ಕಾಕ್ರೋಚ್ ಬೆಂಬಲಕ್ಕೆ ಬಂದಿದ್ದ ನಿಹಾಂಗ್ ಸಿಖ್ಖರು ಯೂಟರ್ನ್ – ಪೊಲೀಸರ ನೆರವಿಗೆ ನಿಂತ ಶಸ್ತ್ರಸಜ್ಜಿತ ಸಿಖ್ ವೀರರು
ನವದೆಹಲಿ: ಕಾಕ್ರೋಚ್ ಜನತಾ ಪಾರ್ಟಿ (CJP) ನಡೆಸುತ್ತಿರುವ ಪ್ರತಿಭಟನೆಯ ಬೆಂಬಲಕ್ಕೆ ಬಂದಿದ್ದ ನಿಹಾಂಗ್ ಸಿಖ್ಖರು (Nihang Sikh) ಯೂಟರ್ನ್ ಹೊಡೆದಿದ್ದಾರೆ. ಪೊಲೀಸರ ಜೊತೆ ಕೈಜೋಡಿಸಿ ಗಲಾಟೆ ಎಬ್ಬಿಸುವ ವಿದ್ಯಾರ್ಥಿಗಳಿಗೆ ತಕ್ಕ ಪಾಠ ಕಲಿಸುತ್ತಿದ್ದಾರೆ. ನೀಟ್ ಹೋರಾಟ ಹಾದಿ ತಪ್ಪಿದೆ ಎಂದ ನಿಹಾಂಗ್ ಸಿಖ್ಖರು ಅಸಮಾಧಾನಗೊಂಡಿದ್ದಾರೆ. ಇದರಿಂದ ಸಿಜೆಪಿ ವಿರುದ್ಧವೇ ಶಸ್ತ
ನವದೆಹಲಿ: ಕಾಕ್ರೋಚ್ ಜನತಾ ಪಾರ್ಟಿ (CJP) ನಡೆಸುತ್ತಿರುವ ಪ್ರತಿಭಟನೆಯ ಬೆಂಬಲಕ್ಕೆ ಬಂದಿದ್ದ ನಿಹಾಂಗ್ ಸಿಖ್ಖರು (Nihang Sikh) ಯೂಟರ್ನ್ ಹೊಡೆದಿದ್ದಾರೆ. ಪೊಲೀಸರ ಜೊತೆ ಕೈಜೋಡಿಸಿ ಗಲಾಟೆ ಎಬ್ಬಿಸುವ ವಿದ್ಯಾರ್ಥಿಗಳಿಗೆ ತಕ್ಕ ಪಾಠ ಕಲಿಸುತ್ತಿದ್ದಾರೆ. ನೀಟ್ ಹೋರಾಟ ಹಾದಿ ತಪ್ಪಿದೆ ಎಂದ ನಿಹಾಂಗ್ ಸಿಖ್ಖರು ಅಸಮಾಧಾನಗೊಂಡಿದ್ದಾರೆ. ಇದರಿಂದ ಸಿಜೆಪಿ ವಿರುದ್ಧವೇ ಶಸ್ತ್ರಸಜ್ಜಿತ ನಿಹಾಂಗ್ ಸಿಖ್ಖರು ಗಲಾಟೆ ಮಾಡುವವರನ್ನು ಹುಡುಕಿ ಏಟುಕೊಟ್ಟು ಕಳುಹಿಸುತ್ತಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಇದನ್ನೂ ಓದಿ: ನೀಟ್ ಪ್ರತಿಭಟನೆ ವೇಳೆ ಉಮರ್ ಖಾಲಿದ್ ಪರ ಪೋಸ್ಟರ್ – ಕೇಸ್ ದಾಖಲಿಸಲು ಕಾನೂನು ತಜ್ಞರ ಮೊರೆಹೋದ ಪೊಲೀಸ್ ಜುಲೈ 23 ರಂದು ನಿಹಾಂಗ್ ಸಿಖ್ಖರ ಗುಂಪು ಮತ್ತು ಸಿಜೆಪಿ ಸದಸ್ಯರ ನಡುವೆ ಘರ್ಷಣೆ ನಡೆದ ನಂತರ ಈ ಬೆಳವಣಿಗೆಗಳಾಗಿವೆ. ಇದರಿಂದ ಪ್ರತಿಭಟನೆಯೊಳಗಿನ ಆಂತರಿಕ ಭಿನ್ನಾಭಿಪ್ರಾಯಗಳನ್ನು ಬಹಿರಂಗಗೊಂಡಿವೆ. ನಿಹಾಂಗ್ ಸಿಖ್ಖರು ಸೇರಿದಂತೆ ಸಿಖ್ ಸಮುದಾಯದ ಸದಸ್ಯರು ದೆಹಲಿಯಯಲ್ಲಿ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ. ಅವರು ಪ್ರತಿಭಟನಾ ಸ್ಥಳದಲ್ಲಿ ಪ್ರತಿಭಟನಾಕಾರರು ಮತ್ತು ದಾರಿಹೋಕರಿಗೆ ಕೆಲವು ದಿನಗಳ ಕಾಲ ಉಚಿತ ಊಟವನ್ನು ಸಹ ಹಂಚಿದ್ದರು. ಇದನ್ನೂ ಓದಿ: CJP Protest Live Updates | ಹೆಚ್ಚಿದ ಪ್ರತಿಭಟನೆ ಕಿಚ್ಚು – ಪ್ರಧಾನ್ ರಾಜೀನಾಮೆಗೆ ʻಕಾಕ್ರೋಚ್ʼ ಬಿಗಿ ಪಟ್ಟು