ರಾಮಾಯಣದಲ್ಲಿ ಪರಶುರಾಮನಾಗಿಯೂ ಕಾಣಿಸಿಕೊಂಡಿದ್ದಾರಾ ರಣಬೀರ್‌ ಕಪೂರ್‌?

ರಣಬೀರ್‌ ಕಪೂರ್‌ (Ranbir Kapoor), ಸಾಯಿ ಪಲ್ಲವಿ (Sai Pallavi) ಮತ್ತು ಯಶ್‌ (Yash) ಮುಖ್ಯಭೂಮಿಕೆಯಲ್ಲಿ ಮೂಡಿಬಂದಿರುವ ‘ರಾಮಾಯಣ’ (Ramayana) ಟ್ರೇಲರ್‌ ಈಗಾಗಲೇ ದೇಶಾದ್ಯಂತ ಸಖತ್‌ ಸದ್ದು ಮಾಡ್ತಿದೆ. ಟ್ರೇಲರ್‌ ವೀಕ್ಷಿಸಿರುವ ಅಭಿಮಾನಿಗಳು ಇದನ್ನು ಭವಿಷ್ಯ ದೃಶ್ಯ ಎಂದು ಬಣ್ಣಿಸಿದ್ದಾರೆ. ಸಿನಿಮಾದಲ್ಲಿ ಕುತೂಹಲಕಾರಿ ವಿಚಾರವೊಂದು ಬಹಿರಂಗವಾಗಿದೆ. ರಾಮನ ಪಾತ್ರದ ಜೊತೆಗೆ ರಣಬೀರ್‌ ಕಪೂರ್‌ ಪರಶುರಾಮ ಪಾತ್ರವನ್ನೂ ನಿರ್ವಹಿಸಿದ್ದಾರೆ ಎಂಬ ಚರ್ಚೆ ಸೋಷಿಯಲ್‌ ಮೀಡಿಯಾದಲ್ಲಿ ನಡೆಯುತ್ತಿದೆ. ಟ್ರೇಲರ್‌ನಲ್ಲಿ ಕಂಡುಬಂದ ದೃಶ್ಯದಲ್ಲಿ, ಪರಶುರಾಮನು ಭಗವಾನ್ ರಾಮನ ಮುಂದೆ ಮಂಡಿಯೂರಿ ಅವನಿಗೆ ಶಾರಂಗ (ವಿಷ್ಣುವಿನ ದಿವ್ಯ ಬಿಲ್ಲು) ಅರ್ಪಿಸುತ್ತಾನೆ. ಸಂತನಂತಹ ಪಾತ್ರದಲ್ಲಿ ಅವರು ಗುರುತಿಸಲಾಗದಂತೆ ಕಾಣುತ್ತಾರೆ. ಇದನ್ನೂ ಓದಿ: ರಾಮಾಯಣ ಟ್ರೇಲರ್ : ಸಂಭ್ರಮಿಸಿದ ಸಿನಿಮಾ ತಂಡ #RanbirKapoor will play Parshu Ram and Shri Ram avatar simultaneously! THEATRES WILL turn into temples! This scene will EAT!!! pic.twitter.com/XXrhd3Q5Lh — Annihilator (@Gargi16191) July 29, 2026 ರಾಮ ಜಮದಗ್ನಿ, ಭಾರ್ಗವ ರಾಮ ಮತ್ತು ವೀರರಾಮ ಎಂದೂ ಕರೆಯಲ್ಪಡುವ ಪರಶುರಾಮ, ಹಿಂದೂ ಧರ್ಮದಲ್ಲಿ ಸಂರಕ್ಷಕ ದೇವರು ವಿಷ್ಣುವಿನ ದಶಾವತಾರಗಳಲ್ಲಿ ಆರನೇ ಅವತಾರ. ಅವರನ್ನು ಚಿರಂಜೀವಿಗಳಲ್ಲಿ (ಅಮರರು) ಒಬ್ಬರು ಎನ್ನಲಾಗಿದೆ. ಪರಶುರಾಮ ಕಲಿಯುಗದ ಕೊನೆಯಲ್ಲಿ ವಿಷ್ಣುವಿನ ಹತ್ತನೇ ಮತ್ತು ಅಂತಿಮ ಅವತಾರವಾದ ಕಲ್ಕಿಯ ಗುರುವಾಗಿ ಕಾಣಿಸಿಕೊಳ್ಳುತ್ತಾರೆ. ರಾಮಾಯಣದಲ್ಲಿ, ರಾಮ ಸೀತೆಯನ್ನು ಮದುವೆಯಾದ ನಂತರ ಅಯೋಧ್ಯೆಗೆ ಮನೆಗೆ ಹೋಗುವ ಪ್ರಯಾಣದಲ್ಲಿ ರಾಮನಿಗೆ ಯುದ್ಧ ಮಾಡಲು ಸವಾಲು ಹಾಕುತ್ತಾನೆ. ನಂತರ ಅವನು ರಾಮನನ್ನು ವಿಷ್ಣುವಿನ ಅವತಾರವೆಂದು ಒಪ್ಪಿಕೊಂಡು ಯೋಗ ಮಾಡಲು ತನ್ನ ನಿವಾಸಕ್ಕೆ ಹೋಗುತ್ತಾನೆ. ಮಹಾಭಾರತದಲ್ಲಿ ಭೀಷ್ಮ, ದ್ರೋಣ, ರುಕ್ಮಿ ಮತ್ತು ಕರ್ಣನ ಗುರು ಪರಶುರಾಮ. ಇದನ್ನೂ ಓದಿ: Ramayana Trailer | ಸೂರ್ಯೋದಯಕ್ಕೂ ಮುನ್ನ ʻರಾಮಾಯಣʼ ಟ್ರೈಲರ್ ರಿಲೀಸ್‌ – ರಾವಣನಾಗಿ ಅಬ್ಬರಿಸಿದ ಯಶ್‌ ‘ರಣಬೀರ್ ಕಪೂರ್ ಪರಶುರಾಮ ಮತ್ತು ಶ್ರೀರಾಮನ ಅವತಾರವನ್ನು ಏಕಕಾಲದಲ್ಲಿ ನಿರ್ವಹಿಸಿದ್ದಾರೆ’ ಎಂದು ನೆಟ್ಟಿಗರೊಬ್ಬರು ಟ್ರೇಲರ್‌ ನೋಡಿ ರಿಯಾಕ್ಟ್‌ ಮಾಡಿದ್ದಾರೆ. ‘ಪರಶುರಾಮರು ರಾಮನಿಗೆ ಶಾರಂಗ ನೀಡುವ ದೃಶ್ಯ – VFX ಅದ್ಭುತವಾಗಿದೆ!!’ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ. ‘ರಾಮ. ಪರಶುರಾಮ. ಒಬ್ಬರೇ ನಟ, ಎರಡು ಸಂಪೂರ್ಣವಾಗಿ ವಿಭಿನ್ನ ಪ್ರಭೆಗಳು’ ಎಂದು ಮತ್ತೊಬ್ಬ ಅಭಿಮಾನಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ.