ഇറാൻ കഴിഞ്ഞാൽ ഇസ്രയേലിന്റെ അടുത്ത ലക്ഷ്യം തുർക്കിയും സൗദിയുമെന്ന് ഇറാൻ ദേശീയ സുരക്ഷാ മേധാവി; '7 ഉപാധികൾ അംഗീകരിച്ചാൽ മാത്രം അമേരിക്കയുമായി ചർച്ച'

ടെഹ്റാൻ: ഇറാൻ കഴിഞ്ഞാൽ ഇസ്രയേലിന്‍റെ അടുത്ത ലക്ഷ്യം തുർക്കിയും സൗദിയുമായിരിക്കുമെന്ന മുന്നറിയിപ്പ് നൽകി ഇറാൻ. തങ്ങളുടെ ഏഴ് ഉപാധികൾ അംഗീകരിച്ചാൽ മാത്രം അമേരിക്കയുമായുള്ള ചർച്ച മുന്നോട്ടു പോകുമെന്നും ഇറാന്റെ പരമോന്ന ദേശീയ സുരക്ഷാ കൗൺസിൽ മേധാവി പറഞ്ഞു. ആക്രമണം ഉണ്ടായാൽ തിരിച്ചടി നൽകേണ്ട കേന്ദ്രങ്ങളുടെ പട്ടികയും പുറത്ത് വിട്ടു. റഷ്യയിൽ നിന്ന് പുതിയ സുഖോയ് യുദ്ധ വിമാനങ്ങൾ വാങ്ങാൻ ഇറാൻ നീക്കം തുടങ്ങിയെന്നും റിപ്പോർട്ടുകളുണ്ട്. പാർലമെന്‍റ് സ്പീക്കർ എം ബി ഗാലിബാഫിന്റെ സ്ഥാനത്ത് ഇറാന്റെ ചർച്ചകളിലെ നിലപാടുകളിലും പൊതു പ്രസ്താവനകളിലും ഇപ്പോൾ മുഖ്യ റോളിലുള്ളത് കടുത്ത നിലപാടുകാരനായ ഇറാൻ പരമോന്നത ദേശീയ സുരക്ഷാ കൗൺസിൽ മേധാവി മുഹസിൻ റിസായിയാണ്. അമേരിക്കൻ ഭീഷണികളെ നേരിടാനുറച്ചുള്ള നീക്കങ്ങളാണ് ടെഹ്റാനിൽ നടക്കുന്നതെന്നാണ് വ്യക്തമാകുന്നത്.വിശദവിവരങ്ങൾസൗദിയും മക്കാ കരാറിന്റെ ഭാഗമായ തുർക്കിയും പാക്കിസ്ഥാനുമായുള്ള ചർച്ചയുടെ വിവരങ്ങൾ ദേശീയ ടെലിവിഷൻ അഭിമുഖത്തിലൂടെ പരസ്യമാക്കിയിരിക്കുകയാണ് മുഹസിൻ റിസായി. ഇറാൻ കഴിഞ്ഞാൽ, അടുത്തത് തുർക്കിയും സൗദിയുമായിരിക്കുമെന്ന് മുന്നറിയിപ്പ് നൽകിയെന്നും ഇത് രാഷ്ട്രങ്ങൾ സമ്മതിച്ചെന്നും മുഹസിൻ റിസായി പറഞ്ഞു. അമേരിക്കയുമായുള്ള ചർച്ചയുടെ കാര്യത്തിൽ ഇറാന്റെ ഏഴ് ഉപാധികൾ അംഗീകരിച്ചാൽ മാത്രം ചർച്ച മുന്നോട്ട് പോകുമെന്ന നിലപാടിലാണ്. ആക്രമണം ഉണ്ടായാൽ തിരിച്ചടി നൽകേണ്ട കേന്ദ്രങ്ങളുടെ ലിസ്റ്റ് തയാറാക്കി ഇറാൻ പുറത്തു വിട്ടു. മേഖലയിലെ പ്രധാന കേന്ദ്രങ്ങളാണ് ലിസ്റ്റിലുള്ളത്. ഹോർമൂസിൽ ഇറാന്റെ മേൽക്കൈ നഷ്ടപ്പെടുത്തുന്ന ഉപാധികൾ തിരുത്തിയെന്ന് അദ്ദേഹം അവകാശപ്പെട്ടു. അതിനിടെ ഇറാൻ റഷ്യയുടെ സുഖോയ് 35 യുദ്ധ വിമാനങ്ങൾ വാങ്ങാൻ ഒരുങ്ങുന്നുവെന്നാണ് പുതിയ റിപ്പോർട്ടുകൾ. നിലവിലുള്ള യുദ്ധത്തിന് ശേഷമാകും കൈമാറ്റം. അതിനിടെ യെമനിൽ യു എൻ മനുഷ്യാവകാശ ദൗത്യ സംഘ അംഗം മുഹമ്മദ് അൽ ഷാമി ഹൂത്തികളുടെ കസ്റ്റഡിയിൽ മരിച്ചതായി യു എൻ സ്ഥിരീകരിച്ചു.ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക