ഐടി മേഖലയില്‍ കൂട്ടപ്പിരിച്ചുവിടലോ? പുതിയ നിയമനങ്ങളേക്കാള്‍ കൂടുതല്‍ പേര്‍ പുറത്ത്; 6 കമ്പനികളില്‍ നിന്ന് പുറത്തുപോയത് 92,000 ജീവനക്കാര്‍

ഇന്ത്യയിലെ പ്രമുഖ ഐടി കമ്പനികളില്‍ പുതിയ നിയമനങ്ങളേക്കാള്‍ കൂടുതല്‍ ജീവനക്കാര്‍ ജോലി വിട്ടുപോകുന്ന പ്രവണത തുടരുന്നു. ടാറ്റ കണ്‍സല്‍റ്റന്‍സി സര്‍വീസസ്, ഇന്‍ഫോസിസ്, എച്ച്‌സിഎല്‍ടെക്, വിപ്രോ, ടെക് മഹീന്ദ്ര, മൈന്‍ഡ്ട്രീ എന്നീ ആറ് കമ്പനികളിലായി കഴിഞ്ഞ ഒരു വര്‍ഷത്തിനിടെ 92,000 ജീവനക്കാര്‍ ജോലി വിട്ടു. കഴിഞ്ഞ ആറു മാസങ്ങളില്‍ അഞ്ചു മാസവും ഐടി, എന്‍ജിനീയറിങ് വിഭാഗങ്ങളില്‍ ജോലി വിട്ടവരുടെ എണ്ണം പുതിയതായി നിയമിക്കപ്പെട്ടവരേക്കാള്‍ കൂടുതലായിരുന്നു. ഇതോടെ, കഴിഞ്ഞ 12 മാസത്തിനിടെ ഈ കമ്പനികളിലെ ആകെ നിയമനങ്ങള്‍ 24,422 എണ്ണം കുറഞ്ഞ് 68,000 ആയി. 2025 ഒക്ടോബറില്‍ ഈ ആറ് കമ്പനികളിലായി ആകെ 8,22,144 ജീവനക്കാരുണ്ടായിരുന്നു. 2026 ഒക്ടോബറായപ്പോഴേക്കും ഇത് 7,97,722 ആയി കുറഞ്ഞു. ഏകദേശം മൂന്നു ശതമാനത്തിന്റെ കുറവാണിത്.പതിവ് ജോലികള്‍ക്ക് എഐ സഹായംജീവനക്കാരുടെ എണ്ണം ക്രമീകരിക്കുന്ന നടപടികളും മാറിവരുന്ന സാങ്കേതിക ആവശ്യങ്ങളും കാരണമാണ് ജീവനക്കാരുടെ എണ്ണം കുറയുന്നത്. പരമ്പരാഗത ഐടി ജോലികളില്‍ ആവശ്യകത കുറയുമ്പോഴും പ്രത്യേക സാങ്കേതിക വൈദഗ്ധ്യം ആവശ്യമായ മേഖലകളില്‍ അവസരങ്ങള്‍ വര്‍ധിക്കുന്നുണ്ട്. എഐ, ക്ലൗഡ് കംപ്യൂട്ടിങ്, സൈബര്‍ സുരക്ഷ, പ്രത്യേക എന്‍ജിനീയറിങ് ജോലികള്‍ എന്നിവയില്‍ പ്രതിവര്‍ഷം ഏകദേശം 16 ശതമാനം വളര്‍ച്ചയുണ്ട്.എഐയുടെ ഉപയോഗം വര്‍ധിക്കുന്നതും ജീവനക്കാരുടെ എണ്ണത്തിലുണ്ടാകുന്ന കുറവിന് കാരണമാണ്.എഐ അധിഷ്ഠിത ജോലികള്‍ക്കായി നിലവിലുള്ള ജീവനക്കാര്‍ക്ക് പരിശീലനം നല്‍കുന്നതിനൊപ്പം, പ്രവര്‍ത്തനങ്ങളില്‍ എഐ വ്യാപകമായി ഉപയോഗിക്കുന്നതും ജീവനക്കാരുടെ ആകെ എണ്ണത്തില്‍ കുറവുണ്ടാക്കുന്നുണ്ടാകാം. എഐ കൊണ്ടുവരുന്ന മാറ്റങ്ങളാണ് ജീവനക്കാരുടെ എണ്ണത്തിലെ കുറവിന് പ്രധാന കാരണമെന്ന് വിലയിരുത്താനാകില്ലെന്ന് വിദഗ്ധര്‍ പറയുന്നു.മൂന്നു കമ്പനികളില്‍ നിയമനം വര്‍ധിച്ചു2026 സെപ്റ്റംബര്‍ പാദത്തില്‍ ടിസിഎസ് 4,258 ജീവനക്കാരെ പുതുതായി നിയമിച്ചു. ഇതേ കാലയളവില്‍ എച്ച്‌സിഎല്‍ടെക് 6,450 ജീവനക്കാരെ കൂട്ടിച്ചേര്‍ത്തപ്പോള്‍ ടെക് മഹീന്ദ്രയുടെ ജീവനക്കാരുടെ എണ്ണം 5,446 വര്‍ധിച്ചു.അതേസമയം, വിപ്രോയുടെ ജീവനക്കാരുടെ എണ്ണത്തില്‍ 6,716 പേരുടെ കുറവാണ് ഉണ്ടായിരിക്കുന്നത്.