விஜயதசமி கொண்டாட்டம்: வானைநோக்கி AK 47-ஆல் சுட்ட ஐபிஎஸ் அதிகாரி; நோட்டீஸ் அனுப்பிய காவல்துறை!

சத்தீஸ்கர் மாநிலம் ராஜ்நந்த்காவ்ன் மாவட்டக் காவல் கண்காணிப்பாளராக பணியாற்றி வருபவர் அங்கிதா சர்மா. கடந்த அக்டோபர் 20-ம் தேதி ஆயுத பூஜையை முன்னிட்டு, காவல் ஆயுதப் படையில் நடைபெற்ற 'சாஸ்திர பூஜை' நிகழ்வில் அவர் கலந்துகொண்டார். அப்போது, அவர் ஏகே-47 ரகத் துப்பாக்கியைப் பயன்படுத்திப் பல முறை வானத்தை நோக்கிச் சுட்டார். சேலை அணிந்தபடி அவர் துப்பாக்கியால் சுடும் இந்தக் காட்சி சமூக வலைத்தளமான இன்ஸ்டாகிராமில் வெளியாகி, லட்சக்கணக்கான பார்வைகளைப் பெற்று வைரலானது. துப்பாக்கியைக் கையாளும் அடிப்படைப் பாதுகாப்பு விதிகளை மீறி அங்கிதா சர்மா செயல்பட்டதாகவும், இந்த வீடியோ இணையத்தில் பரவி எதிர்மறையான விமர்சனங்களை உருவாக்கியதன் மூலம் காவல் துறையின் கண்ணியத்திற்குப் பங்கம் ஏற்பட்டுள்ளதாகவும் காவல் தலைமையகம் கவலை தெரிவித்துள்ளது.அங்கிதா சர்மாமேலும் இதுகுறித்து விளக்கமளிக்க வேண்டும் என காவல்துறை அங்கிதா சர்மாவுக்கு நோட்டீஸ் அனுப்பியிருக்கிறது.இது குறித்து ராஜ்நந்த்காவ்ன் சரகக் காவல் துறை தலைவர் (ஐ.ஜி.) அஜய் யாதவ் கூறுகையில், ``எஸ்.பி. அங்கிதா சர்மாவிடமிருந்து விளக்கம் பெறப்பட்ட பிறகு, அது தொடர்பான எனது குறிப்புகளுடன் அறிக்கை காவல் தலைமையகத்திற்கு அனுப்பி வைக்கப்படும். அங்கிருந்து வரும் வழிகாட்டுதலின்படி அடுத்தகட்ட நடவடிக்கை எடுக்கப்படும்" என்றார்.இந்தச் சம்பவம் சமூக வலைத்தளங்களில் பெரும் விவாதத்தைக் கிளப்பியுள்ளது. இது குறித்துப் பேசிய ஓய்வுபெற்ற ஐ.பி.எஸ். அதிகாரி ஆர்.கே.விஜய், ``ஆயுத பூஜையின் போது ஆயுதங்களை வைத்து வழிபாடு செய்வதுதான் மரபே தவிர, அவற்றைப் பயன்படுத்திச் சுட வேண்டிய அவசியமில்லை. இதுபோன்ற செயல்கள் தேவையற்ற விபத்துகளுக்கு வழிவகுக்கும் என்பதால் இதைத் தவிர்க்க வேண்டும்" எனத் தெரிவித்தார்.அதேபோல், இந்திய ராணுவத்தின் முன்னாள் அதிகாரி கே.ஜே.எஸ். தில்லான் வெளியிட்ட பதிவில், `` தோட்டாக்கள் நிரப்பப்பட்ட துப்பாக்கியைப் பல்வேறு திசைகளில் திருப்புவது, பின்புறம் ஆள்கள் நிற்பது மற்றும் அரசு ஆயுதத்தை அனுமதியின்றி சுடுவது ஆகியவை கடுமையான பாதுகாப்பு விதிமீறல். இது உயிரிழப்புகளை ஏற்படுத்தக்கூடும்." என்றும் எச்சரித்துள்ளார். அங்கிதா சர்மாஅதேவேளையில், பெயர் குறிப்பிட விரும்பாத மற்றொரு ஐ.பி.எஸ். அதிகாரி கூறுகையில், ``சத்தீஸ்கரில் சாஸ்திர பூஜையின் போது ஆபத்தில்லாத 'வெற்று ரவைகளை' மட்டுமே பயன்படுத்திச் சுடுவது வழக்கமான ஒன்றுதான்." எனத் தெரிவித்திருக்கிறார். இன்னும் சிலர், ``அங்கிதா சர்மா ஒரு பயிற்சி பெற்ற அதிகாரி. அவர் சேலை அணிந்து கொண்டு துப்பாக்கிச் சூடு நடத்தியதாலேயே பலர் இதை விமர்சிக்கின்றனர். துப்பாக்கியைக் கையாண்டதில் சிறு குறைகள் இருந்தாலும் அவரின் சிறப்பான பணிப் பதிவைச் சிறுமைப்படுத்தக் கூடாது." என என்றும் சமூக வலைத்தளங்களில் அவருக்கு ஆதரவாகப் பதிவிட்டு வருகின்றனர்.ராஜ்நந்த்காவ்ன் கூடுதல் எஸ்பி கீர்த்தன் ரத்தோரும் ஏகே-47 துப்பாக்கியால் சுடும் வீடியோ ஒன்று அடுத்தபடியாக வெளியாகியுள்ளது. இதுமட்டுமன்றி, ராய்ப்பூர், பிலாஸ்பூர், ராய்கர், துர்க், கபிர்தாம் மற்றும் பஸ்தார் ஆகிய பிற மாவட்டங்களிலும் ஆயுத பூஜைக்குப் பிறகு காவல் துறையினர் துப்பாக்கிச் சூடு நடத்தும் வீடியோக்கள் சமூக வலைத்தளங்களில் வெளியாகிப் பரபரப்பை ஏற்படுத்தியுள்ளன.5 சுற்று துப்பாக்கிச்சூடு; சில நொடிகள் இயங்க மறுத்த துப்பாக்கி; நூலிழையில் உயிர் தப்பிய டைகர் ஷெராப்Junior Vikatan-ன் பிரத்யேக Whatsapp Group...இணைவதற்கு இங்கே க்ளிக் செய்யவும்... https://tinyurl.com/2b963ppbவணக்கம்,BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb