Rajamouli : రాజమౌళి ఫస్ట్ లవ్ గురించి మీకు తెలుసా.. సంవత్సరం ఎదురుచూసి ఆ అమ్మాయితో..

Rajamouli : మన తెలుగు సినిమాను గర్వపడేలా చేసిన దర్శకుడు రాజమౌళి. పాన్ ఇండియా కాదు ఇప్పుడు ఏకంగా పాన్ వరల్డ్ సినిమా చేస్తున్నాడు రాజమౌళి. ఆయన సినిమా కోసం ప్రపంచం మొత్తం ఎదురుచూస్తుంది. ఇపుడు ఆయన స్టార్ కావొచ్చు కానీ ఒకప్పుడు మనలాంటి మాములు కుర్రాడే. గతంలో ఓ ఇంటర్వ్యూలో తన మొదటి ప్రేమ గురించి తెలిపాడు రాజమౌళి. Also See : Kavya Kalyanram Birthday : బలగం భామ బర్త్ డే సెలబ్రేషన్స్.. కావ్య కళ్యాణ్ రామ్ ఫొటోలు.. రాజమౌళి ఆ ఇంటర్వ్యూలో మాట్లాడుతూ.. నేను ఇంటర్ చదివే రోజుల్లో ఒక అమ్మాయి ఉండేది మా క్లాస్ లో. నేను ఆ అమ్మాయిని ఇష్టపడ్డాను. కానీ ఆ అమ్మాయికి చెప్పే ధైర్యం లేదు నాకు. మా క్లాస్ లో అబ్బాయిలందరికి తెలుసు నాకు ఆ అమ్మాయి ఇష్టం అని. నన్ను ఏడిపించేవాళ్ళు. అతి కష్టం మీద ఆ అమ్మాయితో సంవత్సరం మొత్తం మీద చివర్లో ఒకే ఒకసారి మాట్లాడాను. ఆ అమ్మాయి నా ముందు కూర్చొని ఉంది. అతి కష్టం మీద ఆమెని భారతి అని పిలిచి ట్యూషన్ ఫీజ్ కట్టావా అని అడిగాను. ఆ అమ్మాయి అలా వెనక్కు తిరిగి చూసింది. ఆ లుక్ కోసం నేను చాలా రోజులుగా ఎదురుచూశాను అని అర్థమైంది. ఆ ఎక్స్‌ప్రెషన్స్ నేను ఎప్పటికి మర్చిపోలేను అని తెలిపాడు. రాజమౌళి ఇంటర్ మొదటి సంవత్సరం ఏలూరులో చదివారు. అప్పుడు జరిగింది ఈ సంఘటన. ఆ తర్వాత ఆయన చదువు ఆపేసారు. కొన్నేళ్ళకు ఇంటర్ సెకండ్ ఇయర్ కూడా పూర్తిచేశారు. ఆ తర్వాత సినిమాల్లోకి వచ్చేసారు. సినిమాల్లో పనిచేస్తున్నప్పుడే తమ కుటుంబానికి దగ్గరైన ఓ ఫ్యామిలీకి చెందిన అమ్మాయి, ఫ్యాషన్ డిజైనర్ రమని ప్రేమించి పెళ్లి చేసుకున్నారు రాజమౌళి.