صاف پینے کے پانی میں معدنیات کی شمولیت کا نیا تجربہ، ڈاکٹر محمد خالد فاروقی کا کارنامہ

حیدرآباد 14 جولائی (سیاست نیوز) ہندوستان میں صاف پانی کے حصول کیلئے عام طور پر RO پیوریفائر سسٹم کا استعمال کیا جاتا ہے لیکن ماہرین کے مطابق اِس سسٹم کے ذریعہ پانی سے معدنیات کو بھی خارج کردیا جاتا ہے جوکہ انسانی صحت کے لئے ضروری ہے۔ مکانات اور تجارتی سطح پر RO سسٹم کے استعمال کو محفوظ اور صحت کے لئے بہتر تصور کیا جارہا ہے۔ اس سسٹم کے نتیجہ میں پانی سے تقریباً 92 تا 99 فیصد منیرلس خارج ہوجاتے ہیں جن میں میگنیشیم، کیلشیم اور پوٹاشیم شامل ہیں۔ ہندوستان کے حالات میں میگنیشیم کی کمی کے نتیجہ میں عوام کو مختلف امراض کا سامنا ہے۔ ماہرین کے مطابق میگنیشیم بہتر صحت کے لئے اہمیت کی حامل ہے۔ اِن حالات میں ڈاکٹر محمد خالد فاروقی نے معدنیات کے ساتھ پانی تیار کیا ہے۔ بتایا جاتا ہے کہ معدنیات کی کمی کے نتیجہ میں انسانی جسم پر منفی اثرات مرتب ہوتے ہیں اور قلب کے امراض کے علاوہ بلڈ شوگر اور بلڈ پریشر جیسے مسائل پیدا ہوسکتے ہیں۔ ریسرچ میں اِس بات کا پتہ چلا ہے کہ 40 تا 60 فیصد ہندوستانی عوام میگنیشیم کی کمی کا شکار ہیں۔ انسان اپنی صحت کی حفاظت کے لئے پانی تو صاف کررہا ہے لیکن اِس میں میگنیشیم اور دیگر منریلس کو خارج کئے جانے سے صحت پر مضر اثرات کا اندیشہ ہے۔ ڈاکٹر محمد خالد فاروقی جو پیشہ کے اعتبار سے ایک فزیشین ہیں اور گزشتہ 25 برسوں سے ہندوستان اور برطانیہ کے علاوہ قطر میں سینئر کنسلٹنٹ اِن میڈیسن کی حیثیت سے خدمات انجام دے رہے ہیں۔ اُنھوں نے Maglife کے نام سے نئی ٹیکنالوجی ایجاد کی ہے جس کے تحت پانی میں میگنیشیم کو دوبارہ شامل کیا جاسکتا ہے۔ Maglife Water کیلئے ویب سائٹ www.maglifewater.com کے علاوہ فون نمبر +91-8125355904 سے ربط کیا جاسکتا ہے۔V/1/k/b