PV Sindhu China Open : మరోసారి అదరగొట్టిన పీవీ సింధూ.. గట్టి పోటీ ఎదురైనా ఉన్నతి హూడాపై విజయం.. ఆయుష్ శెట్టి సంచలనం
PV Sindhu China Open : చైనా ఓపెన్ సూపర్-1000 బ్యాడ్మింటన్ టోర్నమెంట్లో భారత స్టార్ షట్లర్ పీవీ సింధు శుభారంభం చేసింది. మహిళల సింగిల్స్ తొలి రౌండ్లో భారత యువ క్రీడాకారిణి ఉన్నతి హూడా నుంచి గట్టి పోటీ ఎదురైనా, చివరికి 21-14, 9-21, 21-10 తేడాతో విజయం సాధించి రెండో రౌండ్కు అర్హత సాధించింది. ఇటీవల జపా
PV Sindhu China Open : చైనా ఓపెన్ సూపర్-1000 బ్యాడ్మింటన్ టోర్నమెంట్లో భారత స్టార్ షట్లర్ పీవీ సింధు శుభారంభం చేసింది. మహిళల సింగిల్స్ తొలి రౌండ్లో భారత యువ క్రీడాకారిణి ఉన్నతి హూడా నుంచి గట్టి పోటీ ఎదురైనా, చివరికి 21-14, 9-21, 21-10 తేడాతో విజయం సాధించి రెండో రౌండ్కు అర్హత సాధించింది. ఇటీవల జపాన్ ఓపెన్ టైటిల్ గెలిచిన సింధు అదే జోరును చైనా ఓపెన్లోనూ కొనసాగించింది. Also Read : Shreyas Iyer : జింబాబ్వేతో టీ20 మ్యాచ్.. కెప్టెన్ శ్రేయాస్ అయ్యర్ కీలక కామెంట్స్.. వైభవ్ గురించి ఏమన్నాడంటే? తొలి గేమ్ను సులభంగా సొంతం చేసుకున్న సింధు, రెండో గేమ్లో ఉన్నతి హూడా దూకుడుకు తట్టుకోలేక పరాజయం పాలైంది. అయితే, నిర్ణయాత్మక మూడో గేమ్లో తన అనుభవాన్ని ప్రదర్శించిన సింధు ప్రత్యర్థికి ఎలాంటి అవకాశం ఇవ్వకుండా మ్యాచ్ను కైవసం చేసుకుంది. ఈ మ్యాచ్ మొత్తం 56 నిమిషాల పాటు ఉత్కంఠభరితంగా సాగింది. మరోవైపు.. పురుషుల సింగిల్స్లో భారత యువ షట్లర్ ఆయుష్ శెట్టి సంచలన ప్రదర్శనతో ప్రపంచ 11వ ర్యాంకర్, ఇండోనేషియా ఆటగాడు అల్వీ ఫర్హాన్ను 21-17, 5-21, 21-17తో ఓడించి ప్రీక్వార్టర్ ఫైనల్కు చేరుకున్నాడు. ఈ విజయం టోర్నమెంట్లో అతిపెద్ద సంచలనాల్లో ఒకటిగా నిలిచింది. ఇక పురుషుల డబుల్స్లో ఎంఆర్ అర్జున్–హరిహరన్ జోడీ, మిక్స్డ్ డబుల్స్లో రోహన్ కపూర్–రుత్విక శివాని, ధృవ్ కపిలా–తనిషా క్రాస్టో జోడీలు తొలి రౌండ్లోనే ఓటమి పాలై టోర్నమెంట్కు నుండి నిష్క్రమించారు.