Railway Gateman: ఇతను కదా రియల్ హీరో.. ప్రాణాలకు తెగించి.. పట్టాల మీదకు దూకి.. షాకింగ్ వీడియో వైరల్

దూసుకొచ్చిన వేగవంతమైన రైలు ప్రాణాలకు తెగించిన గేట్‌మ్యాన్ వైరల్ అవుతున్న రెస్క్యూ Railway Gateman: తమిళనాడులోని సిర్కళి రైల్వే స్టేషన్ సమీపంలో రోమాంచితమైన, ఒళ్ళు గగుర్పొడిచే నిజ జీవిత సంఘటన ఒకటి చోటు చేసుకుంది. ఒక వ్యక్తి రైల్వే పట్టాలు దాటుతుండగా, అదే సమయంలో ఒక రైలు అత్యంత వేగంగా ఆ ట్రాక్‌పై దూసుకురావడాన్ని స్థానికులు గమనించారు. ప్రమాదం ముంచుకొస్తున్న సంగతి ఆ వ్యక్తికి అసలు తెలిసిందో లేదో కానీ, అతడు మాత్రం ఏమాత్రం కంగారు లేకుండా అత్యంత నెమ్మదిగా అడుగులు వేస్తూ పట్టాలపై నడుస్తూనే ఉన్నాడు. మరో కొన్ని క్షణాలు ఆలస్యమైతే ఆ రైలు అతడిని ఢీకొట్టి, ప్రాణాలు గాల్లో కలిసిపోయే భయంకరమైన పరిస్థితి అక్కడ నెలకొంది. DSP Bheem Reddy: డీఎస్పీ భీమ్‌రెడ్డి వెనుక ప్రముఖ హీరో.. డైరీలో సంచలన వివరాలు.. ఇంతకీ ఎవరా హీరో? సరిగ్గా అదే తరుణంలో అక్కడ విధుల్లో ఉన్న రైల్వే గేట్‌మ్యాన్(Railway Gateman) ఆ ప్రమాదాన్ని చూశాడు. క్షణం కూడా ఆలస్యం చేయకుండా, తన ప్రాణాలను సైతం లెక్కచేయకుండా వేగంగా దూసుకొస్తున్న రైలుకు ఎదురెళ్లాడు. క్షణాల వ్యవధిలో ఆ వ్యక్తిని సమీపించి, బలంగా పక్కకు లాగేశాడు. గేట్‌మ్యాన్ సమయస్ఫూర్తితో స్పందించడం వల్లే ఆ వ్యక్తి తృటిలో ప్రాణాపాయం నుండి తప్పించుకున్నాడు. ఈ అద్భుతమైన రెస్క్యూ ఆపరేషన్ చూసిన వారంతా ఊపిరి పీల్చుకున్నారు. సినిమా ఫైట్‌ను తలపించేలా సాగిన ఈ రియల్ స్టోరీ అక్కడి సీసీటీవీ కెమెరాలో రికార్డయ్యింది. ఈ సంఘటన ఎప్పుడు జరిగిందనే ఖచ్చితమైన వివరాలు తెలియకపోయినప్పటికీ, దీనికి సంబంధించిన వీడియో ‘ఘర్ కే కలేశ్’ అనే ఎక్స్ (ట్విట్టర్) ఖాతాలో పోస్ట్ కావడంతో ఒక్కసారిగా ఇంటర్నెట్‌ను కుదిపేసింది. సామాజిక మాధ్యమాల్లో అప్‌లోడ్ అయిన గంటల వ్యవధిలోనే ఈ వీడియో మిలియన్ల వ్యూస్‌తో విపరీతంగా వైరల్‌గా మారింది. నెటిజన్లు ఆ రైల్వే గేట్‌మ్యాన్ ధైర్యసాహసాలను, సమయస్ఫూర్తిని ప్రశంసిస్తూ అతడిని ‘రియల్ హీరో’ అని కొనియాడుతున్నారు. ప్రాణాలకు తెగించి ఒకరిని కాపాడిన ఈ అద్భుత దృశ్యం ప్రస్తుతం సోషల్ మీడియాలో హాట్ టాపిక్‌గా నిలిచింది.