Ap Rains: ఏపీలో మారిన వాతావరణం.. పలు జిల్లాలకు పిడుగులతో కూడిన వర్షసూచన.. విపత్తుల సంస్థ బిగ్ అలర్ట్!

Ap Rains: బంగాళాఖాతంలో మేఘాల కదలికలు, ఉపరితల ఆవర్తనం ప్రభావంతో ఆంధ్రప్రదేశ్ రాష్ట్ర వ్యాప్తంగా వాతావరణం ఒక్కసారిగా మారిపోయింది. రాబోయే 24 గంటల వ్యవధిలో రాష్ట్రంలోని పలు తీరప్రాంత, రాయలసీమ జిల్లాల్లో భారీ ఈదురుగాలులతో కూడిన ఉరుములు, మెరుపులు, పిడుగులు పడే తీవ్ర అవకాశాలున్నట్లు రాష్ట్ర వాతావరణ శాఖ ప్రకటించింది. ఈ అకస్మాత్తు మార్పుల వల్ల దక్షిణ కోస్తా, రాయలసీమ ప్రాంతాలలో మబ్బులు కమ్మి, వర్షపాతం పెరిగే సంకేతాలు కనిపిస్తున్నాయి. Dhanush Political Entry: ఢిల్లీలో తమిళ హీరో ధనుష్.. కొత్త పార్టీపై సుదీర్ఘ మంతనాలు? తమిళనాట హీటెక్కుతున్న పాలిటిక్స్! నెల్లూరు, తిరుపతి జిల్లాల్లో వర్షాలు.. రాయలసీమ వ్యాప్తంగా అప్రమత్తత: విపత్తుల నిర్వహణ సంస్థ అధికారులు అందించిన తాజా వివరాల ప్రకారం, నెల్లూరు, తిరుపతి, ప్రకాశం జిల్లాల్లో అక్కడక్కడ పిడుగులతో కూడిన మోస్తరు నుంచి భారీ వర్షాలు(Ap Rains) కురిసే అవకాశం ఉంది. వీటితో పాటు ఏలూరు, కృష్ణా, చిత్తూరు, కడప, అన్నమయ్య, శ్రీసత్యసాయి జిల్లాల్లో ఈదురుగాలులతో కూడిన తేలికపాటి నుంచి మోస్తరు వర్షాలు పడనున్నాయి. ముఖ్యంగా సముద్ర తీర ప్రాంతాలు, కొండప్రాంతాలలో ఉరుముల తీవ్రత ఎక్కువగా ఉండే అవకాశం ఉన్నందున లోతట్టు ప్రాంతాల ప్రజలు అప్రమత్తంగా ఉండాలి. ప్రజలు తగిన జాగ్రత్తలు తీసుకోవాలి.. విపత్తుల నిర్వహణ సంస్థ ఎండీ ప్రఖర్ జైన్ విజ్ఞప్తి: వర్షాలు, పిడుగుపాటు ప్రమాదాల నేపథ్యంలో ప్రజలు అత్యంత జాగ్రత్తగా ఉండాలని రాష్ట్ర విపత్తుల నిర్వహణ సంస్థ మేనేజింగ్ డైరెక్టర్ (ఎండీ) ప్రఖర్ జైన్ సూచించారు. ఉరుములు, మెరుపులు వచ్చే సమయంలో ఎట్టిపరిస్థితుల్లోనూ బహిరంగ ప్రదేశాల్లో, చెట్ల కింద లేదా కరెంట్ స్తంభాల వద్ద నిలబడకూడదని స్పష్టం చేశారు. రైతులు, పశువుల కాపరులు, వ్యవసాయ కూలీలు ఆరుబయట పనులు చేయకుండా సురక్షిత ప్రాంతాలకు వెళ్లాలని, అత్యవసర పరిస్థితుల్లో టోల్‌ఫ్రీ నంబర్లను సంప్రదించాలని అధికారులు కోరారు.