ഹിമാലയൻ അതിർത്തിയിൽ സൈന്യത്തിന്‍റെ നിർണായക നീക്കം; ഏത് സാഹചര്യവും നേരിടാൻ സജ്ജരാകണമെന്ന് ലെഫ്റ്റനന്‍റ് ജനറൽ സഞ്ജയ് മിത്ര
ഉയർന്ന ഹിമാലയൻ മേഖലയിൽ സൈനിക സജ്ജീകരണങ്ങളും പ്രവർത്തനശേഷിയും കൂടുതൽ ശക്തമാക്കണമെന്ന് കരസേനയുടെ സെൻട്രൽ കമാൻഡ് മേധാവി ലെഫ്റ്റനന്‍റ് ജനറൽ സഞ്ജയ് മിത്ര. ഉത്തരാഖണ്ഡിലെ ഗർവാൾ മേഖലയിലെ അതിർത്തിയോട് ചേർന്ന മുൻനിര സൈനിക പോസ്റ്റുകൾ സന്ദർശിച്ച് പ്രവർത്തനസജ്ജതയും യുദ്ധസന്നദ്ധതയും വിലയിരുത്തുന്നതിനിടെയാണ് അ
ഉയർന്ന ഹിമാലയൻ മേഖലയിൽ സൈനിക സജ്ജീകരണങ്ങളും പ്രവർത്തനശേഷിയും കൂടുതൽ ശക്തമാക്കണമെന്ന് കരസേനയുടെ സെൻട്രൽ കമാൻഡ് മേധാവി ലെഫ്റ്റനന്‍റ് ജനറൽ സഞ്ജയ് മിത്ര. ഉത്തരാഖണ്ഡിലെ ഗർവാൾ മേഖലയിലെ അതിർത്തിയോട് ചേർന്ന മുൻനിര സൈനിക പോസ്റ്റുകൾ സന്ദർശിച്ച് പ്രവർത്തനസജ്ജതയും യുദ്ധസന്നദ്ധതയും വിലയിരുത്തുന്നതിനിടെയാണ് അദ്ദേഹം സൈനികർക്ക് നിർദേശം നൽകിയത്.നിരന്തര ജാഗ്രത പുലർത്തണംഅതിർത്തിയിൽ വിന്യസിച്ചിരിക്കുന്ന സൈനികരുമായി അദ്ദേഹം സംവദിക്കുകയും അവരുടെ അർപ്പണബോധത്തെയും പ്രതിബദ്ധതയെയും അഭിനന്ദിക്കുകയും ചെയ്തു. എല്ലാ സാഹചര്യങ്ങളെയും നേരിടാൻ സജ്ജരായിരിക്കണമെന്നും നിരന്തര ജാഗ്രത പുലർത്തണമെന്നും പ്രവർത്തനശേഷി മെച്ചപ്പെടുത്തണമെന്നും അദ്ദേഹം ആവശ്യപ്പെട്ടു. ഉയർന്ന പർവതപ്രദേശങ്ങളിലെ വെല്ലുവിളികൾ കണക്കിലെടുത്ത് സൈനികർ എപ്പോഴും ദൗത്യനിർവഹണത്തിന് തയ്യാറായിരിക്കേണ്ടതിന്‍റെ പ്രാധാന്യവും അദ്ദേഹം ചൂണ്ടിക്കാട്ടി. സെൻട്രൽ കമാൻഡ് സമൂഹ മാധ്യമങ്ങളിലൂടെ പങ്കുവെച്ച വിവരങ്ങളിലാണ് സന്ദർശനത്തിന്‍റെ വിശദാംശങ്ങൾ വ്യക്തമാക്കിയത്. ഉയർന്ന തലത്തിലുള്ള സൈനിക സജ്ജത നിലനിർത്തുക, തന്ത്രപരമായ സാഹചര്യങ്ങളോട് വേഗത്തിൽ പ്രതികരിക്കുക, വിവിധ മേഖലകളിലെ സൈനിക ശേഷികൾ ഏകോപിപ്പിക്കുക എന്നിവയ്ക്കാണ് കമാൻഡ് പ്രാധാന്യം നൽകുന്നത്.", , ."Lt Gen Sanjay Mitra, GOC-in-C #CentralCommand, visited forward areas in the #GarhwalSector to review operational preparedness and combat readiness in the high-altitude Himalayan terrain.During his interaction with troops deployed at the frontiers, the #ArmyCommander commended their steadfast commitment and exhorted them to maintain relentless vigilance, sharpen operational capabilities and remain mission-ready for every contingency.#IndianArmy #SuryaCommand #UttarBharat #Garhwal #OperationalReadiness #CombatReady #NationFirst #IbexRadioTarana #RadioIbexTarana@adgpi@ProDefLko@PROdefprayagraj@PIB_India@HQ_IDS_India@PRODefDehradun@UBArea_IA— SuryaCommand_IA (@suryacommand) October 17, 2026ചുമതലയേറ്റത് ഒക്ടോബർ ഒന്നിന്ഒക്ടോബർ ഒന്നിനാണ് ലെഫ്റ്റനന്‍റ് ജനറൽ സഞ്ജയ് മിത്ര സെൻട്രൽ കമാൻഡിന്‍റെ ജനറൽ ഓഫീസർ കമാൻഡിങ്-ഇൻ-ചീഫ് ആയി ചുമതലയേറ്റത്. 1989 ജൂൺ 10 -ന് ഇന്ത്യൻ മിലിട്ടറി അക്കാദമിയിൽനിന്ന് പരിശീലനം പൂർത്തിയാക്കി ഗ്രനേഡിയേഴ്സ് റെജിമെന്‍റിൽ കമ്മീഷൻ നേടിയ അദ്ദേഹം മൂന്ന് പതിറ്റാണ്ടിലേറെയായി സൈനികസേവനത്തിലുണ്ട്. രജ്പുത് റെജിമെന്‍റൽ സെന്‍ററിലെ അഗ്നിവീർമാർക്കായി വിഭാഗതല യുദ്ധപരിശീലനവും ബങ്കർ ആക്രമണ പരിശീലനവും നടത്തിയതായി സെൻട്രൽ കമാൻഡ് അറിയിച്ചു. ഷത്രുജീത് ബ്രിഗേഡിന്‍റെ വ്യോമപ്രതിരോധ പരിശീലനത്തിൽ ആധുനിക നിരീക്ഷണ സംവിധാനങ്ങളും കമാൻഡ്-കൺട്രോൾ സാങ്കേതികവിദ്യകളും ഏകോപിപ്പിച്ചതായും അറിയിപ്പിൽ പറയുന്നു.