پنڈلی کی چوٹ کے باعث لنڈا نوسکووا ووہان اوپن سے دستبردار

نئی دہلی، 11 اکتوبر (آئی اے این ایس) ومبلڈن چمپئن اور عالمی درجہ بندی میں چھٹے مقام پر موجود لنڈا نوسکووا بائیں پنڈلی میں چوٹ کے باعث ووہان اوپن ٹینس ٹورنمنٹ سے دستبردار ہوگئی ہیں۔ نوسکووا کے دستبردار ہونے کے بعد نویں سیڈ بیلینڈا بینچچ کو ڈرا میں ان کی جگہ دی گئی ہے۔ بینچچ کو پہلے راؤنڈ میں بائی ملنے کے باعث وہ براہِ راست دوسرے راؤنڈ میں پہنچ جائیں گی۔ اس کے علاوہ انا کالنسکایا اب ڈرا میں بینچچ کی سابق جگہ پر کھیلیں گی اور پہلے راؤنڈ میں ڑانگ شوائی کا سامنا کریں گی۔ کالنسکایا کی خالی جگہ پرکل مقابلے شروع ہونے سے قبل ایک لکی لوزرکھلاڑی کو شامل کیا جائے گا۔ ووہان اوپن کے مین ڈرا کے مقابلے پیر سے شروع ہوں گے، جبکہ فائنل 18 اکتوبر کو کھیلا جائے گا۔ نوسکووا اس ٹورنمنٹ سے دستبردار ہونے والی تازہ ترین بڑی کھلاڑی ہیں۔