Mohan Bhagwat: నిరసన తెలిపితే దేశద్రోహులా.. యువతే దేశ భవిష్యత్తు.. జెన్ జీపై మోహన్ భగవత్ సంచలన వ్యాఖ్యలు!

జెన్ జీ నమ్మకమైన తరం వివక్ష ఉన్నంతవరకు రిజర్వేషన్లు తప్పనిసరి విద్య వ్యాపారం కానే కాదు Mohan Bhagwat: భారతదేశపు అంతర్జాతీయ ఐక్యీకరణ ఉద్యమం నిర్వహించిన ప్రతిష్టాత్మక కార్యక్రమంలో ఆర్‌ఎస్‌ఎస్ అధినేత డాక్టర్ మోహన్ భగవత్(Mohan Bhagwat) పాల్గొని వర్తమాన దేశీయ అంశాలపై అత్యంత కీలక వ్యాఖ్యలు చేశారు. యువత, విద్య, సోషల్ మీడియా, రిజర్వేషన్లు, పర్యావరణ పరిరక్షణతో పాటు ఎల్‌జీబీటీ, మహిళల ప్రాధాన్యత వరకు అనేక కీలక విషయాలపై ఆయన తన సుదీర్ఘ అంతరంగాన్ని పంచుకున్నారు. దేశ పురోగతిలో నవతరం వహిస్తున్న పాత్రను, మారాల్సిన సామాజిక దృక్పథాన్ని వివరిస్తూ ఆయన అందించిన సందేశం ఇప్పుడు విస్తృత చర్చకు దారితీసింది. LIC: అగ్రస్థానంలో ప్రభుత్వ దిగ్గజం ‘ఎల్ఐసీ’.. రూ.13,492 కోట్ల నికర లాభం జెన్ జీ యువతపై నమ్మకం, విద్య వ్యాపారం కాదన్న భగవత్: జెన్ జీ నిరసనలు తెలిపింత మాత్రాన వారిని దేశద్రోహులుగా చూడకూడదని, నేటి యువత గత తరాల కంటే అత్యంత నిజాయితీ గలవారని భగవత్ ప్రశంసించారు. అలాగే విద్య అనేది వ్యాపారం కాదని, ప్రతి ఒక్కరికీ అందుబాటులో ఉండాల్సిన ప్రాథమిక హక్కు అని స్పష్టం చేశారు. జీడీపీలో 6 శాతం నిధులను విద్యారంగానికి కేటాయించాలనే డిమాండ్‌కు ఆయన పూర్తి మద్దతు తెలిపారు. సోషల్ మీడియాలో బాధ్యతాయుతమైన కంటెంట్‌ను మాత్రమే పంచుకోవాలని పిలుపునిచ్చారు. రిజర్వేషన్ల కొనసాగింపు, ఎల్‌జీబీటీ హక్కులపై స్పష్టత: సమాజంలో వివక్ష కొనసాగినంత కాలం రిజర్వేషన్లు తప్పనిసరిగా ఉండాలని, దీనిని రాజకీయ ప్రయోజనాలకు వాడుకోకూడదని మోహన్ భగవత్ తేల్చిచెప్పారు. ఎల్‌జీబీటీ వర్గానికి సమాజంలో తగిన గౌరవం దక్కాలని కోరుతూనే, స్వలింగ వివాహాలను సంప్రదాయ వివాహంగా పరిగణించలేమన్నారు. ఇక శ్రమకు గౌరవం ఇస్తూ వ్యవస్థాపకతను ప్రోత్సహించాలని, పర్యావరణ పరిరక్షణ ప్రతి ఇంటి నుంచే మొదలుకావాలని సూచించారు.