KTR New Look : కేటీఆర్ న్యూలుక్.. గడ్డం వెనుక కథేంటి ? గులాబీ దళంలో ఆసక్తికర చర్చ..

KTR New Look : బీఆర్ఎస్ వర్కింగ్ ప్రెసిడెంట్ కేటీఆర్ న్యూలుక్ ఇప్పుడు అభిమానుల్లో ఆసక్తిని పెంచుతోంది. సింగరేణి కార్మిక గర్జన సభ నేపథ్యంలో గడ్డంతో కనిపించడం చర్చకు దారితీసింది. గడ్డం పెంచినవ్ ఏం సంగతి అని గంగుల కమలాకర్ అడిగితే.. వెళ్లేది గోదావరిఖని.. సింగరేణి ఏరియాకు కదా.. ఆ మాత్రం ఉండాలే.. లేకపోతే నడవదని చెప్పానంటూ కేటీఆర్ సరదాగా మాట్లాడుకొచ్చారు. అంటే సింగరేణి ప్రాంత పర్యటన నేపథ్యంలోనే లుక్ మార్చేసినట్లు కేటీఆర్ చెప్పకనే చెప్పారు. అయితే, ఇది ఏదైనా ప్రత్యేక రాజకీయ వ్యూహంలో భాగమా అన్నదే ఆసక్తిరేపుతోంది. రాజకీయాల్లో నాయకుల మాటలే కాదు.. వారి ఆహార్యం కూడా చర్చనీయాంశమే అవుతుంది. అందుకే గులాబీ శిబిరంలో ఈ కొత్త లుక్‌పై ఇంట్రెస్టింగ్ డిస్కషన్ నడుస్తోంది. Also Read : CM Revanth Reddy : హైదరాబాద్‌కు నీరందించే జలాశయాలు ఎండిపోతున్నాయి.. రైతులు సహకరించాలి.. సీఎం రేవంత్ విజ్ఞప్తి పాలిటిక్స్‌లో కంటెంట్‌తో పాటు కటౌట్‌కు కూడా స్పెషల్ అట్రాక్షన్ ఉంటుంది. ముఖ్యంగా యువతలో మంచి ఫాలోయింగ్ ఉన్న కేటీఆర్ లాంటి నాయకుడు కొత్త లుక్‌లో కనిపిస్తే చర్చ జరగడం సహజమే. గడ్డంతో కేటీఆర్ మరింత మాస్‌గా కనిపిస్తున్నారని ఆయన అభిమానులు సోషల్ మీడియాలో కామెంట్లు పెడుతున్నారు. సింగరేణి కార్మికుల సభలో ఈ లుక్ స్పెషల్ అట్రాక్షన్‌గా నిలిచిందని డిస్కస్ చేసుకుంటున్నారు. అయితే దీన్ని ఉద్దేశపూర్వక ఇమేజ్ మేకోవర్‌లాగా చూడాలా.? లేక పర్సనల్ కేరింగ్‌లో భాగంగా స్టైల్ మార్పుగా భావించాలా.? అన్నది గులాబీ క్యాడర్లో ఆసక్తి రేపుతోంది. కేటీఆర్ గడ్డం వెనుక అసలు కారణం ఇంకేదైనా ఉందా అన్న టాక్ కూడా మొదలైంది. ఎస్పెషల్‌గా యూత్.. అందులో జెన్‌జీతో పాటు.. ఫార్టీ ఇయర్స్‌లోపు వారిని అట్రాక్ట్ చేయాలని కేటీఆర్ టార్గెట్‌గా పెట్టుకున్నారన్న చర్చ కూడా ఉంది. ఇప్పటికే యూత్‌లో మంచి ఫాలోయింగ్ కలిగి ఉన్న కేటీఆర్.. తన గ్రాఫ్‌ను ఇంకా పెంచుకునేందుకు మాస్ అవతార్‌ ఎత్తారని కూడా అంటున్నారు. జెన్‌జీతో ఎక్కువగా ఇంటరాక్ట్ అవుతూ వస్తున్నారు కేటీఆర్. స్పెషల్ చిట్‌చాట్లతో నెక్స్ట్ జనరేషన్ ఓటర్లను ఆకట్టుకునే స్కెచ్ వేస్తున్నారని కూడా చెప్పుకుంటున్నారు. సేమ్‌టైమ్‌ గ్రాడ్యుయేట్స్ ఎలక్షన్స్ జరగబోతున్న వేళ.. బియర్డ్ లుక్‌లో కనిపించడం ఆసక్తికరంగా మారింది. అయితే కేటీఆర్ న్యూలుక్ వెనుక మరేదైనా సెంటిమెంట్ ఉందా అని కూడా క్యాడర్ చెవులు కోరుక్కుంటుందట. ఓవైపు కాంగ్రెస్ ప్రభుత్వంపై రాజకీయ పోరాటం.. మరోవైపు పార్టీని మళ్లీ ప్రజల్లోకి తీసుకెళ్లే ప్రయత్నాలు.. ఈ సమయంలో కేటీఆర్ కొత్త లుక్ లో కనిపించడం అభిమానుల దృష్టిని ఆకర్షిస్తోంది. మరి ఇది కేవలం స్టైల్ మార్పేనా.? రాబోయే రోజుల్లో కేటీఆర్ మరింత కొత్తగా కనిపించబోతున్నారా? ప్రస్తుతానికి ఇదే పాలిటిక్స్ లో ఇంట్రెస్టింగ్ డిస్కషన్ పాయింట్ అవుతోంది. గడ్డం వెనుక రాజకీయ వ్యూహం ఉందో లేదో తెలియదు.. కానీ కేటీఆర్ న్యూలుక్ మాత్రం గులాబీ శిబిరంలో కొత్త చర్చకు తెరలేపింది. అటు కాంగ్రెస్ నాయకులు కేటీఆర్ లుక్ వెనుక ఏముందని ఆరా తీస్తూ.. దీనిపై కూడా ఎప్పటిలాగే తమదైన స్టైల్‌లో విమర్శలు గుప్పించడం మొదలు పెట్టారు. ఈ మాస్ లుక్‌కు కేటీఆర్ ఇలాగే కొనసాగిస్తారా? లేక మళ్లీ పాత స్టైల్లోకి వచ్చేస్తారా అనేది వెయిట్ అండ్ సీ.