ಬಂದ ವಿಮಾನ ಹತ್ಕೊಂಡ್‌ ವಾಪಸ್‌ ಹೋಗಿ; ಟ್ರಂಪ್‌ ಸಂದೇಶ ತಂದಿದ್ದ ಪಾಕ್‌ ಸೇನಾ ಮುಖ್ಯಸ್ಥನಿಗೆ ಇರಾನ್‌ನಲ್ಲಿ ಮುಖಭಂಗ
– ಅಸಿಮ್‌ ಮುನೀರ್‌ಗೆ ಇರಾನ್‌ನಲ್ಲಿ ಬೇಕಾಬಿಟ್ಟಿ ಸ್ವಾಗತ ಟೆಹ್ರಾನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ (Donald Trump) ಅವರ ಎಚ್ಚರಿಕೆಯ ಸಂದೇಶ ಹೊತ್ತು ಇರಾನ್‌ಗೆ ತೆರಳಿದ್ದ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಅಸಿಮ್‌ ಮುನೀರ್‌ಗೆ (Asim Munir) ಇರಾನ್‌ ಶಾಕ್‌ ಕೊಟ್ಟಿದೆ. ಬುಧವಾರ ತಮ್ಮನ್ನು ಭೇಟಿಯಾದ ಮುನೀರ್‌ಗೆ ಇರಾನ್‌ನ ನೂತನ ಭದ್ರತಾ ಮಂಡಳಿ ಮುಖ್ಯಸ್ಥ
– ಅಸಿಮ್‌ ಮುನೀರ್‌ಗೆ ಇರಾನ್‌ನಲ್ಲಿ ಬೇಕಾಬಿಟ್ಟಿ ಸ್ವಾಗತ ಟೆಹ್ರಾನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ (Donald Trump) ಅವರ ಎಚ್ಚರಿಕೆಯ ಸಂದೇಶ ಹೊತ್ತು ಇರಾನ್‌ಗೆ ತೆರಳಿದ್ದ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಅಸಿಮ್‌ ಮುನೀರ್‌ಗೆ (Asim Munir) ಇರಾನ್‌ ಶಾಕ್‌ ಕೊಟ್ಟಿದೆ. ಬುಧವಾರ ತಮ್ಮನ್ನು ಭೇಟಿಯಾದ ಮುನೀರ್‌ಗೆ ಇರಾನ್‌ನ ನೂತನ ಭದ್ರತಾ ಮಂಡಳಿ ಮುಖ್ಯಸ್ಥ ಮೊಹ್ಸೆನ್‌ ರೆಜಾಯಿ (Mohsen Rezaei), ʻʻನಿಮ್ಮ ವಿಮಾನ ಹತ್ತಿಕೊಂಡು ವಾಪಸ್‌ ಹೋಗಿʼʼ ಎಂದು ಶಾಕ್‌ ಕೊಟ್ಟಿದ್ದಾರೆ. Iran’s security chief Mohsen Rezaei took a tough line with Pakistan’s Asim Munir today: “Not even a particle of enriched nuclear material will leave Iran.” He also ruled out talks until the US builds trust by meeting Tehran’s previously stated 7 conditions. https://t.co/VCwmr2fz50 — Sina Toossi (@SinaToossi) October 20, 2026 ವರದಿಗಳ ಪ್ರಕಾರ, ಟ್ರಂಪ್‌ ಅವರ ಪರವಾಗಿ ಮುನೀರ್‌, ರೆಜಾಯಿ ಅವರಿಗೆ ಸಂದೇಶವೊಂದನ್ನ ತಲುಪಿಸಿದ್ದಾರೆ. ಇರಾನ್‌ ತನ್ನ ಸಂಪೂರ್ಣ ಪರಮಾಣು