ബിജുവിന്റെ തലയ്ക്ക് പിന്നിൽ വെട്ടേറ്റ പാട്, മൃതദേഹം കണ്ടത് വയലിൽ, കടക്കാവൂരിൽ കൊലക്കേസ് പ്രതി ദുരൂഹസാഹചര്യത്തിൽ മരിച്ച നിലയിൽ

തിരുവനന്തപുരം: തിരുവനന്തപുരം കടയ്ക്കാവൂരിൽ കൊലക്കേസ് പ്രതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കടയ്ക്കാവൂർ സ്വദേശി കടകംപള്ളി ബിജുവാണ് മരിച്ചത്. മരണം കൊലപാതകം എന്നാണ് പോലീസിന്റെ പ്രാഥമിക നിഗമനം. ബിജുവിന്റെ തലയ്ക്ക് പിന്നിൽ മുറിവേറ്റ പാടുണ്ടെന്ന് പോലീസ് പറഞ്ഞു. ഇന്നലെ ബിജുവിനൊപ്പം ഉണ്ടായിരുന്ന രണ്ട് സുഹൃത്തുക്കൾക്കായി പോലീസ് അന്വേഷണം തുടങ്ങി. സുഹൃത്തുക്കളിൽ ഒരാളുടെ അച്ഛനെ കൊലപ്പെടുത്തിയ കേസിൽ പ്രതിയാണ് ബിജു. ഇതിന്റെ വൈരാഗ്യം ആയിരിക്കാം ബിജുവിന്റെ മരണത്തിന് പിന്നിലെന്നാണ് പോലീസിന്റെ നിഗമനം.