ದೇಶದಲ್ಲಿ ಅರಾಜಕತೆ ಸೃಷ್ಟಿಸಲು ಇಂಡಿ ಒಕ್ಕೂಟ, ಸಿಜೆಪಿ ಸಂಚು: ನಿತಿನ್ ನಬೀನ್‌ ವಾಗ್ದಾಳಿ

ನವದೆಹಲಿ: ದೇಶದಲ್ಲಿ ಶಾಂತಿ ಮತ್ತು ಸುವ್ಯವಸ್ಥೆಯನ್ನು ಕದಡಿ ಅಸ್ಥಿರತೆ ಉಂಟುಮಾಡಲು ವಿರೋಧ ಪಕ್ಷಗಳು ವ್ಯವಸ್ಥಿತ ಪಿತೂರಿ ನಡೆಸುತ್ತಿವೆ ಎಂದು ಬಿಜೆಪಿ(BJP)ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬೀನ್‌(Nitin Nabin) ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ರಾಜಧಾನಿ ದೆಹಲಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇಂದು ದೇಶದಲ್ಲಿ ಅತ್ಯಂತ ಅಪಾಯಕಾರಿ ಹಾಗೂ ಗಂಭೀರ ಪರಿಸ್ಥಿತಿಯನ್ನು ಸೃಷ್ಟಿಸಲು ಯತ್ನಿಸಲಾಗುತ್ತಿದೆ. 140 ಕೋಟಿ ಭಾರತೀಯರು ಪರಸ್ಪರ ಸೌಹಾರ್ದತೆಯಿಂದ ಬದುಕುತ್ತಾ ದೇಶದ ಅಭಿವೃದ್ಧಿಗೆ ಕೈಜೋಡಿಸುತ್ತಿರುವಾಗ, ದೇಶವನ್ನು ಅಸ್ಥಿರಗೊಳಿಸುವ ಪ್ರಯತ್ನಗಳು ಸದ್ದಿಲ್ಲದೆ ನಡೆಯುತ್ತಿವೆ. ಈ ಕೃತ್ಯದ ಹಿಂದೆ ಎರಡು ಅರಾಜಕ ಶಕ್ತಿಗಳಿವೆ. ಒಂದು ರಾಹುಲ್ ಗಾಂಧಿ ನೇತೃತ್ವದ ‘ಇಂಡಿ ಒಕ್ಕೂಟ’ವಾದರೆ, ಇನ್ನೊಂದು ಅರವಿಂದ್ ಕೇಜ್ರಿವಾಲ್ ಅವರ ಬೆಂಬಲಿಗರ ಕಾಕ್ರೋಚ್ ಜನತಾ ಪಾರ್ಟಿ (CJP) ಎಂದು ನೇರವಾಗಿ ಆರೋಪಿಸಿದರು. #WATCH | Delhi: BJP National President Nitin Nabin says, “Today, an attempt is being made to create a highly dangerous and serious situation in the country. Efforts are underway to destabilize the nation—where 1.4 billion people are living in peace and harmony, contributing collectively to India’s development. Who is doing this? Two anarchic groups: one led by Rahul Gandhi of the ‘INDI Alliance,’ and the other led by Arvind Kejriwal’s associates, CJP. I want to state clearly to both these groups that the people of India see right through your motives. Your ‘anarchist competition’, vying to see who can create more instability in the country, will not succeed. These are people that the public has rejected… instead of accepting that verdict or learning from it, you have hatched a plot to destabilize the country. I want to say that you are undertaking these efforts, driven by your political agendas, at the behest of foreign forces…” He adds, “Despite persistent global crises, the country is forging ahead on a path of continuous progress. Yet, this fact rankles you. You cannot digest India’s growth, progress, and advancement. You cannot bear to see India moving forward as a self-reliant and empowered nation, and you are attempting to destabilize it at the behest of foreign forces. Let me state clearly: Indian democracy possesses immense strength, and the patriots of this nation will unite to thwart your designs.” — ANI (@ANI) October 10, 2026 “ಈ ಎರಡೂ ಗುಂಪುಗಳ ಹುನ್ನಾರಗಳನ್ನು ಭಾರತದ ಜನತೆ ಸ್ಪಷ್ಟವಾಗಿ ಗುರುತಿಸಿದ್ದಾರೆ. ಯಾರು ಹೆಚ್ಚು ಅಸ್ಥಿರತೆ ಸೃಷ್ಟಿಸುತ್ತಾರೆ ಎಂದು ಇವರ ನಡುವೆ ‘ಅರಾಜಕತೆಯ ಸ್ಪರ್ಧೆ’ ನಡೆಯುತ್ತಿದೆ. ಜನರಿಂದ ಈಗಾಗಲೇ ತಿರಸ್ಕೃತಗೊಂಡಿರುವ ಈ ನಾಯಕರು, ಜನರ ತೀರ್ಪನ್ನು ಒಪ್ಪಿಕೊಳ್ಳುವ ಅಥವಾ ಅದರಿಂದ ಪಾಠ ಕಲಿಯುವ ಬದಲು, ವಿದೇಶಿ ಶಕ್ತಿಗಳ ಕೈಗೊಂಬೆಯಾಗಿ ದೇಶದಲ್ಲಿ ಅಶಾಂತಿ ಹಬ್ಬಿಸಲು ಷಡ್ಯಂತ್ರ ರೂಪಿಸುತ್ತಿದ್ದಾರೆ. ಇವರ ರಾಜಕೀಯ ದುರುದ್ದೇಶದ ಯೋಜನೆಗಳು ಎಂದಿಗೂ ಯಶಸ್ವಿಯಾಗುವುದಿಲ್ಲ” ಎಂದು ಎಚ್ಚರಿಸಿದರು. ಜಾಗತಿಕ ಬಿಕ್ಕಟ್ಟುಗಳ ನಡುವೆಯೂ ಭಾರತ ನಿರಂತರ ಪ್ರಗತಿಯ ಹಾದಿಯಲ್ಲಿ ಮುನ್ನಡೆಯುತ್ತಿರುವುದು ಈ ಪಕ್ಷಗಳಿಗೆ ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಕಿಡಿಕಾರಿದ ಅವರು, ಭಾರತ ಸ್ವಾವಲಂಬಿ ಹಾಗೂ ಸಶಕ್ತ ರಾಷ್ಟ್ರವಾಗಿ ಹೊರಹೊಮ್ಮುತ್ತಿರುವುದನ್ನು ನೋಡಲು ನಿಮಗೆ ಸಾಧ್ಯವಾಗುತ್ತಿಲ್ಲ. ಅದಕ್ಕಾಗಿಯೇ ವಿದೇಶಿ ಶಕ್ತಿಗಳ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕುತ್ತಿದ್ದೀರಿ. ಭಾರತದ ಪ್ರಜಾಪ್ರಭುತ್ವ ಅತ್ಯಂತ ಬಲಿಷ್ಠವಾಗಿದೆ. ಈ ದೇಶದ ದೇಶಪ್ರೇಮಿ ಜನತೆ ಒಗ್ಗಟ್ಟಾಗಿ ನಿಮ್ಮ ಇಂತಹ ಕುತಂತ್ರಗಳನ್ನು ಬುಡಸಮೇತ ಹಿಮ್ಮೆಟ್ಟಿಸಲಿದ್ದಾರೆ ಎಂದು ಗುಡುಗಿದರು.