This Week Movies : వామ్మో.. ఈ వారం ఏకంగా 8 సినిమాలు రిలీజ్.. ఒకే హీరోయిన్ వి రెండు.. ఒక్కటైనా హిట్ అవుద్దా..?

This Week Movies : ఇటీవల టాలీవుడ్ లో ఒక్కోవారం సినిమాలు ఏమి ఉండట్లేదు. సమ్మర్ హాలిడేస్ ని కూడా వదిలేసుకున్నారు. చిన్న సినిమాలు కూడా కరెక్ట్ గా ప్లాన్ చేసుకోవట్లేదు. ఒక్కోసారి మాత్రం వద్దన్నా సినిమాలు రిలీజ్ కి క్యూ కడతాయి. ఈ వారం టాలీవుడ్ లో అదే పరిస్థితి ఉంది. జులై 17న ఏకంగా 8 సినిమాలు రిలీజ్ ఉన్నాయి. ఒక సినిమా రీ రిలీజ్ కూడా ఉంది. ఈ వారం రిలీజ్ లలో కాస్తో కూస్తో చెప్పుకునే సినిమా, కాస్త మీడియం రేంజ్ సినిమా అంటే ‘ఓ సుకుమారి’. తిరువీర్, ఐశ్వర్య రాజేష్ జంటగా విలేజ్ బ్యాక్ డ్రాప్ లో హీరోయిన్ ని ముట్టుకుంటే షాక్ కొడుతుంది అనే కాన్సెప్ట్ తో కామెడీ ఎమోషనల్ గా ఈ సినిమాని తెరకెక్కించారు. ఈ సినిమాపై అంచనాలు లేకపోయినా తిరువీర్, ఐశ్వర్య రాజేష్ ల కంటెంట్ మీద నమ్మకం ఉంది కాబట్టి ఈ సినిమా వర్కౌట్ అయ్యే ఛాన్స్ ఉంది. జగపతి బాబు, లయ, హృతిక శ్రీనివాస్ మెయిన్ లీడ్స్ లో నటిస్తున్న సస్పెన్స్ ఫ్యామిలీ డ్రామా ‘వదలా’. ఈ సినిమా ఎంత వరకు కనెక్ట్ అవుతుందో ఆడియన్స్ కి. ఈ సినిమాపై అయితే పెద్దగా అంచనాలు లేవు. చాన్నాళ్ల తర్వాత జగపతి బాబు మళ్ళీ హీరోగా చేస్తున్నాడు. శ్రీకాంత్, రాజేంద్రప్రసాద్, లయ మెయిన్ లీడ్స్ లో నటిస్తున్న సినిమా ‘మిస్టర్ మిడిల్ క్లాస్’. ఒకప్పటి స్టార్ కామెడీ డైరెక్టర్ జి నాగేశ్వర రెడ్డి ఈ సినిమాని డైరెక్ట్ చేసారు. ట్రైలర్ చూస్తే ఒప్పటి కామెడీ ఎమోషన్ సినిమాల్లా అనిపించింది. ఫ్యామిలీ ఆడియన్స్ చుస్తే ఈ సినిమాకు కనెక్ట్ అవుతారు. కానీ ఈ సినిమా ఉందని జనాలకు ఎక్కువగా తెలీదేమో అనిపిస్తుంది. ఒక రెండు మూడు ప్రెస్ మీట్స్ తప్ప ఈ సినిమా ప్రమోషన్స్ చేయలేదు. లయ కు ఈ వారం వదలా, మిస్టర్ మిడిల్ క్లాస్ రెండు సినిమాలు ఉండటం గమనార్హం. నరేష్ అగస్త్య హీరోగా అసస్పెన్స్ కామెడీ సినిమాగా తెరకెక్కిన సినిమా MRP. అసలు ఈ సినిమా ఉందని కూడా జనాలకు తెలుసో లేదో. అసలు ప్రమోషన్స్ లేవు