ಹೈ ರಿಸ್ಕ್ ಖಾಯಿಲೆ ಔಷಧಿಗಳಿಗೆ ದುಪ್ಪಟ್ಟು ದರ ವಸೂಲಿ ವರದಿ – `ಪಬ್ಲಿಕ್ ಟಿವಿ’ಗೆ ಧನ್ಯವಾದ ಹೇಳಿದ ಸಚಿವ ಖಾದರ್

ಬೆಂಗಳೂರು: ಇತ್ತೀಚಿಗೆ ಹೈ ರಿಸ್ಕ್ ಖಾಯಿಲೆ ಔಷಧಿಗಳಿಗೆ ದುಪ್ಪಟ್ಟು ದರ ವಸೂಲಿ ಬಗ್ಗೆ ಮಾಡುವ ಬಗ್ಗೆ ವರದಿ ಬಿತ್ತರಿಸಿದ್ದ ಪಬ್ಲಿಕ್ ಟಿವಿಗೆ ಆರೋಗ್ಯ ಸಚಿವ ಯು.ಟಿ ಖಾದರ್ (UT Khader) ಧನ್ಯವಾದ ಹೇಳಿದ್ದು, ನಿಮ್ಮೆಲ್ಲ ಬೆಂಬಲದಿಂದ ಕ್ಯಾನ್ಸರ್ ಔಷಧಿ ದರ ಇಳಿಕೆ ಆಗ್ತಿದೆ ಎಂದು ತಿಳಿಸಿದ್ದಾರೆ. ಪಬ್ಲಿಕ್ ಟಿವಿ ಜೊತೆ ಮಾತನಾಡಿದ ಅವರು, ನಾನು ಪಬ್ಲಿಕ್ ಟಿವಿ ಅವರಿಗೆ ಧನ್ಯವಾದ ಹೇಳ್ತೆನೆ. ನಿಮ್ಮೆಲ್ಲ ಬೆಂಬಲದಿಂದ ಕ್ಯಾನ್ಸರ್ ಔಷಧಿ ದರ ಇಳಿಕೆ ಆಗ್ತಿದೆ. ನಾನು ಮೊದಲೇ ಹೇಳಿದ್ದೆ ಹಾರ್ಟ್ ಕಿಡ್ನಿ, ಲಿವರ್, ಹೈ ರೇಟ್ ಮಾರಾಟಗೆ ಆಗ್ತಿದೆ ಅಂತ. ಹೀಗಾಗಿ ಹೈಕಾಸ್ಟ್ ಔಷಧಿಗಳ ಬೆಲೆ ಕಡಿಮೆ ಮಾಡೋದಕ್ಕೂ ಕೂಡ ಒತ್ತಾಯ ಮಾಡುತ್ತೇವೆ ಎಂದು ಹೇಳಿದ್ದಾರೆ.ಇದನ್ನೂ ಓದಿ: ಸುಪ್ರೀಂ ಆವರಣದಲ್ಲಿ ನನ್ನ ಮೇಲೆ ರಾಹುಲ್ ಹಲ್ಲೆ – ಗರ್ಭಿಣಿ ಪತ್ರಕರ್ತೆ ಆರೋಪ ಜೆಪಿ ನಡ್ಡಾ ಅವರಿಗೂ ಪತ್ರ ಬರೆಯುತ್ತೇನೆ. ನಮ್ಮ ಅಧಿಕಾರಿಗಳ ಪರಿಶೀಲನೆಯಲ್ಲಿ ದುಪ್ಪಟ್ಟು ದರ ವಸೂಲಿ ಗೊತ್ತಾಗುತ್ತೆ. ಈಗಾಗಲೇ ಒಂದು ಪತ್ರ ಬರೆದಿದ್ದೇನೆ ಮತ್ತೊಂದು ಪತ್ರ ಬರೆಯುತ್ತೇನೆ. ಜನರಿಗೆ ಮೋಸ ಆಗಬಾರದು ಆ ರೀತಿ ನಿಯಮ ಮಾಡಬೇಕು. ಈ ಬಗ್ಗೆ ಕೇಂದ್ರಕ್ಕೆ ಒತ್ತಾಯ ಮಾಡುತ್ತೇನೆ ಎಂದಿದ್ದಾರೆ. FDA ಅಧಿಕಾರಿಗಳು ಖಾಸಗಿ ಆಸ್ಪತ್ರೆ, ಮೆಡಿಕಲ್ ಸ್ಟೋರ್‌ಗಳ ಕರ್ಮಕಾಂಡ ಬಯಲು ಮಾಡಿದ್ದು, ಈ ಸಂಬಂಧ ದಾಖಲೆ ಸಮೇತ ಪಬ್ಲಿಕ್ ಟಿವಿಯಲ್ಲಿ ಸುದ್ದಿ ಸ್ಫೋಟವಾಗಿತ್ತು. ಕ್ಯಾನ್ಸರ್ ಬಳಿಕ ಈಗ ಹೃದಯ, ಕಿಡ್ನಿ, ಲಿವರ್, ಬಿಪಿ, ನ್ಯುಮೋನಿಯಾ ಇಂತಹ ಹೈರಿಸ್ಕ್ ಖಾಯಿಲೆಗಳ ಔಷಧಿ ಕೂಡ ದುಪ್ಪಟ್ಟು ದರಕ್ಕೆ ಮಾರಾಟ ಮಾಡಲಾಗುತ್ತಿದೆ. ಜೊತೆಗೆ ಐಸಿಯು ರೋಗಿಯ ಗ್ಲೌಸ್, ಮಾಸ್ಕ್, ಯೂರಿನ್ ಬ್ಯಾಗ್, ಐವಿ ಡ್ರಿಪ್ ಕೂಡ ದುಪ್ಪಟ್ಟು ದರಕ್ಕೆ ಮಾರಾಟ ಮಾಡಲಾಗುತ್ತಿದೆ. ಇದೀಗ FDA ಕಮೀಷನರ್ ಶ್ರೀನಿವಾಸ್ ನೇತೃತ್ವದ ತಂಡ ಖಾಸಗಿ ಆಸ್ಪತ್ರೆಗಳ ಅಕ್ರಮ ಬಯಲಿಗೆ ಎಳೆದಿದ್ದು, ಲ್ಯಾಂಡಿಂಗ್ ವೆಚ್ಚಕ್ಕಿಂತ ದುಬಾರಿ ಎಂಆರ್‌ಪಿ ನಿಗದಿ ಪಡಿಸಿ ಹಣ ವಸೂಲಿ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ.ಇದನ್ನೂ ಓದಿ: ದಸರಾ ಮಹೋತ್ಸವದಲ್ಲಿ ವಿಂಟೇಜ್ ಕಾರುಗಳ ವೈಭವ