ویڈیو: یو پی میں درگا وسرجن جلوس کے دوران مسجد کے باہر اسلامی پرچم نذرِ آتش

اس مبینہ ویڈیو میں واقعے کے وقت پولیس اہلکاروں کو بھی موقع پر موجود دیکھا جا سکتا ہے۔ بلیا: جمعہ، 23 اکتوبر کو ایک عہدیدار نے بتایا کہ یہاں پولیس نے درگا مورتی وسرجن کے جلوس کے دوران مبینہ طور پر اسلامی پرچم جلانے کے الزام میں دو نامعلوم افراد کے خلاف مقدمہ درج کیا ہے۔ یہ واقعہ بدھ کی رات گڑوار قصبے میں اس وقت پیش آیا جب جلوس ایک مسجد کے قریب سے گزر رہا تھا۔ پولیس کے مطابق، جلوس میں شامل کچھ افراد نے مبینہ طور پر مسجد کے باہر بجلی کے کھمبے پر لگے اسلامی پرچم کو آگ لگا دی۔ ایڈیشنل سپرنٹنڈنٹ آف پولیس سنجے ورما نے بتایا کہ پولیس کو جمعرات کے روز سوشل میڈیا کے ذریعے اس واقعے کا علم ہوا۔ ایک شکایت کی بنیاد پر جمعہ کو اس سلسلے میں مقدمہ درج کر لیا گیا۔ 📍 बलिया, उत्तर प्रदेशमुस्लिम समाज का धार्मिक झंडा जलाकर धार्मिक भावनाओं को आहत किया जा रहा है, जबकि मौके पर मौजूद प्रशासनिक कर्मी मूकदर्शक बने खड़े हैं।प्रशासन का काम तमाशबीन बनना नहीं, कानून-व्यवस्था बनाए रखना और ऐसी हरकतों पर कार्रवाई करना है। आखिर प्रशासन की मौजूदगी में… pic.twitter.com/HDYnauFs6k— Muslim Voice Cell (@MuslimVoiceCell) October 22, 2026 ورما نے کہا کہ جو بھی اس واقعے کا ذمہ دار پایا جائے گا، اس کے خلاف سخت کارروائی کی جائے گی۔ متعدد مسلم تنظیموں نے سوشل میڈیا پلیٹ فارم ‘ایکس’ پر اس واقعے پر برہمی کا اظہار کیا۔ انہوں نے ایک ویڈیو بھی شیئر کی جس میں کچھ نوجوانوں کو جلوس کے دوران مبینہ طور پر اشتعال انگیز نعرے لگاتے اور پرچم کو جلانے کی کوشش کرتے ہوئے دیکھا جا سکتا ہے۔ اس مبینہ ویڈیو میں واقعے کے وقت پولیس اہلکاروں کو بھی موقع پر موجود دیکھا جا سکتا ہے۔