Mamata Banerjee: కంట్రోల్ తప్పిన మమతా బెనర్జీ.. కార్యకర్త చెంప చెల్లుమనిపించింది

మమతా బెనర్జీ సహనం కోల్పోయారు సొంత కార్యకర్తపై చేయి చేసుకున్నారు షాకింగ్ వీడియో వైరల్ అవుతోంది Mamata Banerjee: రాజకీయాల్లో ఫైర్‌బ్రాండ్‌గా పేరొందిన పశ్చిమ బెంగాల్ మాజీ ముఖ్యమంత్రి, టీఎంసీ అధినేత్రి మమతా బెనర్జీ మరోసారి వార్తల్లో నిలిచారు. పశ్చిమ బెంగాల్‌లోని బరుయిపూర్‌లో బాలికపై జరిగిన అత్యాచారం, హత్యకు నిరసనగా కోల్‌కతాలో తృణమూల్ కాంగ్రెస్ యువజన విభాగం బుధవారం భారీ ర్యాలీ చేపట్టింది. అయితే, ఈ నిరసన ప్రదర్శనలోకి బీజేపీ మద్దతుదారులు చొరబడి అడ్డుకునేందుకు ప్రయత్నించడంతో ఇరువర్గాల మధ్య తీవ్ర ఘర్షణ, తోపులాట చోటుచేసుకున్నాయి. ఈ భౌతిక దాడుల్లో టీఎంసీ విద్యార్థి, యువజన విభాగాలకు చెందిన పలువురు కార్యకర్తలు తీవ్రంగా గాయపడ్డారు. DSP Bheem Reddy: బినామీల పేరుతో కోట్ల రూపాయల దందా.. డీఎస్పీ భీంరెడ్డి రిమాండ్ రిపోర్టులో విస్తుపోయే నిజాలు ఈ ఘర్షణల అనంతరం మమతా బెనర్జీ(Mamata Banerjee) తీవ్ర ఉద్రిక్తతకు లోనయ్యారు. గాయపడిన కార్యకర్తలను ఆస్పత్రికి తరలించేందుకు ఆమె తన నివాసం వెలుపల వాహనాలను ఏర్పాటు చేయించారు. ఆ సమయంలో వాహనాలకు దారి ఇవ్వకుండా చుట్టుముట్టిన స్వంత పార్టీ శ్రేణులపై ఆమె తీవ్ర ఆగ్రహం వ్యక్తం చేశారు. గందరగోళం మధ్య సహనం కోల్పోయిన మమత.. తనకు రక్షణ వలయంగా నిలిచేందుకు ప్రయత్నించిన ఓ కార్యకర్త చెంప చెల్లుమనిపించారు. మరికొందరిని నెట్టివేస్తూ ఆగ్రహంతో ఊగిపోయారు. మీడియా కెమెరాల్లో రికార్డైన ఈ వీడియో క్లిప్స్ ప్రస్తుతం సోషల్ మీడియాలో విపరీతంగా వైరల్ అవుతున్నాయి.