നരേന്ദ്രമോദിയുടെ വീഡിയോ സമൂഹമാധ്യമങ്ങളിൽ നിന്നും നീക്കിയതിൽ ഖേദം പ്രകടിപ്പിച്ച് മെറ്റ, സക്കർബർ​ഗ് മാപ്പ് പറയണമെന്ന് ബിജെപി

പ്രധാനമന്ത്രി നരേന്ദ്രമോദിയുടെ വീഡിയോ സമൂഹമാധ്യമങ്ങളിൽ നിന്നും നീക്കം ചെയ്ത നടപടിയിൽ പാർലമെന്ററി ഐടി സമതിക്ക് മുന്നിൽ ഖേദം പ്രകടിപ്പിച്ച് മെറ്റ അധികൃതർ. വീഡിയോ നീക്കം ചെയ്തത് സാങ്കേതിക പിഴവുകൊണ്ടാണെന്ന് മെറ്റ യോ​ഗത്തിൽ വിശദീകരിച്ചു. എന്നാൽ പ്രശ്നം ഉദ്യോ​ഗസ്ഥർ മാപ്പ് പറഞ്ഞാൽ തീരില്ലെന്ന് സമിതിയിലെ ഭരണപക്ഷ അം​ഗങ്ങൾ അറിയിച്ചു. മാർക്ക് സക്കർബർ​ഗ് തന്നെ മാപ്പ് പറയണമെന്നും, കുറ്റക്കാരായ ഉദ്യോ​ഗസ്ഥർക്കെതിരെ നടപടി വേണമെന്നും ബിജെപി അം​ഗങ്ങൾ ആവശ്യപ്പെട്ടു. ഇല്ലെങ്കിൽ മെറ്റയ്ക്ക് നൽകുന്ന സേഫ് ​ഹാർബർ പരിരക്ഷ പിൻവലിക്കുമെന്നും മുന്നറിയിപ്പ് നൽകി. അതേസമയം ഇത് പാർലമെന്റിൽ ചർച്ച ചെയ്യേണ്ട വിഷയമാണെന്ന് പ്രതിപക്ഷ അം​ഗങ്ങൾ ആവശ്യപ്പെട്ടു. സിജെപി സമരത്തിൽ പങ്കെടുത്തവരുടെ അടക്കം സമൂഹമാധ്യമ അക്കൗണ്ടുകൾക്കെതിരായ നടപടിയിലും സമിതിയിലെ പ്രതിപക്ഷ അം​ഗങ്ങൾ യോ​ഗത്തിൽ ആശങ്ക അറിയിച്ചു. സർക്കാറിനെതിരായ വിമർശനങ്ങൾ എല്ലാം രാജ്യത്തിനെതിരായത് എന്ന രീതിയിൽ കൈകാര്യം ചെയ്യരുതെന്ന് അം​ഗങ്ങൾ ആവശ്യപ്പെട്ടു.