അക്കൗണ്ടിൽ നിന്ന് പൈസ പോയി, ട്രാൻസാക്ഷൻ നടന്നതുമില്ല; പരാജയപ്പെട്ട യുപിഐ ഇടപാടുകളിൽ റീഫണ്ട് വൈകിയാൽ എന്ത് ചെയ്യണം?

ബാങ്ക് അക്കൗണ്ടിൽ നിന്ന് പണം പോയിട്ടും ലക്ഷ്യസ്ഥാനത്ത് എത്താതെയോ വ്യാപാരിക്ക് ലഭിക്കാതെയോ യുപിഐ (UPI) ഇടപാടുകൾ പരാജയപ്പെടുന്നത് പലരെയും ബുദ്ധിമുട്ടിലാക്കാറുണ്ട്. സാധാരണയായി ഇത്തരം തുക അക്കൗണ്ടിലേക്ക് സ്വയം തിരിച്ചെത്താറുണ്ടെങ്കിലും, ഇവ റീഫണ്ട് ചെയ്യുന്നതിന് റിസർവ് ബാങ്ക് ഓഫ് ഇന്ത്യ (RBI) കൃത്യമായ സമയപരിധി നിശ്ചയിച്ചിട്ടുണ്ട്. ബാങ്കുകൾ ഈ സമയപരിധിക്കുള്ളിൽ പണം തിരിച്ചടച്ചില്ലെങ്കിൽ, വൈകുന്ന ഓരോ ദിവസത്തിനും 100 രൂപ വീതം നഷ്ടപരിഹാരം ലഭിക്കാൻ ഉപഭോക്താവിന് അവകാശമുണ്ട്. ഇടപാടിന്റെ സ്വഭാവമനുസരിച്ച് റീഫണ്ട് ലഭിക്കേണ്ട സമയപരിധി വ്യത്യാസപ്പെടും.ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുകവ്യക്തികൾ തമ്മിലുള്ള ഇടപാടുകൾ (P2P): പണം അയക്കുന്നയാളുടെ അക്കൗണ്ടിൽ നിന്ന് പണം പിടിക്കുകയും എന്നാൽ ലഭിക്കേണ്ടയാളുടെ അക്കൗണ്ടിൽ എത്തുകയും ചെയ്തില്ലെങ്കിൽ T+1 ദിവസത്തിനകം (ഇടപാട് നടന്ന ദിവസം + 1 ദിവസം) തുക തിരികെ അക്കൗണ്ടിൽ എത്തണം.വ്യാപാരികൾക്കുള്ള പണമടയ്ക്കൽ (P2M): വ്യാപാരിക്ക് പണം നൽകുമ്പോൾ അക്കൗണ്ടിൽ നിന്ന് തുക കുറയുകയും എന്നാൽ വ്യാപാരിക്ക് അതിൻ്റെ സ്ഥിരീകരണം ലഭിക്കാതിരിക്കുകയും ചെയ്താൽ T+5 ദിവസമാണ് റീഫണ്ട് സമയപരിധി. ഉപഭോക്താവിന്റെ ഭാഗത്തുനിന്നല്ലാത്ത വീഴ്ചകൾ മൂലമാണ് നിർദ്ദിഷ്ട സമയപരിധിക്കുള്ളിൽ പണം തിരിച്ചുകിട്ടാത്തതെങ്കിൽ മാത്രമാണ് ഈ നഷ്ടപരിഹാരം ലഭിക്കുക.പരാജയപ്പെട്ട യുപിഐ ഇടപാടുകളിൽ പണം തിരികെ ലഭിക്കാൻ ചെയ്യേണ്ട കാര്യങ്ങൾ:ഇടപാടിന്റെ നില പരിശോധിക്കുക: ഗൂഗിൾ പേ, ഫോൺപേ, പേടിഎം, ഭീം തുടങ്ങിയ ആപ്പുകളിലെ 'Transaction History' പരിശോധിക്കുക. പണം വിജയകരമാണോ, പെൻഡിംഗ് ആണോ അതോ പരാജയപ്പെട്ടതാണോ എന്ന് ഉറപ്പുവരുത്തുക. ആശയക്കുഴപ്പമുള്ള സാഹചര്യങ്ങളിൽ ഉടൻ തന്നെ വീണ്ടും പണമടയ്ക്കരുത്.വിവരങ്ങൾ സൂക്ഷിക്കുക: ഇടപാടിന്റെ റെഫറൻസ് നമ്പർ (UPI Transaction ID), തീയതി, സമയം, തുക എന്നിവ സൂക്ഷിക്കുക. ആപ്പിലെ സ്റ്റാറ്റസിന്റെയും ബാങ്ക് മെസ്സേജിന്റെയും സ്ക്രീൻഷോട്ടുകൾ എടുക്കുന്നത് പരാതി നൽകാൻ സഹായിക്കും.ആപ്പ് വഴി പരാതി നൽകുക: ആപ്പിലെ പരാജയപ്പെട്ട ഇടപാടിൽ ക്ലിക്ക് ചെയ്ത് 'Help' അല്ലെങ്കിൽ 'Support' ഓപ്ഷൻ തിരഞ്ഞെടുക്കുക. 'Money debited but not credited' എന്ന കാരണം നൽകി പരാതി രജിസ്റ്റർ ചെയ്യുകയും റഫറൻസ് നമ്പർ സൂക്ഷിക്കുകയും ചെയ്യുക.ബാങ്കുമായി ബന്ധപ്പെടുക: പ്രശ്നം പരിഹരിക്കപ്പെട്ടില്ലെങ്കിൽ പണം പിടിച്ച ബാങ്കുമായി ബന്ധപ്പെട്ട് ഇടപാട് വിവരങ്ങളും പരാതി നമ്പറും നൽകുക. ബാങ്ക് സ്റ്റേറ്റ്‌മെന്റ് പരിശോധിച്ച് തുക തിരികെ ലഭിച്ചിട്ടുണ്ടോ എന്ന് ഉറപ്പുവരുത്തുക.വൈകുന്ന റീഫണ്ടുകൾക്ക് നഷ്ടപരിഹാരം ആവശ്യപ്പെടുക: നിർദ്ദിഷ്ട ആർബിഐ സമയപരിധി ബാങ്ക് തെറ്റിച്ചാൽ, വൈകുന്ന ഓരോ ദിവസത്തിനും 100 രൂപ വീതം നഷ്ടപരിഹാരത്തിന് അർഹതയുണ്ട്. ആർബിഐ ചട്ടപ്രകാരം ഇത് സ്വയമേവ അക്കൗണ്ടിൽ എത്തേതാണ്. ലഭിച്ചില്ലെങ്കിൽ ബാങ്കിന്റെ ഗ്രീവൻസ് റെഡ്രസൽ ടീമിനെ ബന്ധപ്പെടാം.ആർബിഐക്ക് പരാതി നൽകാം: ബാങ്കിന്റെ ഭാഗത്തുനിന്ന് തൃപ്തികരമായ പരിഹാരം ഉണ്ടായില്ലെങ്കിൽ, ഇടപാട് രേഖകളും പഴയ പരാതികളുടെ പകർപ്പുകളും സഹിതം https://cms.rbi.org.in എന്ന വെബ്‌സൈറ്റ് വഴി ആർബിഐയുടെ കംപ്ലയിന്റ് മാനേജ്‌മെന്റ് സിസ്റ്റത്തിൽ പരാതിപ്പെടാവുന്നതാണ്.