜರಾತ್‌ನಲ್ಲಿ ಐವರು ಶಂಕಿತ ಉಗ್ರರ ಬಂಧನ ಮಾನಿಟರ್ ಕ್ರೂರತೆ ಬಿಚ್ಚಿಟ್ಟ ಸಿಸಿಟಿವಿ: ತರಗತಿಯಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದ 10 ನಿಮಿಷಗಳ ದೃಶ್ಯಾವಳಿಯಲ್ಲಿ ಈ ಭೀಕರ ಕೃತ್ಯ ಪತ್ತೆಯಾಗಿದೆ. ಆರಂಭದಲ್ಲಿ ತರಗತಿಯೊಳಗೆ ಶಿಕ್ಷಕಿ ಹಾಗೂ ಸುಮಾರು 18 ವಿದ್ಯಾರ್ಥಿಗಳು ಇರುತ್ತಾರೆ. ಅದಾದ ಸ್ವಲ್ಪ ಸಮಯದ ಬಳಿಕ, ಶಿಕ್ಷಕಿಯು ವಿದ್ಯಾರ್ಥಿಗಳಿಗೆ ಬೆಂಚ್‌ಗಳ ಮೇಲೆ ತಲೆ ಇಟ್ಟು ಕುಳಿತುಕೊಳ್ಳುವಂತೆ ಸೂಚಿಸುತ್ತಾರೆ. ಅಲ್ಲದೇ ಯಾರೂ ತಲೆ ಎತ್ತದಂತೆ ನೋಡಿಕೊಳ್ಳಲು ಕ್ಲಾಸ್ ಮಾನಿಟರ್‌ಗೆ ಜವಾಬ್ದಾರಿ ನೀಡಿ, ತರಗತಿಯಿಂದ ಹೊರಗೆ ಹೋಗುತ್ತಾರೆ. Lucknow – In a shocking incident of child abuse inside a school, a 5-year-old nursery student was allegedly beaten continuously for 12 minutes by a class monitor at ALS Academy in Vrindavan Yojana, Lucknow. The entire episode was captured on CCTV cameras. A girl monitor of the… pic.twitter.com/eYM6YkgL8y — NextMinute News (@nextminutenews7) July 17, 2026 ಶಿಕ್ಷಕಿ ಹೊರಗೆ ಹೋದ ತಕ್ಷಣವೇ ಮಾನಿಟರ್‌ನ ಅಟ್ಟಹಾಸ ಶುರುವಾಗುತ್ತದೆ. ಮೊದಲು ತಲೆ ಎತ್ತಿದ ಒಬ್ಬ ವಿದ್ಯಾರ್ಥಿನಿಗೆ ಮಾನಿಟರ್ ಜೋರಾಗಿ ಹೊಡೆಯುತ್ತಾಳೆ. ತದನಂತರ ಮತೊ ್ತಬ್ಬ ಬಾಲಕ ಕೇವಲ ಕೆಲವು ಸೆಕೆಂಡುಗಳ ಕಾಲ ತಲೆ ಎತ್ತಿದ್ದನ್ನು ಕಂಡು ಆತನ ಡೆಸ್ಕ್ಗೆ ಓಡಿಹೋಗಿ ಸತತವಾಗಿ ನಾಲ್ಕು ಬಾರಿ ಕಪಾಳಮೋಕ್ಷ ಮಾಡಿದ್ದಾಳೆ. ನೋವಿನಿಂದ ಬಾಲಕ ಎದ್ದು ನಿಲ್ಲಲು ಯತ್ನಿಸಿದಾಗ, ಆತನ ತಲೆಯನ್ನು ಬಲವಂತವಾಗಿ ಕೆಳಗೆ ಒತ್ತಲು ಪ್ರಯತ್ನಿಸಿದ್ದಾಳೆ.