వైఎస్ కుటుంబంలో విషాదం..

వైఎస్ కుటుంబంలో విషాదం చోటుచేసుకుంది. వైఎస్ జగన్ మోహన్ రెడ్డికి పెదనాన్న వరుస అయిన వైఎస్ ఆనంద్ రెడ్డి కన్నుమూశారు. వైఎస్ రాజశేఖర్ రెడ్డి తండ్రి వైఎస్ రాజారెడ్డి, వైఎస్ ఆనంద్ రెడ్డి తండ్రి వైఎస్ కొండారెడ్డి అన్నదమ్ములు. ఆ రకంగా ఆనంద్ రెడ్డి, వైఎస్ఆర్ వరుసకు అన్నదమ్ములు అవుతారు. ఆనంద్ రెడ్డి కొంతకాలంగా అనారోగ్యంతో బాధఫడుతున్నారు. ఆయన భార్య సుశీలమ్మ గత ఏడాది కన్నుమూశారు. ఆనంద్ రెడ్డికి కుమార్తె సునీత ఉన్నారు. 2024 చివరలో వైఎస్ జగన్ సోదరుడు అభిషేక్ రెడ్డి కన్నుమూశారు. అభిషేక్ రెడ్డి డాక్టర్ కాగా.. చిన్న వయసులోనే ప్రాణాలు కోల్పోయారు. అలాగే, గత ఏడాది జగన్ బాబాయి, వైసీపీ పార్లమెంటరీ పార్టీ నేత వైవీ సుబ్బారెడ్డి తల్లి పిచ్చమ్మ మృతిచెందారు.