ಮಾರುವೇಷದ ಬಗ್ಗೆ CBI ತನಿಖೆ ನಡೆಸಲಿ, ಸರ್ಕಾರದಿಂದ ಸತ್ಯ ಹೊರಬಾರದು:ಆರ್.ಅಶೋಕ

ಚಿಕ್ಕಬಳ್ಳಾಪುರ: ಸಿದ್ದರಾಮಯ್ಯ ಅವರ ವಿರುದ್ಧ ನಡೆದಿರುವ ಮಾರುವೇಷದ ಕಾರ್ಯಾಚರಣೆ ಪ್ರಕರಣ ತನಿಖೆಯನ್ನು ಸಿಬಿಐಗೆ ವಹಿಸಬೇಕು ಎಂದು ವಿಧಾನಸಭೆ ವಿರೋಧ ಪಕ್ಷದ ನಾಯಕ ಆರ್.ಅಶೋಕ ಆಗ್ರಹಿಸಿದರು.ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯ ಸರ್ಕಾರದ ತನಿಖೆಯಿಂದ ಸತ್ಯ ಹೊರಬರುವುದಿಲ್ಲ ಎಂದರು.ಈಗಾಗಲೇ ಎಚ್.ಡಿ. ಕುಮಾರಸ್ವಾಮಿ ಅವರು ಈ ವಿಷಯ ಪ್ರಸ್ತಾಪಿಸಿದ್ದಾರೆ. ಮುಖ್ಯವಾಗಿ ಈ ಮಾರುವೇಷದ ಕಾರ್ಯಾಚರಣೆ ನಡೆಸಿದ್ದು ಯಾರು? ಹಿಂದೆ ಯಾರಿದ್ದಾರೆ? ಮೂಲಪುರುಷ ಯಾರು ಎನ್ನುವುದು ಬೇಕು ಎಂದರು.ಈ ಬಗ್ಗೆ ತನಿಖೆ ನಡೆಸದೆಯೇ ಯಾರು ವಿಡಿಯೊ ಹಂಚಿದರು, ಎಲ್ಲಿ ಹಂಚಿದರು ಎನ್ನುವ ತನಿಖೆ ಮಾಡುತ್ತಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.ಪೊಲೀಸರು ಈ ರೀತಿಯಲ್ಲಿ ತನಿಖೆ ಮಾಡುವುದಾ?ನಿಜವಾದ ಅಪರಾಧಿಯನ್ನು ಹಿಡಿಯಬೇಕು. ಪೊಲೀಸರು ನ್ಯಾಯವಾಗಿ ತನಿಖೆ ಮಾಡಬೇಕು ಎಂದು ಒತ್ತಾಯಿಸಿದರು.ಪ್ರಕರಣದ ತನಿಖೆ ಬಗ್ಗೆ ಸಿದ್ದರಾಮಯ್ಯ ಅವರೇ ಬೇಜಾರು ಮಾಡಿಕೊಂಡಿದ್ದಾರೆ. ಪ್ರಕರಣದಲ್ಲಿ ಕಾಂಗ್ರೆಸ್ ಅವರು ಇದ್ದಾರೆ ಎಂದು ಯತೀಂದ್ರ ಅವರೇ ಹೇಳಿದ್ದಾರೆ ಎಂದರು.