ಎಸ್ಐಆರ್ ಪ್ರತಿಭಟನೆಯಲ್ಲಿ ಯುವಜನರ ಮೇಲೆ ದಬ್ಬಾಳಿಕೆ ಆರೋಪ; ವಿಶ್ವಸಂಸ್ಥೆಯಲ್ಲಿ ಸುಳ್ಳು ವರದಿಗೆ ಭಾರತ ದಿಟ್ಟ ಉತ್ತರ
ಜಿನೀವಾ: ಎಸ್ಐಆರ್ (SIR) ಸಂಬಂಧ ಕೇಂದ್ರ ಚುನಾವಣಾ ಮುಖ್ಯ ಆಯುಕ್ತ ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ದೇಶದಲ್ಲಿ ನಡೆಯುತ್ತಿರುವ ಪ್ರತಿಭಟನೆ ವಿಷಯ ವಿಶ್ವಸಂಸ್ಥೆಯ (UN) ಸಾಮಾನ್ಯ ಸಭೆಯಲ್ಲೂ ಪ್ರಸ್ತಾಪವಾಗಿದೆ. ಭಾರತದಲ್ಲಿ ಧ್ವನಿ ಎತ್ತುವ ಯುವಜನತೆ ಪ್ರತೀಕಾರ ಅಥವಾ ಕಳಂಕವನ್ನು ಎದುರಿಸುತ್ತಿದ್ದಾರೆ ಅಂತ ವಿಶ್ವಸಂಸ್ಥೆಯ ವಿಶೇಷ ವರದಿಗಾರ್ತಿ ಜಿನಾ ರೊಮೆರೊ ಆರೋಪ ಮಾಡ
ಜಿನೀವಾ: ಎಸ್ಐಆರ್ (SIR) ಸಂಬಂಧ ಕೇಂದ್ರ ಚುನಾವಣಾ ಮುಖ್ಯ ಆಯುಕ್ತ ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ದೇಶದಲ್ಲಿ ನಡೆಯುತ್ತಿರುವ ಪ್ರತಿಭಟನೆ ವಿಷಯ ವಿಶ್ವಸಂಸ್ಥೆಯ (UN) ಸಾಮಾನ್ಯ ಸಭೆಯಲ್ಲೂ ಪ್ರಸ್ತಾಪವಾಗಿದೆ. ಭಾರತದಲ್ಲಿ ಧ್ವನಿ ಎತ್ತುವ ಯುವಜನತೆ ಪ್ರತೀಕಾರ ಅಥವಾ ಕಳಂಕವನ್ನು ಎದುರಿಸುತ್ತಿದ್ದಾರೆ ಅಂತ ವಿಶ್ವಸಂಸ್ಥೆಯ ವಿಶೇಷ ವರದಿಗಾರ್ತಿ ಜಿನಾ ರೊಮೆರೊ ಆರೋಪ ಮಾಡಿದ್ದಾರೆ. ಇದನ್ನು ಬಲವಾಗಿ ತಳ್ಳಿ ಹಾಕಿರುವ ಭಾರತದ ಕಾರ್ಯದರ್ಶಿ ಅನುಜ್ ಸ್ವರೂಪ್, ಈ ವರದಿಯು ‘ಗಾಳಿಮಾತು, ಪರಿಶೀಲಿಸದ ಹೇಳಿಕೆಗಳು’ ಎಂದು ಕರೆದಿದ್ದಾರೆ. ಇದನ್ನೂ ಓದಿ: ಶಾಂತಿಗೆ ಭಂಗ ತರಲ್ಲ: ಮುಚ್ಚಳಿಕೆ ಬರೆದುಕೊಟ್ಟ ಅಭಿಜೀತ್‌ ದೀಪ್ಕೆ ಬಿಡುಗಡೆ ಭಾರತದಲ್ಲಿ ಯುವಜನತೆ ಮೇಲೆ ದಬ್ಬಾಳಿಕೆ ನಡೆಸಲಾಗುತ್ತಿದೆ ಎಂಬ ಆರೋಪಗಳನ್ನು ಮಾಡಲು, ಅನಾಮಧೇಯ ಮೂಲಗಳಿಂದ ಬಂದ ಮಾಹಿತಿಯನ್ನು ಅವಲಂಬಿಸಿರುವ ವಿಶ್ವಸಂಸ್ಥೆಯ ಕ್ರಮವನ್ನು ಭಾರತ ಕಟುವಾಗಿ ಟೀಕಿಸಿದೆ. ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ (UNGA) ಮೂರನೇ ಸಮಿತಿಯ 81ನೇ ಅಧಿವೇಶನದಲ್ಲಿ ಮಾತನಾಡಿದ ಭಾರತದ ಪ್ರತಿನಿಧಿ, ಯುವಜನರ ಸಕ್ರಿಯ ಚಟುವಟಿಕೆಗಳ ಕುರಿತಾದ ವಿಶ್ವಸಂಸ್ಥೆಯ ವರದಿಯೊಂದನ್ನು ಪ್ರಶ್ನಿಸಿದರು. ಭಾರತವು ಯುವಜನರನ್ನು ದಮನ ಮಾಡುತ್ತಿದೆ ಎಂದು ಈ ವರದಿ ಆರೋಪಿಸಿತ್ತು. ಇದನ್ನು ಉಲ್ಲೇಖಿಸಿದ ಭಾರತದ ಪ್ರತಿನಿಧಿ, ಇದು ‘ವಿಶ್ವಸಂಸ್ಥೆಯ ವರದಿಯ ಮುಖವಾಡ ಧರಿಸಿರುವ ಅಸಂಬದ್ಧ ಹೇಳಿಕೆ’ ಎಂದು ಟೀಕಿಸಿದರು. ಇದನ್ನೂ ಓದಿ: ಕಾಂಗ್ರೆಸ್‌, ʻಜಿರಳೆʼ ಪ್ರತಿಭಟನೆಯಿಂದ ವ್ಯಾಪಾರಕ್ಕೆ 3,000 ಕೋಟಿ ನಷ್ಟ! – CTI ವರದಿಯಲ್ಲೇನಿದೆ?