ఈ సినిమాకు. హిట్ టాక్ కాదు కనీసం జనాలు వస్తే గ్రేట్ ఈ సినిమాకు. రిత్విక్ అనే కొత్త నటుడు హీరోగా, వాళ్ళ ఫ్యామిలీ నిర్మాతలుగా రాజా ది రాజా అనే సినిమాతో వస్తున్నారు. ఈ సినిమా చూస్తుంటే బాగానే ఖర్చుపెట్టినట్టు కనిపిస్తుంది కానీ ఈ సినిమాపై అసలు బజ్ లేదు. ఇక ట్రైలర్ చూస్తే అసలు హీరోకి యాక్టింగ్ వచ్చా అనే సందేహం రాక మానదు. నిర్మాతలు వాళ్లే కాబట్టి బోలెడు ఖర్చుపెట్టారు సినిమాపై. ప్రమోషన్స్ కూడా బాగానే చేస్తున్నారు. మరి ఈ సినిమా జనాల్లోకి ఎంత వెళ్తుందో చూడాలి. దివిజ ప్రభాకర్, మురళి గౌడ్ కీలక పాత్రల్లో తెరకెక్కిన సినిమా వెంకట్రామయ్య గారి తాలూకా. ఇటీవల తెలంగాణ రాజకీయ నాయకురాలు కవిత ఈ సినిమా ప్రీ రిలీజ్ ఈవెంట్ కి రావడంతో ఈ సినిమా హైలెట్ అయింది. కానీ ఈ సినిమా హిట్ అవుతుంది, జనాలకు కనెక్ట్ అవుతుంది అనే సూచనలు ఎక్కడా కనపడట్లేదు. అసలు ట్రైలర్ విజువల్స్ చూస్తేనే ఏదో షార్ట్ ఫిలిం సినిమాలా అనిపిస్తుంది. చాన్నాళ్ల తర్వాత పోసాని కృష్ణమురళి హీరోగా, దర్శకుడిగా ఆపరేషన్ అరుణారెడ్డి అనే సినిమాతో వస్తున్నాడు. అసలు ఈ సినిమా వస్తుందని జనాలకు తెలీదు. ఒకే ఒక్క ప్రెస్ మీట్ పెట్టి వదిలేసారు. ఈ సినిమా డిజాస్టర్ అని ట్రైలర్, ఈ సినిమా పోస్టర్స్ చూస్తేనే తెలిసిపోతుంది. ఇక పోసాని ఇప్పటికే రాజకీయంగా అనేక విమర్శలు ఎదుర్కుంటున్న సంగతి తెలిసిందే. ఈ సినిమా కోసం థియేటర్ కి జనాలు వచ్చి చూస్తారు అనేది అపోహే. ఒక కోర్ట్ కేసు అనే ఓ చిన్న సినిమా కూడా రిలీజ్ అవుతుంది జులై 17న. అసలు ఈ సినిమా అయితే ఏ చప్పుడు లేదు. ఈ సినిమా ఫ్లాప్ లిస్ట్ లోకి వెళ్ళేదే. ఆర్జీవీ ఒకప్పటి సూపర్ హిట్ సినిమా రక్త చరిత్ర కూడా అదే రోజు రీ రిలీజ్ అవుతుంది. మరి ఆ సినిమా ఫ్యాన్స్ ఎవరైనా వెళ్తే వెళ్ళాలి. అలా ఈ వారం 8 సినిమాలు ఒక రీ రిలీజ్ సినిమా ఉన్నా హిట్ అవుతుంది, డబ్బులు వస్తాయి అని ఒక్క సినిమా కూడా అనిపించట్లేదు. పైగా లెనిన్ సినిమా హిట్ టాక్ తెచ్చుకొని ఈ వారం కూడా నడుస్తుంది కాబట్టి ఈ సినిమాలు ఎంతవరకు నిలబడతాయో చూడాలి.