ಭಾರತ, ಚೀನಾಗೆ ಅಮೆರಿಕ ಶಾಕ್‌ – ರಷ್ಯಾದ ತೈಲ ಖರೀದಿಸುವ ದೇಶಗಳಿಗೆ ದಂಡ ವಿಧಿಸುವ ಮಸೂದೆ ಅಂಗೀಕಾರ

ವಾಷಿಂಗ್ಟನ್: ರಷ್ಯಾದ (Russia) ತೈಲ, ಅನಿಲ ಖರೀದಿಸುವ ದೇಶಗಳಿಗೆ ದಂಡ ವಿಧಿಸಬಹುದಾದ ಮಸೂದೆಯನ್ನು US ಸೆನೆಟ್ (US Senet) ಅಂಗೀಕರಿಸಿದೆ. ಉಕ್ರೇನ್‌ಗೆ ಅಮೆರಿಕದ ಬೆಂಬಲವನ್ನು ಬಲಪಡಿಸಲು ಮತ್ತು ಉಕ್ರೇನ್ ಮೇಲೆ ಯುದ್ಧ ನಡೆಸುತ್ತಿರುವ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಕೈ ಕಟ್ಟಿಹಾಕಲು ಅಮೆರಿಕ ಮುಂದಾಗಿದೆ. ಅಮೆರಿಕದ ಸೆನೆಟ್, ದಿವಂಗತ ಸೆನೆಟರ್ ಲಿಂಡ್ಸೆ ಗ್ರಹಾಂ ಅವರ ಹೆಸರನ್ನು ಹೊಂದಿರುವ ರಷ್ಯಾ ನಿರ್ಬಂಧ ಮಸೂದೆಯನ್ನು ಅಂಗೀಕರಿಸಿದೆ. ಇದನ್ನೂ ಓದಿ: ಮುಂದುವರಿದ ಮಧ್ಯಪ್ರಾಚ್ಯ ಸಂಘರ್ಷ – ತೈಲ ಬೆಲೆಗಳು ಮತ್ತೆ 1% ಏರಿಕೆ ರಷ್ಯಾದ ಕಚ್ಚಾ ತೈಲ ಮತ್ತು ನೈಸರ್ಗಿಕ ಅನಿಲವನ್ನು ಖರೀದಿಸುವ ಚೀನಾ ಮತ್ತು ಭಾರತ ಸೇರಿದಂತೆ ಅಗ್ರ ಐದು ದೇಶಗಳ ಮೇಲೆ 100% ವರೆಗೆ ಸುಂಕ ವಿಧಿಸಬಹುದು. ಈ ಮಸೂದೆಯನ್ನು ಸೆನೆಟ್‌ನಲ್ಲಿ 86 ರಿಂದ 11 ಮತಗಳ ಅಂತರದಿಂದ ದ್ವಿಪಕ್ಷೀಯ ಮತಗಳ ಮೂಲಕ ಅಂಗೀಕರಿಸಲಾಯಿತು. ಇದು ಕಾನೂನಾಗುವ ಮೊದಲು ಅಮೆರಿಕದ ಪ್ರತಿನಿಧಿ ಸಭೆಯಲ್ಲಿ ಮತ ಚಲಾಯಿಸಬೇಕಾಗುತ್ತದೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಸೇರಿದಂತೆ ರಷ್ಯಾದ ಸರ್ಕಾರದ ಉನ್ನತ ವ್ಯಕ್ತಿಗಳು ಮತ್ತು ರಷ್ಯಾದ ರಕ್ಷಣಾ ಕೈಗಾರಿಕಾ ನೆಲೆಯನ್ನು ಬೆಂಬಲಿಸುವ ವಿದೇಶಿ ಕಂಪನಿಗಳ ಮೇಲೆ ಈ ಮಸೂದೆಯು ಕಡ್ಡಾಯ ನಿರ್ಬಂಧಗಳನ್ನು ವಿಧಿಸಬಹುದು ಎಂದು ಸಿಎನ್‌ಎನ್ ವರದಿ ಮಾಡಿದೆ. ಇದನ್ನೂ ಓದಿ: ಪಾಕ್, ಸೌದಿ, ಟರ್ಕಿ ನಡುವೆ ರಕ್ಷಣಾ ಒಪ್ಪಂದ – ‘ಮೆಕ್ಕಾ ಜಾಯಿಂಟ್ ಡಿಫೆನ್ಸ್ ಅಗ್ರಿಮೆಂಟ್’ಗೆ ಸಹಿ ರಷ್ಯಾದ ಒಟ್ಟು ನೈಸರ್ಗಿಕ ಅನಿಲ ರಫ್ತಿನ 15% ಕ್ಕಿಂತ ಕಡಿಮೆ ಆಮದು ಮಾಡಿಕೊಳ್ಳುವ ದೇಶಗಳಿಗೆ ವಿನಾಯಿತಿ ನೀಡಲು ಮಸೂದೆಯು ಅವಕಾಶ ನೀಡುತ್ತದೆ. ಯುದ್ಧಕ್ಕೆ ಉತ್ತೇಜನ ನೀಡುವ ಪುಟಿನ್ ಆದಾಯವನ್ನು ಕಸಿದುಕೊಳ್ಳಲು ರಷ್ಯಾದ ತೈಲ, ಅನಿಲ ಮತ್ತು ಇತರ ರಫ್ತುಗಳನ್ನು ಖರೀದಿಸುವುದನ್ನು ಮುಂದುವರಿಸುವ ದೇಶಗಳಿಗೆ ಯುಎಸ್‌ ದಂಡ ವಿಧಿಸಲಿದೆ.