ಹಂತಕನಿಗಿದ್ದದ್ದು ಏಳಲ್ಲ.. 9 ಜನರ ಟಾರ್ಗೆಟ್ – ಕನ್ನಡದಲ್ಲಿ ಮೆಸೇಜ್ ಮಾಡಿ ಸಿಕ್ಕಿಬಿದ್ದಿದ್ದು ರೋಚಕ

ಬೆಂಗಳೂರು: ಒಂದೇ ಕುಟುಂಬದ 7 ಮಂದಿಯ ನರಮೇಧ ಪ್ರಕರಣದಲ್ಲಿ ಆರೋಪಿ ಕೊಲೆಗಾಗಿ ನಡೆಸಿದ ಸಂಚು ಒಂದೋದಾಗಿಯೋ ಹೊರಬೀಳುತ್ತಿದೆ. ಹಂತಕ ಅಸಲಿಗೆ ಏಳಲ್ಲ, ಒಂಬತ್ತು ಮಂದಿಯನ್ನು ಕೊಲೆ ಮಾಡುವ ಯೋಚನೆಯಲ್ಲಿದ್ದ ಹಾಗೂ ಕನ್ನಡದಲ್ಲಿ ಮಸೇಜ್ ಮಾಡಿದ್ದೇ ಅವನಿಗೆ ಮುಳುವಾಯ್ತು ಎಂದು ಪೊಲೀಸರ ವಿಚಾರಣೆ ರೋಚಕ ಅಂಶಗಳು ಹೊರಬಿದ್ದಿವೆ. ಅ.16ರಿಂದ ಒಂದೊಂದಾಗಿಯೇ ಕೊಲೆ ಮಾಡಿರುವ ಆರೋಪಿ ಬರೋಬ್ಬರಿ 15 ದಿನದಲ್ಲಿ 7 ಜನರನ್ನು ಹತ್ಯೆಗೈದಿದ್ದಾನೆ. ಅಕ್ಟೋಬರ್ 31ರಂದು ತಂಗಿ ಸುನಿತಾಳ ಮನೆಗೆ ಬಾಡೂಟಕ್ಕೆ ಹೋಗುವುದಾಗಿ ಸ್ನೇಹಿತರಿಗೆ ಹೇಳಿ, ಶಂಕರ್ ತನ್ನ ಪತ್ನಿ ನಳಿನಿ ಹಾಗೂ ಮಗನೊಂದಿಗೆ ತೆರಳಿದ್ದರು. ಇತ್ತ ನಳಿನಿಯೂ ಕೂಡ ತನ್ನ ಪೋಷಕರಿಗೆ ಮಾಂಸದ ಊಟಕ್ಕೆ ನಾದಿನಿ ಮನೆಗೆ ಹೋಗುತ್ತಿರುವುದಾಗಿ ಫೋನ್ ಮಾಡಿ ತಿಳಿಸಿದ್ದಳು. ಆದರೆ ಎರಡು ದಿನ ಕಳೆದರೂ ದಂಪತಿ ವಾಪಸ್ ಬಾರದಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿತು. ಇದನ್ನೂ ಓದಿ: Bengaluru Horror | ಕೊಲೆ ಬಳಿಕ ಅತ್ತೆ, ನಾದಿನಿಯರ ಮೃತದೇಹದಿಂದ ಚಿನ್ನಾಭರಣ ದೋಚಿದ್ದ ಹಂತಕ! ಇದರ ನಡುವೆ ಶಂಕರ್ ಮತ್ತು ನಳಿನಿ ಮೊಬೈಲ್‌ಗಳಿಂದ ಅವರ ಸ್ನೇಹಿತರಿಗೆ ಹಾಗೂ ಪೋಷಕರಿಗೆ ಮೆಸೇಜ್ ಬಂದಿದ್ದವು. ಉತ್ತರ ಭಾರತಕ್ಕೆ ಪ್ರವಾಸ ಬಂದಿದ್ದೇವೆ, ನಮ್ಮ ಮೊಬೈಲ್ ಅಧಿಕಾರಿಗಳ ಬಳಿ ಇದೆ. ಜೊತೆ ಇಲ್ಲಿ ನೆಟ್‌ವರ್ಕ್ ಸಿಗುವುದಿಲ್ಲ, ಹಾಗಾಗಿ ಕಾಲ್ ಮಾಡಬೇಡಿ ಎಂದು ಮಗನ ಧ್ವನಿಯಲ್ಲಿ ವಾಯ್ಸ್ ನೋಟ್ ಕೂಡ ಕಳುಹಿಸಲಾಗಿತ್ತು. ಆದರೆ, ಶಂಕರ್‌ಗೆ ಕನ್ನಡದಲ್ಲಿ ಸರಾಗವಾಗಿ ಟೈಪ್ ಮಾಡಲು ಬರುವುದಿಲ್ಲ ಎಂಬುದು ಆತನ ಸ್ನೇಹಿತರಿಗೆ ಚೆನ್ನಾಗಿ ತಿಳಿದಿತ್ತು. ಈ ಕಾರಣದಿಂದ ಅವರಿಗೆ ಅನುಮಾನ ಬಂದು ನಳಿನಿಯ ಪೋಷಕರ ಮನೆಯಲ್ಲಿ ವಿಚಾರಿಸಿದಾಗ, ಅಲ್ಲಿಯೂ ಅದೇ ರೀತಿಯ ಮೆಸೇಜ್‌ಗಳು ಬಂದಿದ್ದವು. ಕೂಡಲೇ ಶ್ರೀರಾಮಪುರ (Shrirampura) ಠಾಣೆಗೆ ನ.2ರಂದು ತಮ್ಮ ಮಗಳು ನಳಿನಿ, ಆಳಿಯ ಶಂಕರ್ ಹಾಗೂ 11 ವರ್ಷದ ಮೊಮ್ಮಗ ನಾಪತ್ತೆಯಾಗಿದ್ದಾರೆ ಎಂದು ಮೃತಳ ನಳಿನಿ ತಾಯಿ ದೂರು ನೀಡಿದ್ದರು. ಏಳಲ್ಲ.. 9 ಜನರು ಟಾರ್ಗೆಟ್: ಹಂತಕ ಮೊದಲು ಒಂಬತ್ತು ಜನರನ್ನು ಕೊಲೆ ಮಾಡುವ ಸಂಚು ರೂಪಿಸಿದ್ದನು. ಆದರೆ ಕೊನೆ ಕ್ಷಣದಲ್ಲಿ ಆ ಪ್ರಯತ್ನ ವಿಫಲವಾಯಿತು. ಆರೋಪಿಯು ಶಂಕರ್ ದಂಪತಿಯ 11 ವರ್ಷದ ಮಗನನ್ನು ಮೂರು ದಿನಗಳ ಕಾಲ ತನ್ನ ವಶದಲ್ಲೇ ಇಟ್ಟುಕೊಂಡಿದ್ದರೂ ಆತನನ್ನು ಕೊಲೆ ಮಾಡಿರಲಿಲ್ಲ. ಬಹುಶಃ ನಾಪತ್ತೆಯ ಬಗ್ಗೆ ಪೊಲೀಸರಿಗೆ ದೂರು ನೀಡಿರುವ ಸಂಗತಿ ಗೊತ್ತಾಗಿದ್ದರಿಂದ ಆತ ತನ್ನ ನಿರ್ಧಾರವನ್ನು ಬದಲಿಸಿರಬಹುದು ಎಂದು ಶಂಕಿಸಲಾಗಿದೆ. ಇದನ್ನೂ ಓದಿ ಬೆಂಗ್ಳೂರು ಸರಣಿ ಹತ್ಯೆ ಕೇಸ್ – ನರಹಂತಕ ಇಂದುಶೇಖರ್ 14 ದಿನ ಪೊಲೀಸ್‌ ಕಸ್ಟಡಿಗೆ