ഞെട്ടിക്കുന്ന മാറ്റങ്ങളുമായി പുതിയ ആപ്പിൾ ഐപാഡ് മിനി ഇന്ത്യയിൽ

പുതിയ ഐപാഡ് മിനി ഇന്ത്യയിൽ അവതരിപ്പിച്ച് ആപ്പിൾ. ഒഎൽഇഡി ഡിസ്പ്ലേ, കരുത്തേറിയ പ്രോസസർ, വെള്ളത്തെയും പൊടിയെയും പ്രതിരോധിക്കാനുള്ള ശേഷി തുടങ്ങി നിരവധി അപ്‌ഗ്രേഡുകളുമായാണ് പുതിയ ടാബ്‌ലെറ്റ് എത്തിയിരിക്കുന്നത്. ചെറിയ വലിപ്പത്തിലുള്ള രൂപകൽപ്പന നിലനിർത്തിക്കൊണ്ട് ഡിസ്പ്ലേ, പ്രകടനം, ക്യാമറ, വയർലെസ് കണക്റ്റിവിറ്റി എന്നിവയിൽ കാര്യമായ മാറ്റങ്ങളാണ് ആപ്പിൾ കൊണ്ടുവന്നിരിക്കുന്നത്. പുതിയ ഐപാഡ് മിനിയുടെ 128 ജിബി മോഡലിന് 82,900 രൂപയാണ് ഇന്ത്യയിലെ വില. 256 ജിബി പതിപ്പിന് 94,900 രൂപയും ഉയർന്ന മോഡലായ 512 ജിബി പതിപ്പിന് 1,18,900 രൂപയുമാണ് വില. ഒക്ടോബർ 28ന് രാത്രി 10.40 മുതൽ ഇന്ത്യയിൽ പ്രീ-ഓർഡറുകൾ ആരംഭിക്കും. നവംബർ 6 മുതൽ വിൽപ്പനയും തുടങ്ങും. മിഡ്‌നൈറ്റ്, സ്റ്റാർലൈറ്റ് നിറങ്ങളിൽ ടാബ്‌ലെറ്റ് ലഭ്യമാകും.8.5 ഇഞ്ച് ഒഎൽഇഡി ഡിസ്പ്ലേ; എ20 പ്രോ ചിപ്പ്പുതിയ ഐപാഡ് മിനിയിലെ പ്രധാന മാറ്റങ്ങളിലൊന്ന് 8.5 ഇഞ്ച് സൂപ്പർ റെറ്റിന എക്സ്ഡിആർ ഒഎൽഇഡി ഡിസ്പ്ലേയാണ്. സ്ക്രീൻ വലിപ്പം വർധിപ്പിച്ചെങ്കിലും ടാബ്‌ലെറ്റിന്റെ മൊത്തത്തിലുള്ള വലിപ്പം കാര്യമായി കൂട്ടിയിട്ടില്ല. ബെസലുകളുടെ കനം 24 ശതമാനം കുറച്ചാണ് വലിയ ഡിസ്പ്ലേ ഉൾപ്പെടുത്തിയിരിക്കുന്നത്. കൂടുതൽ ആഴമുള്ള കറുപ്പ് നിറങ്ങൾ, മികച്ച വർണവ്യക്തത, 20,00,000:1 കോൺട്രാസ്റ്റ് അനുപാതം എന്നിവയാണ് പുതിയ ഡിസ്പ്ലേയുടെ സവിശേഷതകൾ. പരമാവധി 1,200 നിറ്റ്‌സ് ബ്രൈറ്റ്നസും ലഭിക്കും. മുൻതലമുറയെ അപേക്ഷിച്ച് ഇരട്ടിയിലധികം തെളിച്ചം ലഭിക്കുമെന്ന് ആപ്പിൾ അവകാശപ്പെടുന്നു. വെളിച്ചം പ്രതിഫലിക്കുന്നത് കുറയ്ക്കാൻ സഹായിക്കുന്ന നാനോ-ടെക്സ്ചർ ഡിസ്പ്ലേ ഓപ്ഷനും ലഭ്യമാണ്.2 നാനോമീറ്റർ സാങ്കേതികവിദ്യയിൽ നിർമിച്ച എ20 പ്രോ ചിപ്പാണ് പുതിയ ഐപാഡ് മിനിയുടെ കരുത്ത്. മുൻതലമുറയെ അപേക്ഷിച്ച് മൾട്ടിത്രെഡഡ് സിപിയു പ്രകടനത്തിൽ 60 ശതമാനം വരെ വർധനയും ഗ്രാഫിക്സ് പ്രകടനത്തിൽ 2.7 മടങ്ങ് മെച്ചവും എഐ പ്രവർത്തനങ്ങളിൽ 4.5 മടങ്ങ് വേഗവും ലഭിക്കുമെന്ന് കമ്പനി അവകാശപ്പെടുന്നു. 