ಯೋಗಿ ಸರ್ಕಾರದಿಂದ ರೈತರಿಗೆ ಬಂಪರ್ – ನೈಸರ್ಗಿಕ ವಿಕೋಪ ಪರಿಹಾರ ದ್ವಿಗುಣ, ಬೆಳೆ ನಷ್ಟ ಪರಿಹಾರ ಏರಿಕೆ

ಲಕ್ನೋ: ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ (Yogi Adityanth) ನೇತೃತ್ವದ ಸರ್ಕಾರ ರೈತರಿಗೆ ಬಂಪರ್ ಕೊಡುಗೆ ನೀಡಿದೆ. ನೈಸರ್ಗಿಕ ವಿಕೋಪ ಪರಿಹಾರ ದ್ವಿಗುಣಗೊಳಿಸಿದ್ದು ಹಾಗೂ ಬೆಳೆ ನಷ್ಟ ಪರಿಹಾರವನ್ನು ಏರಿಕೆ ಮಾಡಿದೆ. ನೂತನ ನಿಯಮಗಳ ಅಡಿಯಲ್ಲಿ, ನೈಸರ್ಗಿಕ ವಿಕೋಪಗಳಲ್ಲಿ ಮೃತಪಟ್ಟವರ ಕುಟುಂಬಗಳಿಗೆ ನೀಡುವ ಪರಿಹಾರ ಮೊತ್ತವನ್ನು 4 ಲಕ್ಷ ರೂ.ಯಿಂದ 8 ಲಕ್ಷ ರೂ.ಗೆ ದುಪ್ಪಟ್ಟುಗೊಳಿಸಲಾಗಿದೆ. ಇದರೊಂದಿಗೆ ಬೆಳೆ ಹಾನಿ ಪರಿಹಾರವನ್ನು ಶೇ.25 ರಿಂದ 30ರಷ್ಟು ಹೆಚ್ಚಿಸಲಾಗಿದ್ದು, ಜಾನುವಾರು, ಕೋಳಿ ಸಾಕಾಣಿಕೆ, ಕೃಷಿ ಭೂಮಿ ಹಾಗೂ ಇತರೆ ಆಸ್ತಿ-ಪಾಸ್ತಿಗಳ ನಷ್ಟಕ್ಕೆ ನೀಡುವ ನೆರವನ್ನು ಹೆಚ್ಚಿಸಲಾಗಿದೆ. ಇದನ್ನೂ ಓದಿ: ನೀನು ಗಂಡ್ಸೇ ಅಲ್ಲ ಅಂತಾ ಹೆಂಡ್ತಿ ಬೈತಿದ್ರು – ಡೆಡ್ಲಿ ಮರ್ಡರ್‌ ಆರೋಪಿಯ ರಹಸ್ಯ ಬಿಚ್ಚಿಟ್ಟ ಸ್ಥಳೀಯ ನಿವಾಸಿ ಈ ನಿರ್ಧಾರದಿಂದ ರಾಜ್ಯದ 10 ಲಕ್ಷಕ್ಕೂ ಹೆಚ್ಚು ರೈತರು ಪರಿಹಾರ ನಿಯಮಗಳ ಪ್ರಯೋಜನವನ್ನು ಪಡೆಯಲಿದ್ದಾರೆ. 2026ರ ಏಪ್ರಿಲ್ 1ರಿಂದ ನವೆಂಬರ್ 4ರ ನಡುವೆ ಸಂಭವಿಸಿದ ನಷ್ಟಗಳಿಗೆ ಈ ಹೊಸ ನಿಯಮಗಳು ಅನ್ವಯವಾಗಲಿದ್ದು, ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ಅಡಿಯಲ್ಲಿ ಈ ನೆರವನ್ನು ಒದಗಿಸಲಾಗುತ್ತದೆ. ನೈಸರ್ಗಿಕ ವಿಕೋಪದಿಂದ ಮೃತಪಡುವ ಜಾನುವಾರುಗಳ ಪರಿಹಾರ ದರವನ್ನು ಸಹ ರಾಜ್ಯ ಸರ್ಕಾರ ಪರಿಷ್ಕರಿಸಿದೆ. ದೊಡ್ಡ ಪ್ರಾಣಿಗಳ ಸಾವಿಗೆ ನೀಡಲಾಗುತ್ತಿದ್ದ ಪರಿಹಾರವನ್ನು 40,000 ರೂ.ಯಿಂದ 50,000 ರೂ.ಗೆ ಏರಿಸಲಾಗಿದೆ. ಮೇಕೆ, ಕುರಿ ಮತ್ತು ಹಂದಿಗಳAತಹ ಸಣ್ಣ ಪ್ರಾಣಿಗಳ ಸಾವಿನ ಪರಿಹಾರವನ್ನು 4,000 ರೂ.ಯಿಂದ 5,500 ರೂ.