خیبر پختونخوا کے ’غیرفعال‘ وزیر اعلیٰ سہیل آفریدی کہاں ہیں اور ’شاہی مہمان خانہ‘ کیا ہے؟

خیبر پختونخوا کے غیرفعال وزیر اعلیٰ سہیل آفریدی کی حفاظتی تحویل اور مقام سے متعلق درخواست پر پشاور ہائیکورٹ نے صوبائی حکومت اور پولیس سے آج جواب طلب کر رکھا ہے۔ صوبائی حکومت کا کہنا ہے کہ سہیل آفریدی اور پی ٹی آئی رہنما جنید اکبر محفوظ ہیں، تاہم حکومت نے اب تک یہ واضح نہیں کیا کہ انھیں کس قانون کے تحت تحویل میں لیا گیا ہے۔ قانونی ماہرین کے مطابق حکومت کو عدالت میں حراست کی قانونی بنیاد اور آئینی تقاضوں پر عمل درآمد کی وضاحت کرنا ہوگی۔