ಕಾರ್ಯಕ್ರಮಕ್ಕೆ ಸಂಬಂಧಿಸಿದಂತೆ ಅಮೆರಿಕದ ಬೇಡಿಕೆಗಳಿಗೆ ಒಪ್ಪಿಗೆ ಸೂಚಿಸಬೇಕು ಎಂಬ ಅಂತಿಮ ಎಚ್ಚರಿಕೆಯನ್ನ ಅವರು ನೀಡಿರುವುದಾಗಿ ರೆಜಾಯಿಗೆ ತಿಳಿಸಿದ್ದರು. ಜೊತೆಗೆ ಇರಾನ್‌ ತನ್ನ ಪರಮಾಣು ಕಾರ್ಯಕ್ರಮದ ಕುರಿತ ಮಾತುಕತೆಯಲ್ಲಿ ಹೆಚ್ಚಿನ ಹೊಂದಾಣಿಕೆ ತೋರಿಸಬೇಕು ಎಂದು ಮುನೀರ್‌ ಟ್ರಂಪ್‌ ಅವರ ಸಂದೇಶವನ್ನ ವಿವರಿಸಿದ್ದರಂತೆ. ಇದಕ್ಕೆ ಪ್ರತಿಕ್ರಿಯಿಸಿದ ಇರಾನ್‌, ಅಮೆರಿಕವು ಇರಾನ್‌ ಮುಂದಿಟ್ಟಿರುವ 7 ಷರತ್ತುಗಳನ್ನು ಒಪ್ಪಿಕೊಳ್ಳಬೇಕು ಎಂದು ಮತ್ತೊಮ್ಮೆ ಒತ್ತಾಯಿಸಿದೆ. ಬೇಕಾಬಿಟ್ಟಿ ಸ್ವಾಗತ ಇನ್ನೂ ಉಭಯ ನಾಯಕರ ನಡುವಿನ ಭೇಟಿಯ ದೃಶ್ಯಗಳನ್ನ ವಿಶ್ಲೇಷಿಸಿದ್ದು, ಅವರ ನಡುವಿನ ಸಂಭಾಷಣೆ ಅಲ್ಪಾವಧಿಯದ್ದಾಗಿತ್ತು. ಜೊತೆಗೆ ಸಂಪೂರ್ಣ ಔಪಚಾರಿಕವಾಗಿ ಕಂಡುಬಂದಿದೆ. ಸಾಮಾನ್ಯವಾಗಿ ರಾಜತಾಂತ್ರಿಕ ಭೇಟಿಗಳಲ್ಲಿ ಕಾಣಿಸಿಕೊಳ್ಳುವ ಯಾವುದೇ ಆತ್ಮೀಯತೆ ಇಲ್ಲಿ ಕಂಡುಬಂದಿಲ್ಲ. ಇರಾನ್‌ ಕೂಡ ಟ್ರಂಪ್‌ ಸಂದೇಶ ತಿಳಿಸಲು ಬಂದ್ದಿದ್ದ ಅಸಿಮ್‌ ಮುನೀರ್‌ಗೆ ಬೇಕಾಬಿಟ್ಟಿ ಸ್ವಾಗತವನ್ನೇ ಕೋರಿದೆ. ಇರಾನ್‌ ಅಧ್ಯಕ್ಷ, ಸಂಸತ್‌ ಸ್ಪೀಕರ್‌ ಜೊತೆಗೂ ಮುನೀರ್‌ ಮಾತುಕತೆ ಇರಾನ್‌ ಪ್ರವಾಸದ ವೇಳೆ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಅಸಿಮ್‌ ಮುನೀರ್‌, ಇರಾನ್‌ ಅಧ್ಯಕ್ಷ ಮಸೂದ್‌ ಪೆಜೆಶ್ಕಿಯಾನ್‌ ಮತ್ತು ಸಂಸತ್‌ ಸ್ಪೀಕರ್‌ ಮೊಹಮ್ಮದ್‌ ಬಾಘರ್‌ ಘಾಲಿಬಾಫ್‌ ಅವರೊಂದಿಗೂ ಉನ್ನತ ಮಟ್ಟದ ಮಾತುಕತೆ ನಡೆಸಿದ್ದಾರೆ. ಈ ಸಂದರ್ಭದಲ್ಲಿ, ಇರಾನ್‌ ಬಳಿ ಹೊಸದಾಗಿ ಹೇಳುವುದಕ್ಕೆ ಏನೂ ಇಲ್ಲ ಎಂದು ಘಾಲಿಬಾಫ್‌ ಅವರು ಮುನೀರ್‌ಗೆ ತಿಳಿಸಿದ್ದಾರೆ ಎನ್ನಲಾಗಿದೆ. ಇರಾನ್‌ನ ಪರಮಾಣು ನೆಲೆಗಳ ಮೇಲೆ ದಾಳಿ ಎಚ್ಚರಿಕೆ? ಅಲ್ಲದೇ ಮುನೀರ್‌, ಅಮೆರಿಕದ ಬೇಡಿಕೆಗಳನ್ನು ಇರಾನ್‌ ಒಪ್ಪಿಕೊಳ್ಳದೇ ಇದ್ರೆ, ಅಮೆರಿಕ ಇರಾನ್‌ನ ಪರಮಾಣು ಸೌಲಭ್ಯಗಳ ಮೇಲೆ ವ್ಯಾಪಕ ಪ್ರಮಾಣದ ದಾಳಿ ನಡೆಯುವ ಸಾಧ್ಯತೆಯಿದೆ ಎಂಬ ಸಂದೇಶವನ್ನೂ ತಲುಪಿಸಿದ್ದಾರೆ ಎಂದು ವರದಿಗಳು ತಿಳಿಸಿವೆ.