ഫൈനലിൽ ലമീൻ യമാൽ കളിക്കും; താരം ഫിറ്റ്നസ് വീണ്ടെടുത്തെന്ന് പരിശീലകൻ ഫുവന്തെ

ന്യൂയോർക്ക്: അർജന്റീന- സ്‌പെയിൻ മത്സരത്തിന് മുന്നോടിയായി സൂപ്പർതാരം ലമീൻ യമാൽ പരിക്കിന്റെ പിടിയിലാണെന്ന റിപ്പോർട്ടുകൾ പുറത്തുവന്നിരുന്നു. അർജന്റീനയ്‌ക്കെതിരായ മത്സരത്തിൽ താരം ഇറങ്ങുമോയെന്നും സ്പാനിഷ് ക്യാംപിൽ നിന്നും ആശങ്കകൾ ഉയർന്നുവന്നിരുന്നു. എന്നാൽ യമാലിന്റെ പരിക്കുമായി ബന്ധപ്പെട്ട് ഏറ്റവും പുതിയ അപ്‌ഡേറ്റ് പങ്കുവച്ചിരിക്കുകയാണ് സ്പാനിഷ് പരിശീലകൻ ലൂയിസ് ഡെല ഫുവന്തെ. കഴിഞ്ഞ ദിവസം പേശീവലിവിനെ തടുർന്ന് ലമീൻ യമാൽ ടീമിനൊപ്പം പരിശീലനം നടത്താതെ വ്യക്തിഗതമായാണ് പരിശീലനം നടത്തിയതെന്ന് റിപ്പോർട്ടുകൾ പുറത്തുവന്നിരുന്നു. ഇതിന് പിന്നാലെ ഫൈനലിൽ താരം കളിക്കുമോയെന്ന ആശങ്കയും ആരാധകർ പങ്കുവച്ചിരുന്നു. യമാൽ ആദ്യ ഇലവനിൽ സ്റ്റാർട്ട് ചെയ്യാനായി ഫിറ്റ് ആണെന്നാണ് പരിശീലകൻ ലൂയിസ് ഡെല ഫുവന്തെ വ്യക്തമാക്കിയിരിക്കുന്നത്.അതേസമയം യൂറോ വമ്പന്മാരായ ഇംഗ്ലണ്ടിനെ തോൽപിച്ചാണ് അർജന്റീന തുടർച്ചയായ തങ്ങളുടെ രണ്ടാം ഫൈനലിന് യോഗ്യത നേടിയത്. വലിയ താരനിരയും സ്ഥിരതയാർന്ന പ്രകടനവുമായി തങ്ങളുടെ മൂന്നാം ലോകകിരീടം ലക്ഷ്യമിട്ടിറങ്ങിയ ത്രീ ലയൺസിനെ അവസാന നിമിഷങ്ങളിലെ വിജയഗോളിലാണ് അർജന്റീന വീട്ടിലേക്ക് അയച്ചത്. അത്യന്തം ആവേശകരമായ മത്സരത്തിൽ എൻസോ ഫെർണാണ്ടസും ലൗതാരോ മാർട്ടിനെസുമാണ് അർജന്റീനയ്ക്കായി ഗോൾ നേടിയത്. മെസിയാണ് രണ്ട് ഗോളുകൾക്കും വഴിയൊരുക്കിയത്.ടൂർണമെന്റിലെ കിരീട ഫേവറൈറ്റുകളായി കാളി തുടങ്ങിയ ഫ്രാൻസിനെ എതിരില്ലാത്ത രണ്ട് ഗോളുകൾക്ക് തോൽപിച്ചാണ് ഫ്രാൻസ് തങ്ങളുടെ രണ്ടാം ലോകകപ്പ് ഫൈനലിന് യോഗ്യത നേടിയത്. സൂപ്പർതാരം എംബാപെ അടക്കമുള്ള വമ്പൻ മുന്നേറ്റനിരയെ തകർത്താണ് സ്‌പെയിൻ തങ്ങളുടെ ഉജ്ജ്വല വിജയം സ്വന്തമാക്കിയത്. പെഡ്രോ പോറോയും മൈക്കിൾ ഒയാർസബാലും സ്പെയിനിന് വേണ്ടി ഗോളുകൾ നേടി. ജൂൺ 19 ന് അരങ്ങേറുന്ന ഫൈനലിൽ ആരാണ് വിശ്വകിരീടം ചൂടാണ് പോകുന്നതെന്നാണ് ഇനി ഫുട്ബോൾ പ്രേമികൾ ഉറ്റുനോക്കുന്നത്.