ಚೆಟ್ಟಿನಾಡ ಸಿಮೆಂಟ್‌ ಕಂಪನಿಯಲ್ಲಿ ದುರ್ಘಟನೆ: ಬಿಹಾರ ಮೂಲದ ಕಾರ್ಮಿಕ ಸಾವು

ಚಿಂಚೋಳಿ (ಕಲಬುರಗಿ ಜಿಲ್ಲೆ): ತಾಲ್ಲೂಕಿನ‌ ಕಲ್ಲೂರು ರೋಡ್‌ ಬಳಿಯ ಚೆಟ್ಟಿನಾಡ ಸಿಮೆಂಟ್‌ ಕಂಪನಿಯಲ್ಲಿ ಮಂಗಳವಾರ ಬೆಳಿಗ್ಗೆ ಸಂಭವಿಸಿದ ದುರ್ಘಟನೆಯಲ್ಲಿ ಬಿಹಾರ್‌ ಮೂಲದ ಒಬ್ಬ ಕಾರ್ಮಿಕ ಮೃತಪಟ್ಟಿದ್ದಾನೆ. ಇನ್ನಿಬ್ಬರು ಗಾಯಗೊಂಡಿದ್ದಾರೆ.ಅಜಿತಕುಮಾ‌ರ್‌ (32) ಮೃತರು. ಅವಘಡದಲ್ಲಿ ಗಾಯಗೊಂಡಿದ್ದ ಅಜಿತಕುಮಾರ್ ಅವರನ್ನು ಕಲಬುರಗಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆಗೆ ಸ್ಪಂದಿಸದೇ ಅಸುನೀಗಿದ್ದಾರೆ ಎನ್ನಲಾಗಿದೆ. ಘಟನೆಯಲ್ಲಿ ಸೇಡಂನ ಎಂಜಿನಿಯರ್‌ ಮಹಿಪಾಲರೆಡ್ಡಿ ಮತ್ತು ಬಿಹಾರ ಮೂಲದ ಕಾರ್ಮಿಕ ಮನುಕುಮಾರ ರಾಮಗಣೇಶಗೆ ಗಾಯಗಳಾಗಿವೆ.ಸಿಮೆಂಟ್‌ ಕಂಪನಿಯ ಮಿಲ್‌ನಲ್ಲಿ ಕಪ್‌ಲಿಂಗ್‌ ಒಡೆದಿದ್ದರಿಂದ ಯಂತ್ರೋಪಕರಣ ಸಿಡಿದು ಕಾರ್ಮಿಕರಿಗೆ ಬಡಿದಿದೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.ಘಟನಾ ಸ್ಥಳಕ್ಕೆ ಸಿಪಿಐ ಕಪಿಲದೇವ ಗಡಾದ್, ಪಿಎಸ್‌ಐ ಶಿವಶಂಕರ ಸುಬೇದಾರ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಮಿರಿಯಾಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.