കോർപറേഷൻ യോ​ഗം വെള്ളിയാഴ്ച; കൗൺസിലർ സു​ഗതന്റെ കാര്യത്തിൽ ആകാംക്ഷ, സാധാരണ യോ​ഗം മാത്രമെന്ന് വിവി രാജേഷ്

തിരുവനന്തപുരം: തിരുവനന്തപുരം കോർപറേഷൻ യോ​ഗം ഈ മാസം 31ന് വെള്ളിയാഴ്ച ചേരും. കൗൺസിലർ ആർ സു​ഗതന്റെ കാര്യത്തിലാണ് ആകാംക്ഷ നിലനിൽക്കുന്നത്. ഈ യോഗത്തിൽ പങ്കെടുത്തില്ലെങ്കിൽ സുഗതൻ തുടര്‍ച്ചയായ മൂന്ന് യോഗത്തിൽ വിട്ടുനിൽക്കുന്ന സാഹചര്യം വരും. അയോഗ്യത ഭീഷണി മറികടക്കാനുള്ള മാര്‍ഗം തേടുകയാണ് ബിജെപി.  അതേ സമയം സാധാരണ യോ​ഗം മാത്രമെന്ന് തിരുവനന്തപുരം കോർപറേഷൻ മേയർ‌ വിവി രാജേഷ് ഏഷ്യാനെറ്റ് ന്യൂസിനോട് വ്യക്തമാക്കി. ഭരണത്തെ ഒന്നും ബാധിക്കില്ലെന്നും മേയർ കൂട്ടിച്ചേർത്തു.