5.4 മില്ലിമീറ്റർ മാത്രം കനമുള്ള ടാബ്‌ലെറ്റിന് ഐപി67 റേറ്റിങ്ങുമുണ്ട്. വെള്ളം, പൊടി എന്നിവയിൽനിന്നുള്ള സംരക്ഷണം യാത്രകളിലും പുറത്തുള്ള ഉപയോഗത്തിലും കൂടുതൽ സൗകര്യമൊരുക്കും.ക്യാമറയിലും കണക്റ്റിവിറ്റിയിലും മാറ്റങ്ങൾ12 മെഗാപിക്സൽ സെന്റർ സ്റ്റേജ് ഫ്രണ്ട് ക്യാമറയാണ് മറ്റൊരു പ്രധാന സവിശേഷത. ടാബ്‌ലെറ്റ് തിരശ്ചീനമായി പിടിക്കുമ്പോൾ വീഡിയോ കോളുകൾക്കും ഓൺലൈൻ മീറ്റിങ്ങുകൾക്കും കൂടുതൽ സൗകര്യം ലഭിക്കുന്ന രീതിയിൽ ക്യാമറയുടെ സ്ഥാനം മാറ്റിയിട്ടുണ്ട്. പിന്നിലെ 12 മെഗാപിക്സൽ ക്യാമറയിൽ സെക്കൻഡിൽ 60 ഫ്രെയിമുകൾ വരെ 4കെ വീഡിയോ റെക്കോർഡ് ചെയ്യാം. അഡാപ്റ്റീവ് ട്രൂ ടോൺ ഫ്ലാഷും ഉൾപ്പെടുത്തിയിട്ടുണ്ട്. ആപ്പിളിന്റെ അക്കൗസ്റ്റിക് ഡിസ്പ്ലേ സംവിധാനത്തിലൂടെ ശബ്ദത്തിന്റെ വ്യക്തതയും ബാസും മെച്ചപ്പെടുത്തിയിട്ടുണ്ട്. വൈ-ഫൈ 7, ബ്ലൂടൂത്ത് 6, ത്രെഡ് എന്നിവയ്ക്കുള്ള പിന്തുണയും ലഭിക്കും. സെല്ലുലാർ മോഡലുകളിൽ സി2 മോഡമാണ് ഉപയോഗിക്കുന്നത്. മുൻതലമുറയെ അപേക്ഷിച്ച് 50 ശതമാനം വരെ വേഗമേറിയ മൊബൈൽ ഡാറ്റ ലഭിക്കുമെന്ന് ആപ്പിൾ പറയുന്നു.എഐ ഫീച്ചറുകളും ആപ്പിൾ പെൻസിൽ പിന്തുണയുംഐപാഡ്ഒഎസ് 27ൽ പ്രവർത്തിക്കുന്ന പുതിയ ഐപാഡ് മിനിയിൽ ആപ്പിൾ ഇന്റലിജൻസ്, സിരി എഐ ഫീച്ചറുകളും ലഭിക്കും. വ്യക്തിഗത വിവരങ്ങളുടെ പശ്ചാത്തലത്തിൽ ആവശ്യമായ കാര്യങ്ങൾ കണ്ടെത്താനും സ്ക്രീനിലുള്ള ഉള്ളടക്കം മനസ്സിലാക്കാനും ചോദ്യങ്ങൾക്ക് മറുപടി നൽകാനും സഹായിക്കുന്ന സംവിധാനങ്ങളാണ് ഇതിൽ ഉൾപ്പെടുന്നത്. ഉപയോക്താക്കളുടെ സ്വകാര്യത സംരക്ഷിക്കാൻ ഉപകരണത്തിനുള്ളിലെ പ്രോസസിങ്ങും പ്രൈവറ്റ് ക്ലൗഡ് കംപ്യൂട്ട് സംവിധാനവും ഉപയോഗിക്കുന്നതായി ആപ്പിൾ വ്യക്തമാക്കുന്നു. ആപ്പിൾ പെൻസിൽ പ്രോ, യുഎസ്ബി-സി കണക്റ്ററുള്ള ആപ്പിൾ പെൻസിൽ എന്നിവയും പുതിയ ടാബ്‌ലെറ്റിൽ ഉപയോഗിക്കാം. സ്മാർട്ട് ഫോളിയോ കവറും പ്രത്യേകം വാങ്ങാൻ ലഭിക്കും.