ಶೇರ್‌ಚಾಟ್‌ನ ‘ಕ್ವಿಕ್‌ಟಿವಿ’ಯಿಂದ ಭಾರತದ ಮೊದಲ ಎಐ ಆಧಾರಿತ ಮೈಕ್ರೋಡ್ರಾಮಾ ಸರಣಿ

ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವು ಜಾಗತಿಕ ಮನರಂಜನಾ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸುತ್ತಿರುವ ಬೆನ್ನಲ್ಲೇ, ಭಾರತೀಯ ಪ್ರೀಮಿಯಂ ಕಿರು-ಮನರಂಜನಾ ಕ್ಷೇತ್ರದಲ್ಲಿ ಶೇರ್‌ಚಾಟ್ ಮತ್ತು ಮೋಜ್ ಸಂಸ್ಥೆಯ ‘ಕ್ವಿಕ್‌ ಟಿವಿ’ ಮತ್ತೊಂದು ಮಹತ್ವದ ಮೈಲಿಗಲ್ಲು ಸ್ಥಾಪಿಸಿದೆ.ಕ್ವಿಕ್‌ ಟಿವಿಯ 'ಮೈ ಅಮರ್ ಹೂನ್' ಎಐ ಮೈಕ್ರೋಡ್ರಾಮಾ ಯಶಸ್ವಿಯಾದ ನಂತರ, ಇದೀಗ ಆಗಸ್ಟ್ ತಿಂಗಳಿನಲ್ಲಿ ಆರು ನೂತನ ಎಐ-ಆಧಾರಿತ ಮೈಕ್ರೋಡ್ರಾಮಾ ಸರಣಿಗಳನ್ನು ಬಿಡುಗಡೆ ಮಾಡಲು ಸಂಸ್ಥೆ ಸಜ್ಜಾಗಿದೆ.ಇದರ ಜೊತೆಗೆ ಎಐ-ಚಾಲಿತ ಡಿಜಿಟಲ್ ಮನರಂಜನೆಯನ್ನು ಬೃಹತ್ ಮಟ್ಟದಲ್ಲಿ ವಿಸ್ತರಿಸಲು ಮುಂದಿನ ಒಂದು ವರ್ಷದಲ್ಲಿ ₹100 ಕೋಟಿ ಬಂಡವಾಳ ಹೂಡಿಕೆ ಮಾಡುವುದಾಗಿ ಸಂಸ್ಥೆಯ ಮಾತೃ ಸಂಸ್ಥೆ ಮೊಹಲ್ಲಾ ಟೆಕ್ ಘೋಷಿಸಿದೆ.ಅತ್ಯಾಧುನಿಕ ಎಐ ತಂತ್ರಜ್ಞಾನ, ಎಐ ಕ್ಷೇತ್ರದಲ್ಲಿ ಅತ್ಯುನ್ನತ ಪ್ರತಿಭೆಗಳನ್ನು ಸಂಸ್ಥೆಗೆ ತರುವುದು, ಕಲಾವಿದರ ನೈಜ ಭಾವನಾತ್ಮಕ ಅಭಿನಯಕ್ಕೆ ಧಕ್ಕೆಯಾಗದಂತೆ ದೃಶ್ಯ ವೈಭವವನ್ನು ಹೆಚ್ಚಿಸುವುದು ಈ ಹೂಡಿಕೆಯ ಉದ್ದೇಶವಾಗಿದೆ.'ಮೈ ಅಮರ್ ಹೂನ್' ಯಶಸ್ಸು: ಜೂನ್‌ನಲ್ಲಿ ಪ್ರಸಾರವಾದ 'ಮೈ ಅಮರ್ ಹೂನ್' ಸರಣಿಯು ಲೈವ್-ಆಕ್ಷನ್ ಶೂಟಿಂಗ್, ಮೋಷನ್ ಕ್ಯಾಪ್ಚರ್, ವಿಎಫ್‌ಎಕ್ಸ್ ಮತ್ತು ಜನರೇಟಿವ್ ಎಐ ತಂತ್ರಜ್ಞಾನಗಳನ್ನು ಸಂಯೋಜಿಸಿ ನಿರ್ಮಿಸಲಾದ ಭಾರತದ ಪ್ರಥಮ ಎಐ ಮೈಕ್ರೋಡ್ರಾಮಾ ಎನಿಸಿಕೊಂಡಿತ್ತು. ಈ ಸರಣಿಯು 20ನೇ ಸಂಚಿಕೆಯ ವೇಳೆಯೂ ಶೇ. 