ಹೊಸ ಹೋಂಡಾ ಎಲಿವೇಟ್ ಕಾರು ಬಿಡುಗಡೆ: ಬೆಲೆ, ವೈಶಿಷ್ಟ್ಯ

ನವದೆಹಲಿ: ಭಾರತದ ಕಾರು ತಯಾರಿಕಾ ಸಂಸ್ಥೆಯಾದ ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್, ತನ್ನ ಜನಪ್ರಿಯ ಮಧ್ಯಮ ಗಾತ್ರದ ಎಸ್‌.ಯು.ವಿ ವಾಹನಕ್ಕೆ ಹೊಸ ಆಕರ್ಷಕ ರೂಪವನ್ನು ನೀಡಿ 'ದಿ ನ್ಯೂ ಹೋಂಡಾ ಎಲಿವೇಟ್' ಕಾರು ಬಿಡುಗೊಳಿಸಿದೆ. 'ಆಲ್ ನ್ಯೂ, ಆಲ್ ಬೋಲ್ಡ್' ಶೈಲಿಯಲ್ಲಿ ವಿನ್ಯಾಸಗೊಳಿಸಲಾದ ಈ ಹೊಸ ಎಲಿವೇಟ್, ರಸ್ತೆಯ ಉಪಸ್ಥಿತಿಯನ್ನು ಮತ್ತಷ್ಟು ಸದೃಢಗೊಳಿಸುವುದರ ಜೊತೆಗೆ, ಹೊಸ ತಲೆಮಾರಿನ ಸೌಲಭ್ಯಗಳು ಮತ್ತು ಹೆಚ್ಚಿನ ಚಾಲನಾ ಸುಲಭತೆಯೊಂದಿಗೆ ಪ್ರೀಮಿಯಂ ಸೌಕರ್ಯವನ್ನು ಒದಗಿಸುತ್ತದೆ. ಅದೇ ಸಮಯದಲ್ಲಿ ಹೋಂಡಾ ಸಂಸ್ಥೆಯ ನೆಚ್ಚಿನ ತಾಂತ್ರಿಕ ಸಾಮರ್ಥ್ಯವನ್ನೂ ಸಹ ಕಾಯ್ದುಕೊಂಡಿದೆ.ಸಕ್ರಿಯ ಮತ್ತು ಉತ್ಸಾಹಭರಿತ ಜೀವನಶೈಲಿಯನ್ನು ಹೊಂದಿರುವ ಹೊಸ ಪೀಳಿಗೆಯ ಎಸ್‌.ಯು.ವಿ ಗ್ರಾಹಕರಿಗಾಗಿ ವಿನ್ಯಾಸಗೊಳಿಸಲಾದ ಈ ನ್ಯೂ ಎಲಿವೇಟ್, ಪ್ರತಿಯೊಂದು ಪ್ರಯಾಣವನ್ನು ಆರಾಮದಾಯಕ, ಸುಲಭ ಮತ್ತು ವಿಶ್ವಾಸಾರ್ಹಗೊಳಿಸುವ ಮೂಲಕ ಅವರನ್ನು ಹೊಸ ಹಾದಿಗಳನ್ನು ಅನ್ವೇಷಿಸಲು ಪ್ರೇರೇಪಿಸುತ್ತದೆ.ಹೊಸ ಹೋಂಡಾ ಎಲಿವೇಟ್ ಮತ್ತಷ್ಟು ಆತ್ಮವಿಶ್ವಾಸದ ಮತ್ತು ಸದೃಢ ಎಸ್‌.ಯು.ವಿ ಶೈಲಿಯನ್ನು ನೀಡಲು ವಿನ್ಯಾಸಗೊಳಿಸಲಾದ ನವೀಕೃತ ಹೊರರೂಪವನ್ನು ಹೊಂದಿದೆ. ಹಿಂಬದಿಯಲ್ಲಿ, ಅಗಲವಾಗಿ ಹರಡಿರುವ ಹೊಸ ಕನೆಕ್ಟೆಡ್ ಸಿಗ್ನೇಚರ್ ಎಲ್‌ಇಡಿ ಟೇಲ್ ಲ್ಯಾಂಪ್‌ ಗಳು ಕಾರಿಗೆ ಮತ್ತಷ್ಟು ವಿಶಾಲವಾದ ಮತ್ತು ಆಧುನಿಕ ನೋಟವನ್ನು ನೀಡಲಿದ್ದು, ಹೊಸ ಎಲಿವೇಟ್‌ ನ ಗಂಭೀರ ಹಾಗೂ ಪ್ರತ್ಯೇಕವಾದ ಹೊರರೂಪದ ವಿನ್ಯಾಸಕ್ಕೆ ಪರಿಪೂರ್ಣತೆಯನ್ನು ತರುತ್ತವೆ.ಹೊಸ ಹೋಂಡಾ ಎಲಿವೇಟ್ ಮವಾಗಿ 4,312 ಮಿ.ಮೀ. ಉದ್ದ, 1,790 ಮಿ.ಮೀ. ಅಗಲ ಮತ್ತು 1,650 ಮಿ.ಮೀ. ಎತ್ತರವನ್ನು ಹೊಂದಿದೆ. 220 ಮಿ.ಮೀ. ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 2,650 ಮಿ.ಮೀ. ವ್ಹೀಲ್‌ ಬೇಸ್‌ ನೊಂದಿಗೆ, ಈ ಅಳತೆಗಳು ನವೀಕರಿಸಿದ ವಿನ್ಯಾಸದ ಅಂಶಗಳೊಂದಿಗೆ ಸೇರಿ ಕಾರಿನ ಆತ್ಮವಿಶ್ವಾಸದ ರಸ್ತೆಯ ಉಪಸ್ಥಿತಿ ಮತ್ತು ಗಟ್ಟಿಮುಟ್ಟಾದ ಎಸ್‌.ಯು.ವಿ ಶೈಲಿಯನ್ನು ಮತ್ತಷ್ಟು ಬಲಪಡಿಸುತ್ತವೆ.ಎಲಿವೇಟ್ ಕಾರು 7 ಆಕರ್ಷಕ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರಲಿದೆ. ಅಲ್ಲದೆ ಪ್ರಕೃತಿಯಿಂದ ಪ್ರೇರಿತವಾದ ನಾರ್ಡಿಕ್ ಫಾರೆಸ್ಟ್ ಪರ್ಲ್ ಎಂಬ ಪ್ರತ್ಯೇಕವಾದ ಹೊಸ ಬಣ್ಣವನ್ನು ಪರಿಚಯಿಸುತ್ತದೆ. ಹೊಸ ಎಲಿವೇಟ್ ತನ್ನ ಮೂಲ ಮಾದರಿಯಲ್ಲಿ ಇದ್ದ ವಿಶಾಲ, ಆರಾಮದಾಯಕ ಮತ್ತು ಅನುಕೂಲಕರ ಒಳಾಂಗಣವನ್ನು ಮತ್ತಷ್ಟು ವಿಸ್ತರಿಸಿ, ಸುಧಾರಿತ ಅರ್ಬನ್ ಆಕ್ಟಿವ್ ಮತ್ತು ಪ್ರೀಮಿಯಂ ಕ್ಯಾಬಿನ್ ಅನ್ನು ಪರಿಚಯಿಸುತ್ತದೆ. ಹೆಚ್ಚು ಪ್ರೀಮಿಯಂ ಮತ್ತು ಆಧುನಿಕ ವಾತಾವರಣವನ್ನು ಒದಗಿಸಲು ವಿನ್ಯಾಸಗೊಳಿಸಲಾದ ಈ ನವೀಕೃತ ಕ್ಯಾಬಿನ್, ಕ್ರಿಯಾಶೀಲ ಹಾಗೂ ಆಧುನಿಕ ಶೈಲಿಯನ್ನು ಹೆಚ್ಚಿನ ಸೌಕರ್ಯ ಮತ್ತು ಸುಧಾರಿತ ಮೆರುಗಿನೊಂದಿಗೆ ಸಂಯೋಜಿಸುತ್ತದೆ. ಅತ್ಯಂತ ಮೃದುವಾದ ಸ್ಪರ್ಶ ಹೊಂದಿರುವ ಪ್ರೀಮಿಯಂ ಡ್ಯುಯಲ್-ಟೋನ್ ಐವರಿ-ಬ್ಲ್ಯಾಕ್ ಕ್ಯಾಬಿನ್ ಹೆಚ್ಚು ವಿಶಾಲ ಮತ್ತು ಆಕರ್ಷಕ ವಾತಾವರಣ ಸೃಷ್ಟಿಸುತ್ತದೆ. ಹೋಂಡಾ ಎಲಿವೇಟ್ ಹೊಸ ಎಲಿವೇಟ್ ಮುಂಭಾಗ ಮತ್ತು ಹಿಂಭಾಗದಲ್ಲಿ ವೆಂಟಿಲೇಟೆಡ್ ಸೀಟ್‌ ಗಳು, ಪ್ರೀಮಿಯಂ ಲೆದರ್ ಸೀಟ್‌ ಗಳು, 8-ವೇ ಡ್ರೈವರ್ ಮತ್ತು 4-ವೇ ಮುಂಭಾಗದ ಪ್ರಯಾಣಿಕರ ಪವರ್-ಅಡ್ಜಸ್ಟಬಲ್ ಸೀಟ್‌ ಗಳು ಹಾಗೂ ಒನ್-ಟಚ್ ಎಲೆಕ್ಟ್ರಿಕ್ ಸನ್‌ ರೂಫ್‌ನೊಂದಿಗೆ ಅತ್ಯುತ್ತಮ ಸೀಟಿಂಗ್ ಸೌಕರ್ಯವನ್ನು ಪರಿಚಯಿಸುತ್ತದೆ. ಈ ಎಲ್ಲಾ ಸುಧಾರಣೆಗಳು ಎಲಿವೇಟ್‌ನ ಆಕರ್ಷಣೆಯ ಪ್ರಮುಖ ಭಾಗವಾಗಿರುವ ವಿಶಾಲತೆ, ಅನುಕೂಲತೆ ಮತ್ತು ದೈನಂದಿನ ಬಳಕೆಯ ಸುಲಭತೆಯನ್ನು ಕಾಯ್ದುಕೊಳ್ಳುವುದರ ಜೊತೆಗೆ, ಕಾರಿನ ಸಂಪೂರ್ಣ ಕ್ಯಾಬಿನ್ ಅನುಭವವನ್ನು ಮತ್ತಷ್ಟು ಉತ್ತಮಗೊಳಿಸುತ್ತವೆ.ಹೊಸ ಎಲಿವೇಟ್ ದಿನನಿತ್ಯದ ಚಾಲನೆಯನ್ನು ಮತ್ತಷ್ಟು ಸುಲಭ, ಸಂಪರ್ಕಿತ ಮತ್ತು ಅನುಕೂಲಕರವಾಗಿಸಲು ವಿನ್ಯಾಸಗೊಳಿಸಲಾದ ತಂತ್ರಜ್ಞಾನದ ವಿಶೇಷತೆಗಳ ಸಮಗ್ರ ಶ್ರೇಣಿಯನ್ನು ತರುತ್ತದೆ. 360° ಸರೌಂಡ್ ವಿಷನ್ ಕ್ಯಾಮರಾ(ಮಲ್ಟಿ-ವ್ಯೂ) ವಾಹನದ ಸುತ್ತಲಿನ ಸಂಪೂರ್ಣ ನೋಟವನ್ನು ಒದಗಿಸುತ್ತದೆ. ಹಾಗೆಯೇ, ಮುಂಭಾಗದ ಪಾರ್ಕಿಂಗ್ ಸೆನ್ಸರ್‌ ಗಳು, ಹಿಂಭಾಗದ ಪಾರ್ಕಿಂಗ್ ಸೆನ್ಸರ್‌ ಗಳು ಮತ್ತು ಕ್ಯಾಮೆರಾ ವ್ಯವಸ್ಥೆಯೊಂದಿಗೆ ಸೇರಿ ವಾಹನವನ್ನು ತಿರುಗಿಸುವಾಗ ಹಾಗೂ ಪಾರ್ಕ್ ಮಾಡುವಾಗ ಹೆಚ್ಚಿನ ಆತ್ಮವಿಶ್ವಾಸವನ್ನು ನೀಡುತ್ತವೆ. ಚಾಲಕನಿಗೆ ಬೆಂಬಲವಾಗಿ 17.78 ಸೆಂ.ಮೀ (7-ಇಂಚು) ಎಚ್‌.ಡಿ ಪೂರ್ಣ-ಬಣ್ಣದ ಟಿ.ಎಫ್‌.