Sanju Samson : అక్క‌డే మ్యాచ్ పోయింది.. సంజూ శాంస‌న్ కీల‌క వ్యాఖ్య‌లు..

Sanju Samson : బుధ‌వారం ఉప్ప‌ల్ వేదిక‌గా వెస్టిండీస్‌తో జ‌రిగిన నాలుగో టీ20 మ్యాచ్‌లో భార‌త జ‌ట్టు 24 ప‌రుగుల తేడాతో ఓడిపోయింది. కెప్టెన్ షై హోప్ అజేయ సెంచ‌రీతో (50 బంతుల్లో 102 ప‌రుగులు) చెల‌రేగ‌డంతో తొలుత బ్యాటింగ్ చేసిన వెస్టిండీస్ నిర్ణీత 20 ఓవ‌ర్ల‌లో 3 వికెట్ల నష్టానికి 247 పరుగులు సాధించింది. ఆ త‌రువాత 248 పరుగుల భారీ లక్ష్యంతో బరిలోకి దిగిన భారత్‌కు ఓపెనర్ సంజూ శాంసన్ అర్ధ సెంచరీతో శుభారంభం అందించాడు. తిలక్ వర్మ (43), నితీశ్ కుమార్ రెడ్డి (41) కీలక ఇన్నింగ్స్‌లు ఆడారు. వీరిద్దరూ కేవలం 32 బంతుల్లోనే 70 పరుగుల భాగస్వామ్యాన్ని నెలకొల్పి భారత్‌ను పోటీలో నిలిపారు. అయితే కీలక సమయంలో వికెట్లు కోల్పోవడంతో టీమ్ఇండియా 9 వికెట్ల నష్టానికి 223 ప‌రుగుల‌కే ప‌రిమిత‌మైంది. మ్యాచ్ అనంతరం భార‌త జ‌ట్టు ఓట‌మిపై సంజూ శాంస‌న్ స్పందించాడు. తిలక్ వర్మ, నితీశ్ రెడ్డి భాగస్వామ్యం భారత్‌ను లక్ష్య ఛేదనలో నిలిపిందన్నాడు. ముఖ్యంగా 17వ ఓవర్‌లో తిలక్ వర్మ ఔటవడం మ్యాచ్‌ను మలుపు తిప్పిందని అభిప్రాయపడ్డాడు. Sanju Samson : ఉప్ప‌ల్‌లో భారీ మైలురాయిని అందుకున్న సంజూ శాంస‌న్‌.. ‘మేం దాదాపు 250 పరుగుల భారీ లక్ష్యాన్ని ఛేదించాల్సి వచ్చింది. అలాంటి సమయంలో ఆచితూచి ఆడే అవకాశం ఉండదు. మొదటి బంతి నుంచే దూకుడుగా ఆడాలి. మా జట్టు బ్యాటర్లంతా అదే ప్రయత్నించారు. తిలక్ వర్మ, నితీశ్ కుమార్ రెడ్డి క్రీజులో ఉన్నంతసేపు మేం పోటీలోనే ఉన్నాం. ఓవర్‌కు 12-13 పరుగులు చేయాల్సి వచ్చినా, గెలుపుపై ఆశలు సజీవంగానే ఉన్నాయి.’ అని సంజూ శాంసన్ తెలిపాడు. ‘తిలక్ వర్మ ఔటవడమే మ్యాచ్‌లో కీలక మలుపు. అప్పటివరకు మేం లక్ష్యానికి చేరువవుతున్నాం. ఓవర్‌కు 10-20 పరుగులు సాధిస్తూ ప్రత్యర్థిపై ఒత్తిడి పెంచాం. తిలక్, నితీశ్ ఇద్దరూ అద్భుతంగా బ్యాటింగ్ చేశారు. కీలక సమయంలో ఒత్తిడిని సమర్థంగా ఎదుర్కొన్నారు. తిలక్ ఔటయ్యే వరకు మ్యాచ్‌పై మా ఆశలు అలాగే ఉన్నాయి.’ అని పేర్కొన్నాడు. Shai Hope : భార‌త్ పై విజ‌యం.. వెస్టిండీస్ కెప్టెన్ షై హోప్ కీల‌క వ్యాఖ్య‌లు.. వెస్టిండీస్ కెప్టెన్ షై హోప్ పై ప్ర‌శంస‌ల వ‌ర్షం కురిపించాడు. ‘జట్టు సమావేశాల్లో అతడి ఆటతీరుపై చర్చించాం. గత మ్యాచ్‌లో కొన్ని వ్యూహాలను అమలు చేశాం. అవి మంచి ఫలితాన్నిచ్చాయి. అర్ష్‌దీప్ సింగ్ ఆరౌండ్ ద స్టంప్ నుంచి బౌలింగ్ చేసి హోప్‌ను ఔట్ చేశాడు. ప్రస్తుతం హోప్ అద్భుతమైన ఫామ్‌లో ఉన్నాడు. అతడు ఆడుతున్న క్రికెట్ షాట్లు చాలా బాగున్నాయి. అతడి ఆటతీరును గుర్తించి గౌరవించాలి.’ అని సంజూ శాంసన్ తెలిపాడు.