جنوبی لبنان میں جھڑپوں کے دوران دھماکہ ، دو اسرائیلی فوجی ہلاک ،چار زخمی
تل ابیب، 6 اگست (یو این آئی) اسرائیلی فوج نے تصدیق کی ہے کہ گزشتہ روز لبنان میں ہونے والی جھڑپوں اور دھماکے کے نتیجے میں اس کے دو فوجی ہلاک اور چار شدید زخمی ہو گئے ۔ اسرائیلی فوجی حکام کے مطابق ہلاک ہونے والوں میں 34 سالہ کمانڈر میجر ہارل بیرن اسٹاک اور 33 سالہ سارجنٹ میجر تامیر واکنین شامل ہیں۔ ی
تل ابیب، 6 اگست (یو این آئی) اسرائیلی فوج نے تصدیق کی ہے کہ گزشتہ روز لبنان میں ہونے والی جھڑپوں اور دھماکے کے نتیجے میں اس کے دو فوجی ہلاک اور چار شدید زخمی ہو گئے ۔ اسرائیلی فوجی حکام کے مطابق ہلاک ہونے والوں میں 34 سالہ کمانڈر میجر ہارل بیرن اسٹاک اور 33 سالہ سارجنٹ میجر تامیر واکنین شامل ہیں۔ یہ تمام اہلکار جنوبی لبنان کے قصبے مجدل زون میں پیش آنے والے ایک دھماکے کی زد میں آ کر ہلاک ہوئے ۔فوجی ترجمان کا کہنا ہے کہ دھماکے میں زخمی ہونے والے چاروں اہلکاروں کو فوری طور پر طبی امداد کے لیے ہاسپٹل منتقل کر دیا گیا ہے ، جہاں بعض کی حالت تشویشناک بتائی جاتی ہے ۔ ادھر اسرائیلی فوج کی جانب سے جنوبی لبنان کے مختلف علاقوں میں حملوں کا سلسلہ تاحال جاری ہے ۔ لبنان سے معاہدہ کے بعد اسرائیل کی جانب سے اس کی مسلسل خلاف ورزی کی جارہی ہے ۔ لبنان میں اسرائیلی حملوں کے نتیجہ میں کئی شہری ہلاک ہوچکے ہیں جس کی ہر گوشہ سے مذمت کی جارہی ہے ۔