ಟಿ ಮಲ್ಟಿ-ಇನ್ಫರ್ಮೇಷನ್ ಡಿಸ್ಪ್ಲೇ ಹೊಂದಿರುವ ಡಿಜಿಟಲ್-ಅನಲಾಗ್ ಸಮಗ್ರ ಮೀಟರ್ ಇರಲಿದ್ದು, ಇದು ಪ್ರೀಮಿಯಂ ಬಿಳಿ ಮತ್ತು ಕಪ್ಪು ಬಣ್ಣದ ಗ್ರಾಫಿಕ್ಸ್‌ನಲ್ಲಿ ಇಂಧನ ಬಳಕೆ, ಟ್ರಿಪ್ ಮೀಟರ್, ಹೊರಗಿನ ತಾಪಮಾನ, ಜಿ-ಮೀಟರ್ ಮತ್ತು ಗಡಿಯಾರದಂತಹ ಪ್ರಮುಖ ಮಾಹಿತಿಯನ್ನು ಹಾಗೂ ಅಗತ್ಯಕ್ಕೆ ತಕ್ಕಂತೆ ಬದಲಾಯಿಸಬಹುದಾದ ವಾಹನದ ಮತ್ತು ಹೋಂಡಾ ಸೆನ್ಸಿಂಗ್ ಸೆಟ್ಟಿಂಗ್‌ ಗಳನ್ನು ಪ್ರದರ್ಶಿಸುತ್ತದೆ.ಹೊಸ ಹೋಂಡಾ ಎಲಿವೇಟ್ ಕಾರು ಹೋಂಡಾದ ಪೂರ್ವಸಿದ್ಧ 1.5-ಲೀಟರ್ ಐ-ವಿಟೆಕ್ ಡಿ.ಒ.ಹೆಚ್‌.ಸಿ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮುಂದುವರಿಯುತ್ತದೆ. ಇದು 6-ಸ್ಪೀಡ್ ಮ್ಯಾನುಯಲ್ ಟ್ರಾನ್ಸ್‌ಮಿಷನ್ ಅಥವಾ ಸ್ಪೋರ್ಟಿ 7 ಸ್ಪೀಡ್ ಪ್ಯಾಡಲ್ ಶಿಫ್ಟ್ ಹೊಂದಿರುವ ಸಿವಿಟಿಯೊಂದಿಗೆ ಜೋಡಿಸಲ್ಪಟ್ಟಿದ್ದು, ಕ್ರೀಡಾತ್ಮಕ ಕಾರ್ಯಕ್ಷಮತೆ ಮತ್ತು ಇಂಧನ ದಕ್ಷತೆಯ ನಡುವೆ ಉತ್ತಮ ಸಮತೋಲನವನ್ನು ನೀಡುತ್ತದೆ. ಈ ಎಂಜಿನ್ 6,600 ಆರ್‌.ಪಿ.ಎಂ.ನಲ್ಲಿ 89 ಕಿಲೋವ್ಯಾಟ್ (121 ಪಿಎಸ್) ಪವರ್ ಮತ್ತು 4,300 ಆರ್‌ಪಿಎಮ್‌ನಲ್ಲಿ 145 ಎನ್‌ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು ಎಂಟಿಯಲ್ಲಿ ಲೀಟರ್‌ಗೆ 15.31 ಕಿ.ಮೀ ಮತ್ತು ಸಿವಿಟಿ ಮಾದರಿಯಲ್ಲಿ ಲೀಟರ್‌ಗೆ 16.61 ಕಿ.ಮೀ ಇಂಧನ ಕ್ಷಮತೆ ನೀಡುತ್ತದೆ.ಹೊಸ ಹೋಂಡಾ ಎಲಿವೇಟ್ ಕಾರಿನ ಎಕ್ಸ್ ಶೋ ರೂಂ ಬೆಲೆ ₹11.80 ಲಕ್ಷದಿಂದ ಆರಂಭವಾಗಿ ಟಾಪ್ ಎಂಡ್ ಮಾದರಿಗೆ ₹18.40 ಲಕ್ಷ ನಿಗದಿಯಾಗಿದೆ.