50 ರಷ್ಟು ವೀಕ್ಷಣೆ ಕಾಯ್ದುಕೊಳ್ಳುವ ಮೂಲಕ ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.ಆಗಸ್ಟ್‌ನಲ್ಲಿ ಪ್ರಸಾರವಾಗಲಿರುವ 6 ಹೊಸ ಎಐ ಮೈಕ್ರೋಡ್ರಾಮಾ ಸರಣಿಗಳು:ಪಶು ಸಮ್ರಾಟ್: ಮಹಾದೇವನ ದಿವ್ಯ ಶಕ್ತಿಯನ್ನು ಹೊಂದಿರುವ ‘ದೇವ್’ ಎಂಬ ಸಾಮಾನ್ಯ ರೈತನ ಮಹಾಕಾವ್ಯ ಮಾದರಿಯ ಸಾಹಸಮಯ ಫ್ಯಾಂಟಸಿ ಕಥಾನಕ.ಬಾದ್‌ಶಾ ಬೆನಾಕಬ್: ರಾಜ್ಯವನ್ನು ಕುತಂತ್ರಗಳಿಂದ ರಕ್ಷಿಸಲು ರಹಸ್ಯ ಯೋಧನಾಗುವ ‘ಧೀರೇಂದ್ರ’ ಎಂಬ ವಿದ್ವಾಂಸನ ರಾಜಮನೆತನದ ರೋಚಕ ಕಥೆ.ಪೋರ್ಟ್ ಕಾ ಕಿಂಗ್: ಗೋವಾದ ಬಡ ಮೀನುಗಾರ ‘ಶಿವ’ನಿಗೆ ಅಪರೂಪದ ಕಡಲ ನಿಧಿ ಸಿಕ್ಕ ನಂತರ ಆತ ಶಕ್ತಿಶಾಲಿ ಉದ್ಯಮಿಯಾಗಿ ಬೆಳೆಯುವ ಕಥಾನಕ.ಒಡಿಯಾನ್: ಭಾರತೀಯ ಜಾನಪದ ಕಥೆಯಿಂದ ಪ್ರೇರಿತಗೊಂಡಿದ್ದು, ‘ಸಮರ್’ ಎಂಬ ಯುವಕನ ರೂಪಾಂತರ ಶಕ್ತಿಯ ಸಾಹಸಮಯ ಪ್ರಯಾಣ.ಜಾದೂಗಾರ್ ರಾಜಕುಮಾರ್: ಮಾಂತ್ರಿಕ ಶಕ್ತಿಯನ್ನು ಬಳಸಿ ರಾಜಮನೆತನದ ಪಿತೂರಿಗಳನ್ನು ಮೆಟ್ಟಿ ನಿಲ್ಲುವ ರಾಜಕುಮಾರ ‘ರುದ್ರಾಂಶ್‌’ನ ಸಾಹಸ.ಹಮಾರಿ ಲಕ್ಕಿ ಜಿಯಾ: ಪವಾಡದ ಶಮನ ಶಕ್ತಿಯಿರುವ ‘ಜಿಯಾ’ ಎಂಬ ಬಾಲಕಿಯ ಪ್ರೀತಿ, ಹೋರಾಟ ಮತ್ತು ಕುಟುಂಬದ ಭಾವನಾತ್ಮಕ ಕಥೆ.ಈ ಎಲ್ಲಾ ಸರಣಿಗಳು ಆಗಸ್ಟ್ ತಿಂಗಳ ಪೂರ್ತಿ 'ಕ್ವಿಕ್‌ಟಿವಿ' ಪ್ಲಾಟ್‌ಫಾರ್ಮ್‌ನಲ್ಲಿ ಪ್ರತ್ಯೇಕವಾಗಿ ಪ್ರಸಾರವಾಗಲಿವೆ.