ಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಕೆಲಸ ಮಾಡುವುದು ಹೇಗೆ? ಇಲ್ಲಿದೆ ಸಂಪೂರ್ಣ ವಿವರ
ನಿಮ್ಮ ಮೊಬೈಲ್‌ನಲ್ಲಿ ಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಸ್ಕ್ಯಾನರ್‌ ಇದ್ದರೆ, ಪರದೆಯ ಮೇಲೆ ಹೆಬ್ಬೆರಳನ್ನು ಇಟ್ಟ ತಕ್ಷಣ ಅದರ ಕೆಳಭಾಗದಲ್ಲಿ ಬೆಳಕು ಉರಿಯುವುದನ್ನು ನೀವು ಗಮನಿಸಿರಬಹುದು. ಅನೇಕರು ಇದನ್ನು ಕೇವಲ ಒಂದು ಅನಿಮೇಷನ್‌ ಎಂದು ಭಾವಿಸುತ್ತಾರೆ. ಆದರೆ, ಪರದೆಯ ಕೆಳಗಿನಿಂದ ಬರುವ ಬೆಳಕಿನ ಹಿಂದೆ ಒಂದು ಕ್ಯಾಮೆರಾ ಕಾರ್ಯನಿರ್ವಹಿಸುತ್ತಿರುತ್ತದೆ. ಅದು ನಿಮ್
ನಿಮ್ಮ ಮೊಬೈಲ್‌ನಲ್ಲಿ ಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಸ್ಕ್ಯಾನರ್‌ ಇದ್ದರೆ, ಪರದೆಯ ಮೇಲೆ ಹೆಬ್ಬೆರಳನ್ನು ಇಟ್ಟ ತಕ್ಷಣ ಅದರ ಕೆಳಭಾಗದಲ್ಲಿ ಬೆಳಕು ಉರಿಯುವುದನ್ನು ನೀವು ಗಮನಿಸಿರಬಹುದು. ಅನೇಕರು ಇದನ್ನು ಕೇವಲ ಒಂದು ಅನಿಮೇಷನ್‌ ಎಂದು ಭಾವಿಸುತ್ತಾರೆ. ಆದರೆ, ಪರದೆಯ ಕೆಳಗಿನಿಂದ ಬರುವ ಬೆಳಕಿನ ಹಿಂದೆ ಒಂದು ಕ್ಯಾಮೆರಾ ಕಾರ್ಯನಿರ್ವಹಿಸುತ್ತಿರುತ್ತದೆ. ಅದು ನಿಮ್ಮ ಬೆರಳಿನ ಚಿತ್ರವನ್ನು ಸೆರೆಹಿಡಿಯುತ್ತದೆ. ಮೊಬೈಲ್‌ ಪರದೆಯ ಮೇಲೆ ಕಾಣಿಸುವ ವೃತ್ತಾಕಾರದ ಬೆಳಕಿನ ಹಿಂದೆ ಆಪ್ಟಿಕಲ್‌ ಸೆನ್ಸರ್‌, ಬೆಳಕಿನ ಪ್ರತಿಫಲನ ಮತ್ತು ದತ್ತಾಂಶ ಎನ್‌ಕ್ರಿಪ್ಶನ್‌ ತಂತ್ರಜ್ಞಾನಗಳು ಕೆಲಸ ಮಾಡುತ್ತದೆ. ಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಹೊಂದಿರುವ ಬಹುತೇಕ ಸ್ಮಾರ್ಟ್‌ಫೋನ್‌ಗಳು ಇದೇ ತಂತ್ರಜ್ಞಾನವನ್ನು ಬಳಸುತ್ತವೆ.ಪರದೆಯ ಮೇಲಿನ ವೃತ್ತಾಕಾರದ ಬೆಳಕಿನ ಹಿಂದೆ ಕ್ಯಾಮೆರಾಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಸೆನ್ಸರ್‌ ಹೊಂದಿರುವ ಹಲವು ಸ್ಮಾರ್ಟ್‌ಫೋನ್‌ಗಳಲ್ಲಿ ಪರದೆಯ ಮೇಲೆ ಹೆಬ್ಬೆರಳನ್ನು ಇಟ್ಟ ತಕ್ಷಣ ವೃತ್ತಾಕಾರದ ಬೆಳಕು ಕಾಣಿಸಿಕೊಳ್ಳುತ್ತದೆ. ಪರದೆಯ ಮೇಲೆ ಬೆಳಕು ಕಾಣಿಸುವ ಸ್ಥಳದ ನೇರ ಕೆಳಭಾಗದಲ್ಲಿ ಸಣ್ಣ ಆಪ್ಟಿಕಲ್‌ ಕ್ಯಾಮೆರಾ ಅಳವಡಿಸಲಾಗಿರುತ್ತದೆ. ಮೊಬೈಲ್‌ ಅನ್‌ಲಾಕ್‌ ಮಾಡಲು ನೀವು ಹೆಬ್ಬೆರಳು ಅಥವಾ ಬೇರೆ ಬೆರಳನ್ನು ಪರದೆಯ ಮೇಲೆ ಇಟ್ಟಾಗ, ಅದರ ಮೇಲೆ ಬೆಳಕು ಬೀಳುತ್ತದೆ.ಈ ಬೆಳಕಿನ ಸಹಾಯದಿಂದ ಪರದೆಯ ಕೆಳಗಿರುವ ಕ್ಯಾಮೆರಾ ನಿಮ್ಮ ಬೆರಳಿನ ಗೆರೆಗಳನ್ನು ಸ್ಪಷ್ಟವಾಗಿ ಗುರುತಿಸುತ್ತದೆ. ಈ ಮಾಹಿತಿಯ ಆಧಾರದ ಮೇಲೆ ಮೊಬೈಲ್‌ ಅನ್‌ಲಾಕ್‌ ಮಾಡಲು ಪ್ರಯತ್ನಿಸುತ್ತಿರುವವರು ಯಾರು ಎಂಬುದನ್ನು ಫೋನ್‌ ಪರಿಶೀಲಿಸುತ್ತದೆ.ಮೊಬೈಲ್‌ ಫಿಂಗರ್ಪ್ರಿಂಟ್ ಗುರುತುಗಳನ್ನು ಹೇಗೆ ಓದುತ್ತದೆ?ಕ್ಯಾಮೆರಾದ ಸಹಾಯದಿಂದ ಮೊಬೈಲ್‌ ಫಿಂಗರ್ಪ್ರಿಂಟ್ ಗುರುತುಗಳನ್ನು ಹೇಗೆ ಓದುತ್ತದೆ ಎಂಬ ಪ್ರಶ್ನೆ ಮೂಡಬಹುದು. ವಾಸ್ತವವಾಗಿ, ನಮ್ಮ ಬೆರಳುಗಳ ಮೇಲ್ಮೈ ಸಮತಟ್ಟಾಗಿರುವುದಿಲ್ಲ. ಅದರ ಮೇಲೆ ಅನೇಕ ಗೆರೆಗಳಿರುತ್ತವೆ. ನಾವು ಬೆರಳನ್ನು ಪರದೆಯ ಮೇಲೆ ಇಟ್ಟಾಗ, ಈ ಗೆರೆಗಳು ಪರದೆಯನ್ನು ಸ್ಪರ್ಶಿಸುತ್ತವೆ. ಆದರೆ ಗೆರೆಗಳ ನಡುವಿನ ತಗ್ಗು ಭಾಗಗಳು ಪರದೆಯನ್ನು ಅದೇ ರೀತಿಯಲ್ಲಿ ಸ್ಪರ್ಶಿಸುವುದಿಲ್ಲ.ಹೀಗಾಗಿ, ಪರದೆಯಿಂದ ಹೊರಬರುವ ಬೆಳಕು ಬೆರಳಿನ ಮೇಲಿರುವ ಗೆರೆಗಳು ಮತ್ತು ಅವುಗಳ ನಡುವಿನ ಭಾಗಗಳಿಗೆ ತಾಗಿ ಬೇರೆ ಬೇರೆ ರೀತಿಯಲ್ಲಿ ಪ್ರತಿಫಲಿಸುತ್ತದೆ. ಇದರಿಂದ ಪರದೆಯ ಕೆಳಗಿರುವ ಆಪ್ಟಿಕಲ್‌ ಸ್ಕ್ಯಾನರ್‌ ಬೆಳಕಿನ ಆಧಾರದ ಮೇಲೆ ಬೆರಳಿನ ಗೆರೆಗಳಲ್ಲಿರುವ ಬೆಳಕು ಮತ್ತು ಗಾಢ ಬಣ್ಣದ ಮಾದರಿಗಳನ್ನು ಗುರುತಿಸುತ್ತದೆ.