ಗೆ ಹೆಚ್ಚಿಸಲಾಗಿದೆ. ಭಾರ ಹೊರುವ ಪ್ರಾಣಿಗಳಾದ ಕುದುರೆ ಮತ್ತು ಹೇಸರಗತ್ತೆಗಳ ಸಾವಿಗೆ ನೀಡಲಾಗುತ್ತಿದ್ದ ಪರಿಹಾರ ಮೊತ್ತವನ್ನು 20,000 ರೂ.ಯಿಂದ 25,400 ರೂ.ಗೆ ನಿಗದಿಪಡಿಸಲಾಗಿದೆ. ಇದಲ್ಲದೆ ಕೋಳಿ ಸಾಕಾಣಿಕೆದಾರರಿಗೆ ಪ್ರತಿ ಕೋಳಿಗೆ ಈ ಹಿಂದೆ ನೀಡಲಾಗುತ್ತಿದ್ದ 100 ರೂ. ಬದಲಾಗಿ ಈಗ 130 ರೂ.ಗೆ ಏರಿಕೆಯಾಗಿದೆ.ಇದನ್ನೂ ಓದಿ: ಬಾಗಲಕೋಟೆಯಲ್ಲಿ ಜುವೆಲ್ಲರಿ ಬೀಗ ಮುರಿದು 2 ಕೋಟಿ ಮೌಲ್ಯದ ಬೆಳ್ಳಿ, ಚಿನ್ನಾಭರಣ ದರೋಡೆ ಬೆಳೆ ಹಾನಿ ಮತ್ತು ರೇಷ್ಮೆ ಕೃಷಿಗೆ ಹೆಚ್ಚಿನ ನೆರವು: ಪ್ರವಾಹ, ಅತಿಯಾದ ಮಳೆ ಮತ್ತು ಇತರೆ ನೈಸರ್ಗಿಕ ವಿಕೋಪಗಳಿಂದ ಉಂಟಾಗುವ ಬೆಳೆ ಹಾನಿಗೆ ನೀಡಲಾಗುವ ಪರಿಹಾರವನ್ನು ಪ್ರತಿ ಹೆಕ್ಟೇರ್‌ಗೆ ಪರಿಷ್ಕರಿಸಲಾಗಿದೆ. ನೀರಾವರಿ ಕೃಷಿ ಭೂಮಿ: 17,000 ರೂ.ಯಿಂದ 22,000 ರೂ.ಗೆ ಏರಿಕೆ ಮಳೆ ಆಶ್ರಿತ ಕೃಷಿ ಭೂಮಿ: 8,500 ರೂ.ಯಿಂದ 11,000 ರೂ.ಗೆ ಏರಿಕೆ ಬಹುವಾರ್ಷಿಕ ಬೆಳೆಗಳು & ಕೃಷಿ ಅರಣ್ಯ: 22,500 ರೂ.ಯಿಂದ 30,000 ರೂ.ಗೆ ಹೆಚ್ಚಳ. ರೇಷ್ಮೆ ಉತ್ಪಾದನೆಯಲ್ಲಿ ತೊಡಗಿರುವ ರೈತರಿಗೂ ಪರಿಹಾರ ಮೊತ್ತವನ್ನು ಹೆಚ್ಚಿಸಲಾಗಿದೆ. ರೇಷ್ಮೆ ಉತ್ಪಾದನೆಯ ಹಾನಿಗೆ ಪರಿಹಾರವನ್ನು ಪ್ರತಿ ಹೆಕ್ಟೇರ್‌ಗೆ 6,000 ರೂ.ಯಿಂದ 7,800 ರೂ.ಗೆ ಹೆಚ್ಚಿಸಲಾಗಿದೆ. ನೈಸರ್ಗಿಕ ವಿಕೋಪಕ್ಕೆ ತುತ್ತಾದ ಕೃಷಿ ಭೂಮಿಯ ಮರುಸ್ಥಾಪನೆಗೂ ಹೆಚ್ಚಿನ ಆರ್ಥಿಕ ನೆರವು ಘೋಷಿಸಲಾಗಿದೆ. ಕೃಷಿ ಭೂಮಿಯಲ್ಲಿ ಶೇಖರಣೆಗೊಂಡ ಹೂಳನ್ನು ತೆಗೆಯಲು ನೀಡಲಾಗುತ್ತಿದ್ದ ಪರಿಹಾರವನ್ನು ಪ್ರತಿ ಹೆಕ್ಟೇರ್‌ಗೆ 18,000 ರೂ.ಯಿಂದ 23,000 ರೂ.ಗೆ ಹೆಚ್ಚಿಸಲಾಗಿದೆ. ಭೂಕುಸಿತ ಮತ್ತು ಹಿಮಕುಸಿತದಿಂದ ಹಾನಿಗೊಳಗಾದ ಭೂಮಿಯ ಪರಿಹಾರವನ್ನು ಪ್ರತಿ ಹೆಕ್ಟೇರ್‌ಗೆ 47,000 ರೂ.ಯಿಂದ 60,000 ರೂ.ಗೆ ಏರಿಸಲಾಗಿದೆ.ಇದನ್ನೂ ಓದಿ: ಕಲಬುರಗಿ | ಹಾಸ್ಟೆಲ್‌ನ ನಾಲ್ಕನೇ ಮಹಡಿಯಿಂದ ಬಿದ್ದು ವಿದ್ಯಾರ್ಥಿ ಸಾವು