ಇದನ್ನೂ ಓದಿ: 5 ಲಕ್ಷ ಲಂಚಕ್ಕೆ ಕೈಯೊಡ್ಡಿದ್ದ ಪ್ರವಾಸೋದ್ಯಮ ಇಲಾಖೆ ಅಧಿಕಾರಿ ʻಲೋಕಾʼ ಬಲೆಗೆ ಬಾಗಿಲು ಹಾಕಿ ಅಟ್ಟಹಾಸ: ಬಾಲಕ ನೋವಿನಿಂದ ಅಳುತ್ತಾ ತಲೆ ಎತ್ತಿದಾಗ, ಮಾನಿಟರ್ ಮತ್ತೆ ಆತನಿಗೆ ಹೊಡೆದಿದ್ದಾಳೆ. ಇದರಿಂದ ಹೆದರಿದ ಮಗು ಸುಮಾರು ಒಂದು ನಿಮಿಷದ ನಂತರ ಕ್ಲಾಸ್‌ರೂಮ್‌ನಿಂದ ಹೊರಗೆ ಓಡಲು ಯತ್ನಿಸಿದೆ. ಆದರೆ ಆಕೆಯೇ ತಡೆದು ನಿಲ್ಲಿಸಿದ್ದಾಳೆ. ಮಗುವನ್ನು ಎಳೆದುಕೊಂಡು ಬಂದು ಮತ್ತೆ ಹೊಡೆದು, ತರಗತಿಯ ಬಾಗಿಲನ್ನು ಒಳಗಿನಿಂದ ಚಿಲಕ ಹಾಕಿದ್ದಾಳೆ. ಬಾಲಕ ಮತ್ತೊಂದು ಬಾಗಿಲಿನ ಮೂಲಕ ಹೊರಹೋಗಲು ಪ್ರಯತ್ನಿಸಿದರೂ ಸಹ ಆ ಬಾಗಿಲು ಮುಚ್ಚಿದ್ದರಿಂದ ಸಾಧ್ಯವಾಗಿಲ್ಲ. ಅಲ್ಲಿಯೇ ಭಯದಿಂದ ನಿಂತಿದ್ದ ಬಾಲಕನಿಗೆ ಮಾನಿಟರ್ ಮತ್ತೆ ಕಪಾಳಮೋಕ್ಷ ಮಾಡಿ, ಬಲವಂತವಾಗಿ ಬೆಂಚ್‌ಗೆ ಎಳೆದುಕೊಂಡು ಹೋಗಿ ಕೂರಿಸಿದ್ದಾಳೆ. ಅಲ್ಲಿಯೂ ಸಹ ಆತನ ಮೇಲೆ ನಿರಂತರವಾಗಿ ಹಲ್ಲೆ ನಡೆಸಲಾಗಿದೆ. ಈ ಭೀಕರ ದೃಶ್ಯವನ್ನು ನೋಡುತ್ತಿದ್ದ ಇತರ ವಿದ್ಯಾರ್ಥಿಗಳು ಭಯದಿಂದ ತಲೆ ತಗ್ಗಿಸಿ ಕುಳಿತಿದ್ದರು.ಇದನ್ನೂ ಓದಿ: ಆ.1 ರಂದು ಸಾಂಸ್ಕೃತಿಕ ನಗರಿ ಮೈಸೂರಿಗೆ ಪ್ರಧಾನಿ ಮೋದಿ ಆಗಮನ   ಶಿಕ್ಷಕಿ ತರಗತಿಯಿಂದ ಹೊರಗೆ ಹೋದ ಕೇವಲ 10 ನಿಮಿಷಗಳಲ್ಲಿ ಇಷ್ಟೆಲ್ಲಾ ದೌರ್ಜನ್ಯ ನಡೆದಿದೆ. 10 ನಿಮಿಷಗಳ ನಂತರ ಶಿಕ್ಷಕಿ ಬಂದು ಬಾಗಿಲು ತಟ್ಟಿದಾಗ ಮಾನಿಟರ್ ಬಾಗಿಲು ತೆರೆದಿದ್ದಾಳೆ. ಬಾಲಕ ತಕ್ಷಣವೇ ಓಡಿಹೋಗಿ ಶಿಕ್ಷಕಿಗೆ ಮಾನಿಟರ್ ಹೊಡೆದಿದ್ದನ್ನು ಹೇಳಿದ್ದಾನೆ. ಶಾಲೆ ಮುಗಿಸಿ ಮಗು ಮನೆಗೆ ಮರಳಿದಾಗ ಆತನ ಮುಖದ ಮೇಲಿದ್ದ ಊತ ಹಾಗೂ ಗಾಯದ ಗುರುತುಗಳನ್ನು ಕಂಡು ಪೋಷಕರು ಆತಂಕಗೊಂಡಿದ್ದಾರೆ. ತಕ್ಷಣವೇ ಶಾಲೆಗೆ ಧಾವಿಸಿ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಈ ಅಮಾನವೀಯ ಕೃತ್ಯ ಬಯಲಾಗಿದೆ. ಘಟನೆ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದ್ದಂತೆ ಎಚ್ಚೆತ್ತ ಶಾಲಾ ಆಡಳಿತ ಮಂಡಳಿ, ಹಲ್ಲೆ ನಡೆಸಿದ ಕ್ಲಾಸ್ ಮಾನಿಟರ್ ವಿದ್ಯಾರ್ಥಿನಿಯನ್ನು ಶಾಲೆಯಿಂದ ತೆಗೆದುಹಾಕಿದ್ದಾರೆ.ಇದನ್ನೂ ಓದಿ: ವ್ಹೀಲಿಂಗ್ ಮಾಡುತ್ತಿದ್ದ ಪುಂಡನಿಗೆ ಶಾಕ್‌ ಕೊಟ್ಟ ಬೆಂಗ್ಳೂರು ಪೊಲೀಸರು