ಬೆರಳಿನ ಈ ಮಾದರಿಯ ಚಿತ್ರವನ್ನು ಸಾಮಾನ್ಯ ಫೋಟೊದಂತೆ ಎಲ್ಲಿಯೂ ಉಳಿಸಲಾಗುವುದಿಲ್ಲ. ಬದಲಿಗೆ, ಬೆರಳಿನ ಗೆರೆಗಳು ಕೊನೆಗೊಳ್ಳುವ ಅಥವಾ ಎರಡು ಗೆರೆಗಳು ವಿಭಜನೆಯಾಗುವಂತಹ ನಿರ್ದಿಷ್ಟ ಬಿಂದುಗಳನ್ನು ಮೊಬೈಲ್‌ ಗುರುತಿಸುತ್ತದೆ. ಇಂತಹ ವಿಶಿಷ್ಟ ಬಿಂದುಗಳನ್ನು ಮಿನುಷಿಯೇ (Minutiae) ಎಂದು ಕರೆಯಲಾಗುತ್ತದೆ.ನಂತರ ಈ ಮಾಹಿತಿಯನ್ನು ಮೊಬೈಲ್‌ ಒಂದು ಡಿಜಿಟಲ್‌ ಮಾದರಿಯಾಗಿ ಪರಿವರ್ತಿಸಿ, ಪ್ರೊಸೆಸರ್‌ನಲ್ಲಿರುವ ಸುರಕ್ಷಿತ ಸಂಗ್ರಹ ವ್ಯವಸ್ಥೆಯಲ್ಲಿ ಉಳಿಸುತ್ತದೆ. ಪ್ರತಿಬಾರಿ ಯಾರಾದರೂ ಪರದೆಯ ಮೇಲೆ ಬೆರಳಿಟ್ಟಾಗ, ಹೊಸದಾಗಿ ಗುರುತಿಸಿದ ಮಾದರಿಯನ್ನು ಈಗಾಗಲೇ ಸಂಗ್ರಹಿಸಿರುವ ಮಾದರಿಯೊಂದಿಗೆ ಹೋಲಿಸಲಾಗುತ್ತದೆ. ಎರಡೂ ಹೊಂದಿಕೆಯಾದರೆ ಮೊಬೈಲ್‌ ಅನ್‌ಲಾಕ್‌ ಆಗುತ್ತದೆ.ಅಲ್ಟ್ರಾಸಾನಿಕ್‌ ಸೆನ್ಸರ್‌ನ ತಂತ್ರಜ್ಞಾನ ವಿಭಿನ್ನಆಪ್ಟಿಕಲ್‌ ಇನ್‌-ಡಿಸ್‌ಪ್ಲೇ ಫಿಂಗರ್ಪ್ರಿಂಟ್ ಸೆನ್ಸರ್‌ಗಳ ಜೊತೆಗೆ ಸ್ಮಾರ್ಟ್‌ಫೋನ್‌ಗಳಲ್ಲಿ ಮತ್ತೊಂದು ರೀತಿಯ ತಂತ್ರಜ್ಞಾನವನ್ನೂ ಬಳಸಲಾಗುತ್ತದೆ. ಅದನ್ನು ಅಲ್ಟ್ರಾಸಾನಿಕ್‌ ಸೆನ್ಸರ್‌ ಎಂದು ಕರೆಯುತ್ತಾರೆ. ಇದರಲ್ಲಿ ಪರದೆಯ ಮೇಲೆ ಬೆರಳಿಟ್ಟ ತಕ್ಷಣ ಸೆನ್ಸರ್‌ ಹೆಚ್ಚಿನ ಆವರ್ತನದ ಅಲ್ಟ್ರಾಸಾನಿಕ್‌ ಧ್ವನಿ ತರಂಗಗಳನ್ನು ಹೊರಸೂಸುತ್ತದೆ. ಈ ತರಂಗಗಳು ಬೆರಳಿನ ಮೇಲಿರುವ ಗೆರೆಗಳು ಮತ್ತು ಅವುಗಳ ನಡುವಿನ ಭಾಗಗಳಿಗೆ ತಾಗಿ ಪ್ರತಿಫಲಿಸುತ್ತವೆ. ಅವು ಮರಳಿ ಬರುವ ಸಮಯ ಮತ್ತು ಸ್ವರೂಪವನ್ನು ಆಧರಿಸಿ ಸೆನ್ಸರ್‌ ಬೆರಳಿನ ಮೂರು ಆಯಾಮದ (3D) ನಕ್ಷೆಯನ್ನು ಸಿದ್ಧಪಡಿಸುತ್ತದೆ.ಈ ತಂತ್ರಜ್ಞಾನಕ್ಕೆ ಬೆರಳಿನ ಗುರುತುಗಳನ್ನು ಗುರುತಿಸಲು ಬೆಳಕಿನ ಅಗತ್ಯವಿಲ್ಲ. ಕೆಲವು ಅಲ್ಟ್ರಾಸಾನಿಕ್‌ ಸೆನ್ಸರ್‌ಗಳು ಬೆರಳು ಸ್ವಲ್ಪ ಒದ್ದೆಯಾಗಿದ್ದಾಗಲೂ ಅಥವಾ ಕೊಳಕಾಗಿದ್ದಾಗಲೂ ಗುರುತಿಸುವ ಸಾಮರ್ಥ್ಯ ಹೊಂದಿರುತ್ತವೆ. ಹೀಗಾಗಿ, ಸೂಕ್ತ ಪರಿಸ್ಥಿತಿಗಳಲ್ಲಿ ಮೊಬೈಲ್‌ ಅನ್ನು ವೇಗವಾಗಿ ಅನ್‌ಲಾಕ್‌ ಮಾಡಲು ಇವು ನೆರವಾಗುತ್ತವೆ.