പീനട്ട് ബട്ടർ കഴിച്ചാൽ തടി കൂടുമോ കുറയുമോ?

പീനട്ട് ബട്ടർ പതിവായി കഴിച്ചാൽ ശരീരഭാരം കൂടാമെന്ന് വിദ​ഗ്ധർ പറയുന്നു. കാരണം, ഉയർന്ന അളവിൽ കലോറി അടങ്ങിയ ഇതിന്റെ രണ്ട് ടേബിൾസ്പൂൺ (32 ഗ്രാം) അളവിൽ ഏകദേശം 190 മുതൽ 200 വരെ കലോറിയും, 7 മുതൽ 8 ഗ്രാം വരെ പ്രോട്ടീനും, 16 ഗ്രാം ആരോഗ്യകരമായ കൊഴുപ്പും അടങ്ങിയിട്ടുണ്ട്. പീനട്ട് ബട്ടർ ഊർജ്ജം ധാരാളമായി അടങ്ങിയ ഒരു ഭക്ഷണമാണ്. അതായത്, വളരെ കുറഞ്ഞ അളവിൽ കഴിച്ചാൽ പോലും ഇതിൽ നിന്ന് ഉയർന്ന അളവിൽ കലോറി ലഭിക്കുന്നു.ദിവസം മുഴുവൻ ആവശ്യത്തിന് ഭക്ഷണം കഴിക്കാൻ ബുദ്ധിമുട്ടുള്ളവർക്ക് ഇത് വളരെ അനുയോജ്യമാണ്. ഭക്ഷണത്തിന്റെ അളവ് കാര്യമായി വർദ്ധിപ്പിക്കാതെ തന്നെ കലോറി ഉപഭോഗം കൂട്ടാൻ പീനട്ട് ബട്ടർ സഹായിക്കുന്നു. വിശപ്പ് കുറവുള്ളവർക്ക് ഇത് പ്രത്യേകിച്ച് പ്രയോജനകരമാണ്.പീനട്ട് ബട്ടറിന്റെ ഏറ്റവും വലിയ ഗുണങ്ങളിലൊന്ന് അതിലെ കൊഴുപ്പിന്റെ അംശമാണ്. നിലക്കടലയിൽ പ്രധാനമായും മോണോഅൺസാച്ചുറേറ്റഡ്, പോളിഅൺസാച്ചുറേറ്റഡ് ഫാറ്റി ആസിഡുകൾ ഉൾപ്പെടെയുള്ള അൺസാച്ചുറേറ്റഡ് കൊഴുപ്പുകളാണ് അടങ്ങിയിരിക്കുന്നത്. പ്രോട്ടീനെയോ കാർബോഹൈഡ്രേറ്റിനെയോ അപേക്ഷിച്ച് ഗ്രാമിന് കൂടുതൽ കലോറി നൽകുന്നത് കൊഴുപ്പായതിനാൽ, മിതമായ അളവിൽ പീനട്ട് ബട്ടർ കഴിക്കുന്നത് കലോറി ഉപഭോഗം വർദ്ധിപ്പിക്കാൻ സഹായിക്കും. ഇതിൽ പ്രോട്ടീനും അടങ്ങിയിട്ടുണ്ട്.വിറ്റാമിൻ ഇ, മഗ്നീഷ്യം, ഫോസ്ഫറസ്, പൊട്ടാസ്യം, ബി വിറ്റാമിനുകൾ (നിയാസിൻ, ബി6 തുടങ്ങിയവ) എന്നിങ്ങനെയുള്ള സുപ്രധാന പോഷകങ്ങൾ അടങ്ങിയിരിക്കുന്നു. പീനട്ട് ബട്ടർ പേശീവളർച്ചയ്ക്ക് സഹായിക്കുന്നു. ഇതിൽ ഉയർന്ന അളവിൽ കലോറിയും (രണ്ട് ടേബിൾസ്പൂണിൽ ഏകദേശം 190–200 കലോറി) 7–8 ഗ്രാമോളം പ്രോട്ടീനും അടങ്ങിയിട്ടുള്ളതിനാൽ, ശരീരവണ്ണം വർദ്ധിപ്പിക്കുന്നതിനായി ആവശ്യമായ അധിക കലോറി എളുപ്പത്തിൽ ലഭ്യമാക്കാൻ ഇത് സഹായിക്കുന്നു.