13 ಕಾಮಗಾರಿಗಳಿಗೆ ₹394 ಕೋಟಿ ಅನುದಾನ: ಜಲಸಂಪನ್ಮೂಲ ಇಲಾಖೆ ಒಪ್ಪಿಗೆ

ಬೆಂಗಳೂರು: ಕಾವೇರಿ ನೀರಾವರಿ ನಿಗಮದ ಶಿಂಷಾ ಶಾಖಾ ನಾಲೆ ಕಾಮಗಾರಿ, ಮಂಡ್ಯದಲ್ಲಿ ವಿಸಿ ನಾಲೆ ಜಾಲ, ಕಬಿನಿ ನಾಲೆ ಆಧುನೀಕರಣ ಸೇರಿ 13 ಕಾಮಗಾರಿಗಳಿಗೆ ₹394 ಕೋಟಿ ಅನುದಾನ ಮಂಜೂರು ಮಾಡಲು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅಧ್ಯಕ್ಷತೆಯಲ್ಲಿ ನಡೆದ ಜಲಸಂಪನ್ಮೂಲ ಇಲಾಖೆಯ ಸಭೆಯಲ್ಲಿ ಒಪ್ಪಿಗೆ ನೀಡಲಾಯಿತು.ಮೇಕೆದಾಟು ಯೋಜನೆ ಸಂಬಂಧ ಎಲ್ಲ ಸಂದೇಹಗಳನ್ನು ಬಗೆಹರಿಸಿದ್ದು, ಮುಳುಗಡೆಯಾಗಲಿರುವ 5 ಸಾವಿರ ಹೆಕ್ಟೇರ್‌ ಪ್ರದೇಶಕ್ಕೆ ಪರ್ಯಾಯವಾಗಿ ಪರಿಭಾವಿತ ಭೂಮಿ ನೀಡಲು ಈ ವಾರದೊಳಗೆ ನಿರ್ದೇಶನ ಬರಲಿದ್ದು, ನವೆಂಬರ್ ಅಂತ್ಯ ದೊಳಗೆ ಪರ್ಯಾಯ ಭೂಮಿ ಅಂತಿಮಗೊಳಿಸಲಾಗುವುದು ಎಂದು ಜಲಸಂಪನ್ಮೂಲ ಸಚಿವ ಎನ್‌.ಚಲುವರಾಯಸ್ವಾಮಿ ಸಭೆಗೆ ತಿಳಿಸಿದರು.​ಕೃಷ್ಣಾ ಭಾಗ್ಯ ಜಲ ನಿಗಮದ ವ್ಯವಸ್ಥಾಪಕ ನಿರ್ದೇಶಕ ಕಚೇರಿಯನ್ನು ಬೆಂಗಳೂರಿನಿಂದ ಬೆಳಗಾವಿಗೆ ವರ್ಗಾವಣೆ ಮಾಡಬೇಕೆಂಬ ಪ್ರಸ್ತಾವನೆಯನ್ನು ಕೈಬಿಡಲು ತೀರ್ಮಾನಿಸಲಾಗಿದೆ ಎಂದು ಹೇಳಿದರು.261029-4-1941076399