ಧಾರವಾಡ: ಹೆದ್ದಾರಿ ಬಂದ್‌ ಕೈಬಿಟ್ಟು ಪ್ರತಿಭಟನೆ ಮುಂದುವರಿಸಿದ ರೈತರು

ಧಾರವಾಡ: ಕಬ್ಬಿನ ದರ ಹೆಚ್ಚಳಕ್ಕೆ ಆಗ್ರಹಿಸಿ ತಾಲ್ಲೂಕಿನ ಯರಿಕೊಪ್ಪ ಕ್ರಾಸ್‌ ಬಳಿ ಹೆದ್ದಾರಿಯಲ್ಲಿ ಧರಣಿಯಲ್ಲಿ ತೊಡಗಿರುವ ರೈತರು ಹೆದ್ದಾರಿ ಬಂದ್‌ ಕೈಬಿಟ್ಟು, ಪ್ರತಿಭಟನೆ ಮುಂದುವರಿಸಿದ್ದಾರೆ. ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾಹನ ಸಂಚಾರ ಆರಂಭವಾಗಿದೆ. ಯರಿಕೊಪ್ಪ ಕ್ರಾಸ್‌ ಬಳಿಯ ಹೆದ್ದಾರಿಯಲ್ಲಿ (ಎನ್‌ಎಚ್‌ 48) ರಾತ್ರಿ 7 ಗಂಟೆಯಿಂದ ವಾಹನ ಸಂಚಾರ ಆರಂಭವಾಗಿದೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಗುಂಜಮನ್‌ ಆರ್ಯ ‘ಪ್ರಜಾವಾಣಿ’ಗೆ ತಿಳಿಸಿದರು.