മുടികൊഴിച്ചിൽ കുറയ്ക്കാൻ സഹായിച്ചേക്കാവുന്ന 7 ഭക്ഷണങ്ങൾ

മുടിയിഴകളുടെ വേരുകൾക്ക് ശരിയായി പ്രവർത്തിക്കാൻ പ്രോട്ടീൻ, ഇരുമ്പ് (iron), വിറ്റാമിനുകൾ, ആരോഗ്യകരമായ കൊഴുപ്പുകൾ എന്നിവ അടങ്ങിയ ഭക്ഷണക്രമം ശീലമാക്കുക. നിങ്ങളുടെ ദൈനംദിന ഭക്ഷണക്രമത്തിലൂടെ ഈ പോഷകങ്ങൾ കൃത്യമായി ലഭിക്കുമ്പോൾ, മുടിക്ക് ആവശ്യമായതെല്ലാം ലഭിക്കുന്നു. എന്നാൽ ഇവ ലഭിക്കാതെ വരുമ്പോൾ, മുടി കനം കുറയുക, പൊട്ടിപ്പോവുക, അല്ലെങ്കിൽ വളർച്ച മന്ദഗതിയിലാവുക തുടങ്ങിയ പ്രശ്നങ്ങൾ കണ്ടുതുടങ്ങാം. മുടികൊഴിച്ചിൽ കുറയ്ക്കാൻ സഹായിച്ചേക്കാവുന്ന ഭക്ഷണങ്ങളെ കുറിച്ചാണ് ഇനി പറയുന്നത്.മുട്ടമുട്ടയിൽ പ്രോട്ടീൻ, ബയോട്ടിൻ, സിങ്ക്, സെലിനിയം, വിറ്റാമിൻ ഡി എന്നിവ അടങ്ങിയിട്ടുണ്ട്. മുട്ടയുടെ വെള്ള കെരാറ്റിൻ (keratin) ഉൽപ്പാദനത്തിന് ആവശ്യമായ സമ്പൂർണ്ണ പ്രോട്ടീൻ നൽകുന്നു. പ്രഭാതഭക്ഷണത്തോടൊപ്പം രണ്ട് പുഴുങ്ങിയ മുട്ടകൾ കഴിക്കുന്നത് മുടികൊഴിച്ചിൽ കുറയ്ക്കാം.കറിവേപ്പിലഇരുമ്പ് (iron), ആന്റിഓക്‌സിഡന്റുകൾ, ബീറ്റാ-കരോട്ടിൻ എന്നിവ അടങ്ങിയ കറിവേപ്പില മുടിയെ ആരോ​ഗ്യകരമാക്കുകയും മുടികൊഴിച്ചിൽ കുറയ്ക്കുകയും ചെയ്യുന്നു.ഉലുവഉലുവയിൽ ഫോളിക് ആസിഡ്, വിറ്റാമിൻ എ, വിറ്റാമിൻ സി, വിറ്റാമിൻ കെ എന്നിവ ധാരാളമായി അടങ്ങിയിട്ടുണ്ട്. മുടികൊഴിച്ചിൽ തടയുന്നതിനുള്ള ഏറ്റവും ഫലപ്രദമായ മാർഗ്ഗങ്ങളിലൊന്നായി ഇതിനെ കണക്കാക്കുന്നു.നെല്ലിക്കശക്തമായ ആന്റിഓക്‌സിഡന്റായ വിറ്റാമിൻ സിയുടെ സമ്പന്നമായ ഉറവിടമാണ് നെല്ലിക്ക. ഇത് ശരീരത്തിന്റെ മൊത്തത്തിലുള്ള രോഗപ്രതിരോധ ശേഷി വർദ്ധിപ്പിക്കുന്നതിന് സഹായിക്കുന്നു. വിറ്റാമിൻ സി, ആന്റിഓക്‌സിഡന്റുകൾ, ടാനിനുകൾ, അവശ്യ ഫാറ്റി ആസിഡുകൾ എന്നിവയാൽ സമ്പന്നമായ നെല്ലിക്ക, ശിരോചർമ്മത്തിന്റെ ആരോഗ്യം മെച്ചപ്പെടുത്താനും മുടിക്ക് ബലം നൽകാനും സഹായിക്കുന്ന പോഷകഗുണങ്ങളേറെയുള്ള ഒരു ഫലമാണ്.മത്സ്യംസാൽമൺ പോലുള്ള കൊഴുപ്പുള്ള മത്സ്യങ്ങൾ പ്രോട്ടീൻ, ഫാറ്റി ആസിഡുകൾ, വിറ്റാമിൻ എ എന്നിവയുടെ മികച്ച ഉറവിടങ്ങളായി അറിയപ്പെടുന്നു. ഇവയിലടങ്ങിയിരിക്കുന്ന ആരോഗ്യകരമായ ഫാറ്റി ആസിഡുകൾ മുടിയുടെ സാന്ദ്രത വർദ്ധിപ്പിക്കാനും തലയോട്ടിയിൽ മുടി ഇടതൂർന്നു വളരാനും സഹായിക്കുന്നു.നിലക്കടലബയോട്ടിൻ, സസ്യ അധിഷ്ഠിത പ്രോട്ടീൻ, വിറ്റാമിൻ ഇ എന്നിവ അടങ്ങിയ ലഘുഭക്ഷണമാണ് നിലക്കടല. ദിവസവും ഒരു പിട‍ി നിലക്കടല ഡയറ്റിൽ ഉൾപ്പെടുത്തുക.തെെര്തൈരിൽ പ്രോട്ടീൻ, വിറ്റാമിൻ ബി5, പ്രോബയോటిക്കുകൾ എന്നിവ അടങ്ങിയിട്ടുണ്ട്. വിറ്റാമിൻ ബി5 ശിരോചർമ്മത്തിലേക്കുള്ള രക്തയോട്ടം മെച്ചപ്പെടുത്താൻ സഹായിക്കുന്നു. തൈരിലുള്ള പ്രോബയോട്ടിക്കുകൾ കുടലിന്റെ ആരോഗ്യം മെച്ചപ്പെടുത്തുന്നു.